公司自從兩年前, 某部門阿姐請左個男人, 個男人好鍾意搬弄是非同擦鞋, 工作絕不認真, 好幾次被其他同事, 捉到佢星期六日, 紅日返嚟用電腦睇賽馬.
舊年呢個男人迫走兩個做左十幾年嘅同部門同事, 然後向部門阿姐推薦左一個女士, 個女士係junior clerk, 但就成日係公司講是非, 最近佢地聯手趁部門阿姐不在, 屈舊人偷客人送比公司嘅中秋果籃自肥. 然而佢地唔驚, 係因為佢地部門阿姐好enjoy比佢地兩個擦鞋.
個男人不是管理層, 都4X幾歲. 自從佢兩個嚟左, 公司而家要分"派", 真係好sad
唔知道大家係工作上又會點應付類似事件呢? 可以分享下嗎? 謝謝
即係阿姐默許啦，
冇方法戰勝，佢唔搞你，已當贏左
呀姐睇佢地頭, 冇得搞
男人小家是非真係會勁過女人
啱聽。
以前公司又係有個同事咩都唔洗做，一係唔返工，返工就上網買股票聽收音機。就算有嘢要佢做，佢都係俾其他人做再自己領功，如果佢上司問佢details佢夠薑叫上司問返負責整果個同事。呢個人人工仲要係高嘅，付出對唔住佢份收入。
曾幾何時我都想揾機會整佢，但屋企人話呢啲人唔好惹佢得罪佢，分分鐘俾佢搞死咗都唔知咩事。
所以係冇得拆嘅，直到我轉工先唔洗再篤眼篤鼻。
點解唔好惹佢？因為同老細有親戚關係？
唔係親戚嚟
但老細幾聽佢支笛，惹著佢可能會俾佢放暗箭
你講嘅呢個情況已經發生左啦 
我自己中過"小箭", 仲健在,
而家就自己同自己講, 當呢兩個人係精神病患,
唔好理, 唔好同佢地有交流
⋯⋯
返工出糧，唔好搞咁多嘢，理得佢。
該主題在最後一個回覆創建後180天后自動關閉。不再允許新的回覆。