天生雞格
識三對半年內離婚，女方好快有另一伴
1個讚
冇見識過一年內離婚的。
但係身邊有朋友拍咗幾年拖，跟住準備結婚。有求婚等等，傾緊㗎喇，臨門一腳嗌大交結唔成。
不過我地又唔係好驚訝，因為本身都覺得佢哋唔係好夾，價值觀嗰啲又唔夾。
我覺得佢哋純粹係因為拍咗幾年拖喇，係時候要求婚咁，所以就求埋分，跟住要真係結婚嗰一下可能太過真實，就過唔到。
我覺得好多拍好長拖之後分手的大部分都係因為咁既原因。大家都係comfort zone 又沒啃大交，又沒大事情發生，又沒其他第三者誘惑，就好自自然然咁行下一步。
但下一步就係一世，突然reality check，好彩既結婚前分手或者結婚冇耐分手。唔好彩嘅就係生咗小朋友先至發現。。
3個讚
諗起當年當年買兇殺繼子個女人，坐完出返來，都有男人要，仲要又生多個仔
2個讚
唔記得有呢單case, 詳情係點？
1個讚
典型賤女人。
梨木樹邨買兇斬傷繼子案 是2005年在香港發生的一宗傷人事件，20歲繼母孔敏儀因為不滿丈夫在她產後冷落了她而不喜歡7歲繼子岑浩賢，所以買兇斬傷繼子。2005年8月25日，繼子在梨木樹邨回家的路上，被繼母買兇指使的2名16歲刀手襲擊，導致右手腳被斬了6刀重傷。
孔敏儀已於2013年8月25日刑滿出獄，她出獄後沒有與岑浩賢見面，且結識了新男友並懷孕。並放棄親生仔（即岑浩賢同父異母弟弟）撫養權。
3個讚
估唔到現實生活有咁多人咁快離婚，仲以為做戲先有
2個讚
我反而見過3單悔婚
1個讚
真係好賤
嘩快到咁?!
咁嘅女人仲有人要
3個讚
呢啲又係兩公婆都腦荀都未閂埋就結婚生仔
你自己兩公婆唔啱、但就揾細路出氣
1個讚
有人要就算, 物以類聚, 最唔明點解呢D人反而咁好生養, 佢已經害左兩個男仔
2個讚
我係命中異性緣強. 異性緣亦可以指友情. 我讀女校, 但識到好多男仔朋友, 會一齊食飯打機去自修室.
直到現在, 我仍然有幾個男性好友, 係中學同大學時相識. 以前係飯腳書友, 而家係育兒升學夥伴.
我性格係不拘小節易話為, 鍾意講笑搞笑嘢. 唔講是非唔搞小圈子. 唔會嗲人唔會挨挨碰碰, 唔係扮女漢字真綠茶.
1個讚
愛情方面的異性緣, 我唔知算唔算強, 年輕時每年有三兩個追求者. 但我估好多女仔都差唔多.
好多啊
A係靚靚哋嘅女仔，不嬲男友接男友，某一年突然閃嫁一個其貌不揚嘅男仔，都大排筵席㗎。點知唔夠一年，佢同一個有長年穩定女友嘅男仔搭上咗。之後應該離咗婚，又唔夠一年內，就大埋肚。之後仲生多個添。
B係一個忘年戀，拍咗幾年結婚，好似一年就離婚，轉頭同另一個忘年戀，又係好快大肚，唔知有冇結婚，但個B未夠一歲就鬧分居，爭撫養權。
C係同穩定男友結婚，點知轉頭就比老公捉到出軌斷正，跟住離婚。但係跟住又好快同新歡結婚。
1個讚
呢個係好多年前。兩家係好朋友，子女自細青梅竹馬，中學開始拍拖。男入到大學，女仔讀HD，家人希望佢去外國進修一年拿個degree。兩個難捨難離，咁兩邊家長都贊成等女仔畢業後就結婚啦。 女仔一邊讀書，兩個籌備婚禮，準備一返港就結婚。點知男仔係婚禮前三個月愛上第二個，但都同個女仔結婚。不過繼續同第三者藕斷絲連。終於婚後三個月後東窗事發，女仔問男既然愛上第二個點解仲同佢結婚，男仔竟然話：因為唔想辜負佢。
女仔好傷心，咁話離婚啦，兩家結果連朋友都無得做。
好在女仔後來都有好好歸宿。
1個讚
有, 2對
男人同女人係大學時開始拍拖，女人一直想30歲前結婚，於是係二十七八歲開始搞，但個男人一直心不在言，結婚相一D都無笑，結婚嗰日木口木面，連唔算好熟嘅男性朋友過後都問個男人係咪身體唔舒服。結婚半年後個女人同我傾計，話個男人日日都OT, 成日冷落佢，我叫佢留意返個男人係咪有「事」， 話晒都叫後生樣子唔差又搵到下錢，佢唔主動都有飛來蜢，兩個月後，女人同我講原來個男人係婚前已經有第三者，不過因為責任先至斷咗並同女人結婚，但婚後先至覺得最愛係第三者，女人無辦法留到個男人，唯有離婚。係幫佢執嘢搬走時，竟然見到一大堆未分返俾當日婚禮來賓既相，感覺好諷刺，相都未收到，人就分開咗
1個讚
應該未結已經出咗問題
1個讚