小朋友好偏食，又唔鐘食野。
朝早返學一塊包，午飯喺學校食幾啖，晚餐又係食小小。每次叫食飯都冇反應，唔埋枱，要氹要鬧，8-9成時間佢都係喊住食。
我真係唔明白食飯會咁難為佢。我日日同佢角力，好勞氣，鬧完佢我又好唔開心，好內疚，覺得自己有精神分裂咁！
我同老公由細到大都好鐘意食，真係唔明白唔愛食既人諗法。有冇人都係不愛食？我應該點做？
1個讚
小朋友幾多歲呀？由細到大都唔愛食野？試下簡單啲整細細粒飯糰波波，一口一粒，可以加三文魚碎，菜粒撈混佢整成波波，叫佢一齊整，增加佢樂趣，吸引佢食下野
我個妹係其中一個
佢唔食飯原因係「唔肚餓」，後來發覺其實係佢偏愛垃圾食物（腸仔，凍肉丸…）
佢在屋企嘅20年都食好少，無病無痛唔會理佢，最抵死係佢遲發育但生得高過我
入咗大學佢住宿，即刻漲咗一個碼（hahaha!)
我都明白做媽媽嘅當然希望小朋友有正常飲食份量，同埋唔好偏食，但我見嘅係越逼越唔食
唯有多啲同佢講偏食嘅惡果，希望佢有一日會明白
初小了
小學前佢不是這樣的
腸仔,魚蛋果類起碼唔洗逼佢食, 但都係食好小
糖果雪糕食到嘔都話食到 
我有同佢講再唔食野會暈要入醫院, 到時我理唔到佢, 之後佢答我:我唔愛佢 
咁要了解下佢點解突然唔食
太累？食物唔好味？
我個妹係由BB開始已經食好少，佢真係兩啖就飽，天生嘅。
但佢都係好鐘意食朱古力，幾多都食得晒～
結果我阿媽會特登整腸仔比佢送飯，不過都係食好少，直至佢入大學
我哋唔知佢在大學發生咩事，但估計佢一路食飯一路睇電視，胃口咪好啲
同病相憐
我小朋友幼稚園年紀, 都係偏食, 食量少. 比同年紀小朋友明顯細粒, 矮同瘦啲
麵包, 甜野就可以食好多, 但真正有營養嘅就好揀擇
我明白都係無得逼, 慢慢黎… 繼續唔放棄嘗試搵佢中意嘅味道
你屋企有無人廚藝好? 味道方面試下再花啲心思?
另外我最近透過學校知道有社區中心有營養師諮詢服務, 價錢唔算貴, 約左諗住攞多個中肯意見參考下. 見完之後可以再update
都係話唔好食/飽
細個時容易控制佢, 愈大愈反抗, 有時候唔回應你
我都唔知點了解佢想法
同年紀小朋友明顯細粒, 矮同瘦啲 
我小朋友話婆婆煮野好食, 但都係食好小
次次食飯都唔開心, 我鬧佢喊, 唔知可以點
我小朋友都好偏食，細粒同瘦，我都好煩惱。佢基本上肉同菜都唔中意食，澱粉質類、甜食、奶類就好中意。
魚同雞肉都係撈入飯，仲要心情靚先食少少，有時直接lur 
但出街食、做節一大班人食又會食得好啲，會食平時唔肯食嘅嘢；喺學校又食得乖啲
可能氣氛好？多人一齊食又願食啲？
我有個朋友喺英國，gp 直頭叫佢比多啲薯條個女食 
其實食飯無壓力同食得開心係重要嘅，如果食飯呢件事變得有壓力，我諗又會再難啲？
我都係試緊不斷轉唔同嘢睇下佢中意食乜，同埋試緊佛系啲唔逼佢食，但平時盡量限制snacks等佢正餐餓啲。
代答有至少幾位
中意味精？
你講得好岩，進食係維生既基本，依家變到大家都好有壓力
我有限制佢零食，又試過夠鐘收飯唔俾食，佢竟然冇叫餓，到第2朝都係食果半塊包
我個妹eactly係咁
另外我媽試過夠鐘收碗，唔俾零食，佢就係唔駛食，又唔會瞓唔著
食得少嗰啲人真係唔係好識餓，要搵佢中意嘅食物任佢食撐大佢胃口先
3個讚
唔知小朋友有幾大，食飽有手機，依家手機重要過食
應該唔關事，去婆婆/親戚屋企做節（自己煮）都係會食得多啲
我果個食好多飯，但都好瘦，仲慘囉，啲人以為佢唔食嘢
Btw我覺得你唔使咁擔心佢肚餓就自然會同你講佢想食嘢
2個讚
無營養不良，無成日病，身體健康就尤佢先，食野無得迫，越迫越唔食，佢餓自然會食。一係帶佢出去做下運動，參加下跑步班，足球班，籃球班，游泳班之類，郁動多左，可能胃口會好左。
5個讚
如果擔心體重健康問題，可以試下俾佢飲雅培保兒加營素，我個女之前唔願食野，但佢願意飲，飲左一排之後肥左，胃口仲好左添
2個讚