邵家輝在電台節目上表示,自由黨早前有建議推出「累進式子女免稅額」予一些年輕夫婦,首名子女可享15萬免稅額,之後每多生育一名孩子,免稅額即可倍增至30萬、60萬,如此類推,金額不設上限。他政府可多方面支援,包括托兒服務或彈性工作安排等誘因,提高生育率。不過,對於彈性工作安排,各商界現時人手短缺下,有各自的考量。
他又表示,自由黨支持樓市減辣,及發展夜市經濟,若不盡快撤辣,會令樓市動能更低,他指,現時賣家及買家在本港仍有不少數量,都在等待時機,相信屆時交投會好,對地產界的生活有幫助,令樓市回復健康。
在同一節目上,「A4聯盟」立法會議員林素蔚認為,增加「社區保姆」獎勵金是事在必行,建議應與最低工資看齊。她指,「社區保姆」人手供應相當不足,但整體托兒服務需求很大,全港十八區中,特別是黃大仙、大埔及屯門等區,很多嬰幼兒需要照顧,托兒名額嚴重不足,當中特別嚴重是大埔區。
她建議「社區保姆」專職化及規範化,類似護理員有註冊制度,亦可吸引婦女入行,投身「社區保姆」市場,「社區保姆」是第一步,希望政府在托兒及照顧嬰兒服務上,再加碼,每一區再增加資源。
林素蔚亦認為,除了初生嬰兒津貼,可以推出子女累進式津貼,其次對初生嬰兒家庭父母的稅務優惠,在雙管齊下吸引年輕人生育。
點派, 派幾多都好~ 就算得丁屎禁多…班小粉紅已經ready 好架喇~
1個讚
邊個會為錢生仔丫?
而d 錢又邊到嚟丫?
好快亡國都分兩派。
1個讚
當阿媽同我講生仔有兩萬,我話備孕進補都未夠啦,佢 俾我
佢唔怕死咁又問我地點解唔生,其實都答過無限次,成個世界環境唔適合有細路。
同佢講睇中醫調理,孕前檢查都洗幾千啦,真係有左睇婦產科左照右照又幾千,個細未生出黎果兩萬蚊已經用完啦。
阿媽未覺得拮到佢肉,仍然話留後呀,咩責任呀果D。
我再話,華人文化男女家父母都要養要俾家用,俾少D都話不孝,生左仔即係多個地方洗錢,可能要減下家用,咁我咪好不孝,我接受唔到自己做個不孝既人囉
9個讚
D阿媽無野搵野講,點知講到扣佢家用先識收聲
其實佢地(99 阿媽)都唔係咩大富大貴家庭長大,又係要捱大D細路,平時自己都左呻右呻物價貴樓價貴,當我地住平衡宇宙另一個價廉物美既香港咁,心心念念想推個親生仔女個火坑度學佢地咁捱
4個讚
啲社區保姆得$20/鐘咋,搵做咩,加到最低工資都唔制啦
3個讚
A_lcy
10
你唔好理,總有人為咗兩萬生。
不過唔係香港人、或識諗嘅人啫。
2個讚
真, 口口聲聲話自己棉乾絮濕湊大你, 自己為頭家幾委屈 (下省一千字), 最後一講錢呀樓呀移民呀果d, 一有利益衝突, 就睇得出骨子裡幾自私。
增加「社區保姆」獎勵金是事在必行,建議應與最低工資看齊。
佢加到60蚊呀, 但係60蚊時薪係咪用家自己俾番晒? 定係用家可能只係俾一半, 政府俾番另一半?
如果係用家俾晒 $60 去請社區保姆, 咁搵私人市場既姨姨都得啦?
其實我覺得政府好孤寒,兩萬蚊幫到乜嘢,我唔知啱唔啱
system
於 關閉
20
該主題在最後一個回覆創建後180天后自動關閉。不再允許新的回覆。