返唔返工係睇你經濟能力同埋有冇世藝興趣，最緊要唔好脫節！我冇返工多年都唔覺得悶，好彩經濟尚可，個人鍾意周圍去所以經常旅行，人又貪靚會做facial做運動扮靚，再煲吓劇睇新聞做吓家務時間好快過
5個讚
其實點解變左ftm vs wfm 的討論嘅？？？
5個讚
其實ftm vs wfm 係千年不解之迷
自己覺得ok咪得
講真嚟英國都係想自己feel comfortable
7個讚
因為這裏已婚女人多
我估樓主係想講，全家都唔做嘢
我都好怕呢d情況,其實個呀媽只要返下pt,炒散,一定俾到仔女課外活動啦!
我老公有時都唔肯買野俾呀女,我都係用自己錢買俾佢
2個讚
對仔女上唔上心,真係唔關返唔返工事,我識人以前係ftm,佢都唔多理個仔 
4個讚
我個仔year 8, 我都問佢好唔好返工,佢一樣答法,你返左工邊個接送我返放學!! (因為呢度交通唔太方便,要轉巴士加等一架永不準時or除時失蹤既巴士)佢話有媽咪接送好好,唔駛日曬雨淋, 仲有爸爸煮野好難食… etc
而家青春期都煩架,怕佢開始唔聽我講野,暫時佢都仲會痴住我,比佢痴多一陣先囉
我會睇時事,新聞,仲有睇下佢大約教乜,佢唔識功課仲教到佢,佢都仲覺得媽咪好勁既
4個讚
我真係為湊女先焗住做ftm,呢幾年發生好多事,我老公之前又攪破壞阻我返工,佢完全唔湊女架,雖然我同呀女感情好好,但係我唔係你自願做ftm果種 
咁如果咁：
一個ftm,家庭並不算富有，但叫有飽飯食。會做家務、煮飯，老公有靚湯飲。又會照顧小朋友。
一個working mum,返到屋企咩都唔理，乜都老公同工人做，小朋友功課溫習都唔理。因為佢覺得返工已經好辛苦，even個老公放十一、二點，家務都唔會幫手做。
你做奶奶會點揀？
我想帶出嘅係：working mum請假唔易，有d人好幸福，小朋友有咩事，媽媽又請唔到假，身邊有人會幫到佢地；但有d人就無咁幸福，又無好姐姐，又無四大長老，甚至老公都幫唔到時，佢地點做working mum?
4個讚
Year 8都痴住好羨慕，so sweet
我本身鐘意煮嘢食，兩父子又鐘意我煮，佢哋有時會點餐(有時煮到唔知煮乜好），我有自己me time, 所以我覺得平衡到就得
2個讚
我係香港時一直係ftm，圈子內都有不少ftm，坦白講有啲ftm真係太放大自己嘅付出，成日話好忙好忙，仲忙過返工，冇晒自己時間，呻老公從來唔幫手。又會話如果仔女唔係自己親手湊，一定冇咁乖咁聽話，親子關係冇咁close，學業冇咁好等等
其實香港好多ftm有工人幫手，家務唔使做，剩係負責管教仔女睇學業為主，真係有佢地口講咁忙？
而係英國做ftm，上面都有人話覺得輕鬆過係香港，呢度生活節奏慢好多要求亦低好多
1個讚
ftm個kpi 好難計嘅，香港同英國都係
同埋大家要求唔同，冇得比
4個讚
我而家都係咁，講真，我覺得唔忙，仲好多時間上網吹水煲劇。小朋友番學個段時間直情係爽，只係放學要跟功課，對比我以前要番工放工先跟學業辛苦程度係天與地。
我覺得講ftm忙既，應該係嬰幼兒階段？
3個讚
我身邊有啲由返工媽媽轉做全職媽媽嘅、本身人工都唔低、但因為份工chur, 小朋友有事請假唔易，放工又好多嘢掛心、所以迫住辭職。
不過佢地做全職媽媽之後係開心好多
雖然會擔憂之後「重投社會」，唔知仲揾唔揾返呢傢份糧、又或者要面對本身同職位嘅同事已經升到好高級。
1個讚
你囡囡好幸福，有你錫
我諗起我舊同事
佢好錫父母、日日lunch都打電比媽咪
年年會同屋企人去旅行
佢話細個爸爸媽媽好錫佢、成日買嘢比佢
知佢鍾意就會買（唔係有錢、住居屋）
個個親戚都話縱壞曬
所以呢傢佢有能力
會同父母周圍去、有好嘢會買返屋企食、錫返佢地
佢話如果將來生小朋友
都會係咁買嘢比小朋友
2個讚
對我自己黎講，我只會係好有錢既情況先會做ftm。只想做少奶奶唔係日日只係打理家頭細務個種。
同如果唔返工，都會係搞下小生意，只係唔同人打工咁解。未做到呢個level就會返下輕鬆工。
不過講返香港人無返工做嘢既，overall我覺得香港人都係有錢/多savings。就算留係香港都真係有好多人唔洗做嘢/做生意。
有錢人>去到唔洗做
本身有一技之長/有儲錢>唔做一陣抖下或者英國人工唔夠高，又無得請工人，咁就不如一方唔做好過
真手停口停>要返工，但可能唔係咁易放棄香港移民
1個讚
好彩我有做下 freelance,呀女暫時想要既野,我都仲買到
1個讚
係呀,我自己就係無人幫手,但我識好多媽媽都有幾個幫手,隨時都call到人幫佢湊一陣
1個讚
如果小朋友仲未返學+無工人就真係忙~
如果唔係就一定有me time