背景：兩公婆無寵物無小孩無長老，
層樓十幾年前買，用咗成球裝修，好鐘意自己嘅小天地
雖然唔係負資產，但已經跌咗兩成，再揸手真係唔知咩環境
唔係急住走所以唔會大減價益人，但係而家個市真係好靜
大家點睇？
樓價向下，租金向上，賣咗樓你住邊？
如果唔使供我就唔賣，交租只會越交越貴。
7個讚
你都冇目的去賣樓，賣嚟做乜？趁蝕賣？
4個讚
賣樓原因? 賣左住邊?
賣咗樓舊錢可以做其他投資，同埋如果真係要走佬都容易啲
唔賣啦
當自住，供得起咪算
賣左舊錢你做乜先？
1個讚
係肯定做其他投資係更好？
1個讚
自住樓，唔駛賣
如果係自住… 手上只有自住單位…其實有咩好諗?
低賣低買, 高賣高買~ 係定律~
你點都要住, 出面個市要點升點跌, 關自住果層咩事…
除非你手頭好緊或好鬆既啫…
1個讚
唔擔心之後住既問題，賣都OK
先唔講自唔自住, 你自己心底裡都知, 如果想快D放一定要大減價先得, 但你又唔想, 所以冇討論空間
4個讚
跌左2成先來賣已經蝕左，又唔係要走人，又俾左心機去整到岩自己住，我睇唔到要賣樓嘅理由
而家呢個市，唔大劈價都唔會有人出價，你又唔係減價，即係得個擺字
1個讚
如果你諗住賣到就走，咪放岀黎試吓水溫，價唔啱可以封盤唔賣
1個讚
唔賣
點都要住一定唔賣。
多謝大家咁一面倒嘅回覆 
但係大家驚唔驚層樓跌到變負資產？
同埋2047年之後間屋會唔會都貢獻左比偉大嘅祖國？
諗定2024 到 2046 住邊先啦
講真，如果等於零，你咪當放租，而家都供左咁耐啦
2個讚
如果你係驚相信2021已經走左，唔會等到而家先來驚啦
3個讚
我怕你租樓兩年搬一次，又亂咁投資多啲
自住樓點都唔會賣架啦
1個讚
我會試吓放，用心目中個價放，有人接就當然賣，冇人接又冇蝕底嘅
完全唔睇好後市，應該會繼續跌，如果放到梗係放，呢個環境cash is King，今日冇諗住走，唔代表將來都唔諗住走，到時想放個價好大機會更加低好多
1個讚
用樓主提供資料代入佢情況我會咁做，放盤如果賣到銀行估價我一定賣，低過估價就自己衡量。錢買高息高折讓低PE 港股加盈富基金，一年收6里以上股息，唔只夠交租分分鐘夠比埋一般家庭開支。我賣屋轉租3年有多，賣時同樓主有類似掙扎，因為自己屋企重本裝修，啱晒自己心水。依家收股息同定期租一間比當日賣屋價貴一倍屋住仲有淨收入。投資買賣唔好攞兩年前價格做參考，係諗下兩年後價格。可能唔啱聽，不過忠言係會逆耳。
1個讚