點解有d 男人明明有斜孭袋同腰bag, 寧願成手又電話又銀包三四樣嘢, 都係唔用d 袋?
我老公知有嘢要買,去好遠長時間地方,先會揹袋。
如果短程又無嘢買佢真係帶個人出街就得。
而我就衰衰地都會揹個斜揹小袋仔入面放紙巾環保袋。
自從我老公比人偷左銀包之後…又背囊又腰包
背囊係因為我唔咩野的,我手袋好細,唔好叫我拎其他野(雖然一定有環保袋)
但佢又唔鍾意拎野,所以有時買左野都放佢背囊
腰包就因為慘痛經歷後出現
我老公以前會叫我幫佢袋本書,佢自己就銀包電話算
佢話孭背囊背脊好熱,斜孭袋有大肚腩孭唔到
但係出現環保袋之後佢就鐘意孭,仲會幫我袋嘢
揸車出入兩手fingfing
興廢包唔裝嘢
佢地個腦冇諗咁多嘢(唔會諗要帶遮、紙巾、環保袋),同埋佢地褲袋真係大好多好多,電話叉點器鎖匙銀包一個褲帶可以 fit 到曬。
依家啲電話越來越長,我地女人啲褲袋又窄又短到電話一半都裝唔到,一邊袋電話,另一邊袋銀包鎖匙已經爆曬
佢都係揸車出入, 但就算拎咗斜孭袋落車, 落車都係喺袋拎返銀包電話出嚟拎喺手…
如果去屋企附近幾條街
我同我老公都唔帶袋
我
八達通、提款卡、身份證一個卡套搞掂
再加鎖匙、電話、紙巾、消毒啫喱
間中加個摺埋好細嘅環保袋
全部袋晒落褲袋
我老公
銀包、鎖匙、兩部電話
不過如果去遠少少,或者知道要去借書,老公就會用背囊、我就會用布袋
個人問題
全人類好似八婆阿四,帶暖水壺,C巾,遮,先叫有腦
勿誤會喎!我冇話佢地冇腦亦冇話邊個有腦,邊個八婆阿四,只係講好多男人個腦唔會諗呢啲,會諗其他嘢嘛,例如都知道冇可能落雨就唔會帶遮,冇都可以畀錢買。
只係慨嘆如果女人褲袋都有男人褲袋咁大,應該好多女人都唔會用手袋。我都想兩手 fing fing 行街
身邊男士又無咁既情況喎。如果只係去近近地既都可能唔帶袋。但知道要買嘢,我爸同我老公都係會帶袋/拎環保袋。同我有需要都會幫我袋水樽/零食。
反而我老公成日笑我用小廢包。話男人買袋係睇實用性,一定唔會買小廢包。
我男朋友同我出親街一定會揹背囊
其實我自己都會拎手袋同環保袋
不過男朋友鍾意買完嘢放晒入佢背囊
包括我買嘅嘢
除非都唔夠裝就會用埋我環保袋
但佢硬係唔俾我拎
佢要拎埋
同感~學你話齋袋部電話都突晒出黎, 所以唔怪得女仔番工, lunch time 多數都會拎袋仔裝好晒d 野
我老公鍾意著有四個袋嘅褲
我爸鍾意著有四個袋嘅背心
共通點係落雨都唔鍾意帶傘
我係女人,我係穿U記男裝褲,現在手機咁大部,又銀包又紙巾,都無可能兩手fing fing出街,
因為坐低褲袋內放咗咁大部電話,會哽住。
除非穿行山褲,大脾外邊有多兩個袋
我老公都係咁
而家連bb嘅嘢都係放埋落去背囊
該主題在最後一個回覆創建後180天后自動關閉。不再允許新的回覆。