我自己都唔知今次其實叫唔叫移民、自己同身邊朋友、都係從無諗過要移民、只有將來送小朋友出國讀書嘅打算、因為大環境同疫情、過後都真係覺得好多野都準備得唔夠好、但世事無完美啦、而家返轉頭再講點都無意思、有人本錢夠可以轉場、就算同一國家都可以轉區、都有朋友因為預算同工作問題再轉區、無細路仔就仲簡單、有小朋友再轉校就煩啲、但唔啱就要轉啦
1個讚
我唔係架、揀左一條龍校、本來諗住唔駛煩住到中學…點知
2個讚
我睇屋時見有啲老人可能因為住得偏，揸車出市區要大半個鍾。
可能想賣屋搬返出去
如果本身自己都鍾意外國生活會好啲，但我見都唔少人真係為細路。否則人到中年，錢又唔係話好多，都唔會移民。
唔適應嘅多數係重要做野嘅，有時諗都真係要好正面先得。
好多做開文職轉藍領都好辛苦的。肯做但都會做到懷疑人生
covid時好多資訊都係正面
不過一心要走，就算真係聽到負面嘢，可能只當唱衰，聽唔入耳
1個讚
計劃趕不上變化
仲可以買retirement apartment 、我都傾向呢款、易啲打理、仔女大左又少返屋企咁大做咩
同埋老左就唔駛住校區、同等價錢好多選擇
我呢邊有好多老人住，諗住瓜左間屋比細路賣
個邊可能因為偏，揸車大半個鍾至一個鍾出市區唔算太遠。但冇乜公共交通，隔離就農田。
兩個老人有乜事好麻煩，你知呢邊唔係話報警就有警車救護車黎
我一向都唔諗咁長遠
不過一般生左細路都會搬一次。可能為左校區 / 近學校，又可能為左近父母，方便照顧
好多人移民嘅時候冇諗過去到當地做乜嘢， 2020年嘅時候好多人隔山買牛，靠當地嘅朋友同埋經紀睇樓買樓。
最後夾硬起嗰個區搵嘢做、又或者每日跨區返工，放工又或者營運自己嘅生意。無論係英國定係日本都成日見。
無論網上有幾多呼籲叫人唔好咁做，一定要到咗當地睇清楚先至決定住邊度。個個都會有唔同嘅理由買定樓先租定樓先。
例如小朋友嘅學業：
我哋自己個女沖繩小學已經搬咗三次，讀咗三間唔同學校。根本完全冇適應嘅問題。
我哋搬屋因為想要更加好嘅生活環境 同工作無關。
以前喺加拿大住我阿媽移民之前買咗間樓，到咗當地之後，住咗一年就搬屋，每日佢車我返學放學時間單程最少45分鐘。後來頂唔順都要搬返同一個區。
我中二先至去加拿大，香港四月輟學，九月先至再開學。足足休息咗，差唔多半年，完全冇影響學業。
家長顧慮太多啦。
9個讚
諗起隔離有個post, 有人話移英後有不似預期既情況, 但係因為小朋友已在當地讀書, 所以都唔會再搬/ 移去第二度
日本唔知
如果英國，真係好唔適應個區，又買左屋，可以賣屋。我見好多地區都成日有賣屋
除非個區真係好差，否則應該唔會甩唔到手？
成日聽買屋，有冇人分享賣屋，同因唔適應搬去其他區或者其他國家
唔適應個區，通常都係返工返學遠買野唔方便，但呢d唔係事前已經有資料睇到嘅咩，學校可以問定有冇位，正路中伏機會細左，除非其他居住問題咁就冇計
1個讚
學校可以 check左先，不過可能又轉校
工作就未必，同睇個人要求。
買嘢，可能睇 map好近有shopping centre. 但住落原來唔啱買或者選擇少
好多嘢住落先知，即使係香港。成日有人香港，九龍，新界咁搬
最緊要鍾意 > 唔鍾意
唔鍾意就賣屋，成日見有人賣屋。市好時一兩個月都賣左。唔好嘅話可能一年半載應該都賣到
學校可以睇咗先，好多時Council要有地址先派位比你，比較尷尬係嗰啲要考GCSE或者讀sixth form嗰啲，好多時好難搵到位，或者要考慮讀私校，未搵到位，家長又未必敢搬屋住
所以做功課好緊要，如果諗住要工作就一定要搵大城市，唔好學人地過咩田園生活，同埋買樓前都會睇埋附近配套，就算隔山，shopping mall有咩舖頭係google map都睇到
我啱啱睇左 d搬市分享，其實同香港搬屋差不多。
都係搬屋屋公司一車車走，自己揸返自己駕車走
1個讚
啱唔啱買唔知
好多人成日講 iceland, farm shop. 我就麻麻。就算行路去到，我都冇乜去
好彩步行距離都有 sainsbury, asda
而且轉校都唔奇。
近排聽 d 本地人講，私校中學都唔係真係咁貴，好多香港人如果full pay左屋，又有返工，又有少少錢。都 afford到
咁當然都已經係唔少本地min pay一年嘅人工
但唔貴嘅私校，可能質素同一間好成績嘅state school差唔多，我見私校都幾多，成日賣廣告
搬屋唔難，主要係轉學校去唔同council再搵位讀Year10或以上有難度，比如想由北面小鎮搬返落Greater London，要搬咗有地址council先派位，但係因為學校都顧慮GCSE成績，家長都驚冇學校收，影響考GCSE，家長就未必咁亂郁住
應該有唔同價錢，一分錢一分貨
不過一向比錢都要 study 資料，貴又唔一定啱。係香港幫細路揾學校都一樣
我覺得 afford 到無妨，香港都唔缺政府學校，米一樣大把家長送細路去要交學費嘅學校
讀私校有時係為校風同群乜人。如果比到£20k左右一年學費嘅家長應該對細路行為有 d要求同屋企唔會成堆細路唔得閒理