越嚟越唔聽人講嘢、要支持佢想法、話佢就話自己會搞掂、其實搞唔掂到時咪又係我要同佢執手尾、再唔係之後話佢又話我馬後炮、發脾氣話咁你做哂啦
係咪裝聾作啞等佢衰左呵返先叫好老婆？
你把炮
我屋企嗰個都係咁 仲要係 傳統潮州大男人 仲要重要 係摩羯座 仲要重要我懷疑佢更年期
我能夠同佢相處咁多年 我都覺得我自己好叻
我哋兩個之間嘅溝通 特別係涉及生意 我真係 扮聽唔到扮睇唔到 哦哦哦係係係係 聽完就算
真係衰咗嘅失敗咗嘅 我都係直接費事理佢
對於 呢段關係 我情願咁樣換取和諧生活和諧互動 唔想嘈交 贏咗場交輸咗段關係冇意思
7個讚
印象你第一個講呢個星座
我話你知，呢個星座既人係極度硬頸
佢仲要係典型魔羯座，我係典型獅子座，簡直天敵
我同佢一嘈起上黎，佢係唔會主動和解，我唔理佢佢更加唔會理我，冷戰高手高手高高手，冷戰1整個星期都唔係問題，簡直係基本日數
每次都係我主動和解，我自己嬲完就當無野日常講野，佢先會軟化，好可怕。
我反而係好怕冷戰既人，有事有唔妥要講清楚果隻，正正同佢相反
但都一把年紀（唔知你咩年紀），睇開d ，我時常remind我自己，將佢既好處放大，自己嬲完就算，放唔低就去shopping
好在我一shopping 就會好好多 我shopping多數都係買野比兩個細路，屋企人同佢，咁見到佢地岩用開心我都開心
1個讚
想像到大概情況, 因為我爸都係魔羯座, 我媽都係獅子座
唔好拗交, 有開始, 無終至
3日一小拗, 5日一大拗, 飛杯飛碟, 都試過嘈到去差館
不過我老豆會用第二D野搵我阿媽講返野, 唔係tum, 不過係會主動講野先
我老豆對我好好, 所以可能 … 唔係老公material??? (唔好介意, 我講笑咋, 就係將D皮氣發晒係另一半身上)
主動講野既。。。。角色係我。。。
我地唔太時常嘈交，可能幾個月先會有小小衝突
我就係唔鍾意嘈所以扮啞扮聾，扮用心聽佢講野但個人會雲遊太空
佢算係好錫我同兩個細路 但絕對0浪漫
但一嘈交就係另一個人咁，佢自己都知，所以大家一feel到火藥味就停
但對外人又會無限包容架wo
我唯有同自己講 佢真係視我為下半世，所以響我面前毫無保留亦唔會 掩飾。。。。。卦
都係果句 都一把年紀，我都費時同佢計較，當做善事
1個讚
呢個話題好似變咗講星座。
不過，我都相嘅。
我同老公會因為語氣態度唔好而嘈，佢唔覺佢有問題。所以一去到語氣差，一句起第二句就黑我面，遇著我心情差我會堅咬番佢：老馮受你脾氣架我。
其實獅子座應該要面要贏，係都要咬住人唔放。我老公就係咬住人唔放撩人嘈交，仲反話你不是嘅人。
路過亂up
我唔識星座，但我自己觀察，好多男人一到40中之後，就會開始萌塞、自我中心、覺得自己啱曬、講嘢僱激、唔理人感受……
而呢啲情況有時又淨係針對個老婆、佢對外人甚至係仔女都可以好正常
但又未至於去到負心漢果啲…
我成日諗，呢一類人係咪去到呢個年紀個腦某部分就會萎縮，變咗唔識同屋企人相處（特別老婆）…….其實係咪要去醫、好似自閉症、亞視保加咁
4個讚
好中、四十後可能公司做到咁上下職位、成日都有佢講無人講、話自己得、仲話已經叫好聽我講、樓上講起我都懷疑有男人更年期、個人好鬼燥、話左咁就咁、但一對仔女就變羔羊
問題係我自己都唔想忍、只許認同太獨裁。
midlife crisis?
2個讚
點解你咁似我朋友講嘅嘢。
1個讚
男人更年期，不過無40歲咁早，50歲打後
1個讚
似係搬咗公司套管理返屋企，男人更年期平均係60歲
60就唔係更年期，係老年期。
男人都係40幾就有更年期徵狀。只係無女人收經咁明顯。
喂呀
勿相認
1個讚
我又冇諗過咁學術性
只係覺得原來都幾多男人一上年紀就剋人憎
而好多衰野又只係針對個老婆
無論老婆好定唔好都係咁
4x 嗰 d 叫中年危機，男人60歲左右更年期唔止有情緒，身體機能都有變
係咪即係山羊座？
1個讚
認同, 我老公就係咁