家計會今年8月公布調查，顯示本港夫婦平均子女數目，由5年前的1.3人跌至0.9人，創歷史新低；2022年僅有3.25萬名嬰兒誕生，連續3年錄得雙位數跌幅。本港政黨及團體紛紛要求政府提供生育津貼、加強託兒服務，其中民建聯建議一次過提供1萬元「新生嬰兒津貼」、設立「育嬰假」等；新民黨倡議雪藏卵子、精子及胚胎的最長儲存期限，由目前10年大幅提高至55年。
據悉，《施政報告》將有重點章節講述政府鼓勵生育政策，尤其是家庭生育後的配套支援，計劃從四方面推出措施，包括幼兒照顧服務、學前兒童託管服務、增加在職家庭相關的津貼金額，以及「社區保姆」的服務獎勵金。
目前政府透過資助非政府機構提供幼兒照顧和託管服務，包括幼兒中心、課餘託管中心，以及「鄰里支援幼兒照顧計劃」，當中後者推出協助照顧年幼子女的「社區保姆」，義工的服務獎勵金為每小時25元，一直被議員質疑獎勵金太少，令參與社區保姆的人數不多。消息指，社區保姆獎勵金將會加碼，從而提升服務質素及吸引更多人加入社區保姆的行列。
至於資助女性「雪卵」、修例延長雪藏期限等，據知今次《施政報告》未有著墨，因政府內部認為若延長「雪卵」期限，變相令女性選擇遲生育，而太多高齡產婦亦有醫療、健康等風險。
嘥氣啦, 個BB 一出世, 兩公婆又番工, 屋企又無位/無錢請姐姐, 多數都搵長老湊。
然後長老初時湊就開心, 湊湊下又嫌辛苦。
咁育嬰園又等大半年先有位, 社區保姆又少人做又無咩監管, 不如增加育嬰園先啦
11個讚
老問題
唔識教果啲係咁生
有心有能力嘅、可能只係生一個
6個讚
叫長老湊仔其實都係唔公平
佢哋都辛苦咗大半世，唔係老馮要幫你湊孫
宜家啲樓仲係貴，年輕夫婦多數要二人工作，就算有埋托兒，生兩個已是極限，生三個又話空間不足
返大灣區大把地方，點解偏偏要在香港呢個豆潤咁細嘅地方叫人生仔呢？
6個讚
我成班朋友都係生一個起兩個止
全部都在職媽媽
生兩個嘅就算有工人，長老都要幫下眼或者喺工人走佬時頂住先
生一個嘅係想俾好啲資源個小朋友，唔想佢被分薄母愛或升學資源
我有個friend仲型，40歲生第一胎，唔請工人，長老唔肯幫但又唔俾去育嬰園，而家係24小時有保姆（日夜更）
呢啲人你再俾幾多配套都唔會再生
嘥氣啦～
2個讚
根本就係結構性問題，唔解決下面個根，淨係諗住向上面整色整水，根本就多舊魚
1個讚
下? 你唔幫手湊唔緊要, 但又唔俾人地去育嬰園?!
嘩, 條數好襟計, 但係我都理解, 自己請保姆上屋企湊, 點都安心過擺去姨姨屋企
1個讚
育嬰院去到小學又係要諗
幾多學校可以六點後接放學
就算補習社接放學果啲、有幾多間係家長「心水」學校…
就算係育嬰院、返到屋企食飯又八點幾、沖埋涼整下野九點就要叫小朋友訓、訓完仲要家務……係咪真係要咁樣搞五六年？對生活質素有少少要求嘅家長都嚇親/頂唔順
2個讚
1萬元「新生嬰兒津貼」 - 夠使咩?
設立「育嬰假」- 公司唔夠人手，仲會唔想請女仔。
「社區保姆」- 呢個最大鑊，關愛大媽，自己仔女自己教
雪卵 - 雪M卵嘢呀，生出來仲要有體力照顧，年近 50 帶大一個仔說算有錢都好辛苦，代溝濶過大西洋。
5個讚
嘥氣, BB 一出世若果兩公婆又要番工, 但凡經第三者照顧或搵長老湊, 大部份都唔教得好孩子, 更何況大部份家庭衹追求學術, 德育品行不予理會, 咁既孩子長大都唔好得去邊。
3個讚
認同
真係嘥鬼氣
又諗起之前排育嬰園又係排到天荒地老都排到
同
保護兒童會虐兒個案
1個讚
身為家長
我都極力建議仔女/未生的朋友唔好生。
生完無人幫你湊，工人又難請到好，長老又未必幫到手，老闆同事又唔會體諒，經濟壓力又大左，上到小學又多功課/考試。
未生先可以用曬成份人工喺自己到，鐘意去旅行就去，收工全部時間都係me time，生完仔之後得返沖涼時間係me time
個責任揹足一世
5個讚
真~成日話出生率下降, 但我果區育嬰園, 都排到我個BB十個月大先通知有位
果十個月如果無長老幫無工人, 又要番工, 頂多又係搵番私人市場保姆姨姨
育嬰園咁大間, 先話俾街外人影到虐兒。
私人市場保姆姨姨更加無監管, 無人知道佢地響屋企點湊BB, 真係講個信字, 如果請保姆姨姨上門去自己度湊, 條數又貴。
託兒所又可能兩歲先肯接受暫託
2個讚
萬變不離->窮人生仔正__街
本身已經兩夫婦返工，主要支出兩邊長老家用+供樓+管理費+生活開支，除非以上支出只佔總收入50%以下，咁就可以考慮有下一代。
生左要湊，即係是旦一個要辭職，收入減一半(around啦)，
無長老幫(唔係必然要幫你，唔係必定有能力幫你)，即係要請工人，每月支出+5k，都未計一開始機票仲介埋費用。
生仔唔係淨係生出黎果個moment先開始增加支出，平時成年人一年病兩次可能公司都仲有得claim，睇婦科(專科)唔包，每次at least $800，照乜照物又幾k
果2皮野，未生出黎已經用突啦
6個讚