Yes
係呀，宿位係得咁多，早兩年叫做起左個新既(好似香港仔定黃竹坑咁上下)多返少少位，不過都係供不應求，出一個入一個。
樹大有枯枝，強姦非禮虐待係有發生過
一方面明白家人既憂慮，但另一方面又明白照顧果D員工係好忕
智障人士唔係個個都十下十下蕃薯咁，宿舍員工入去時幾雄心壯志都好快磨滅。
叔仔都係日日去展能中心，間中有見佢瘀左成大撻，可能係大髀內側，可能係手臂陰肉位，我初初都話不如反映下，點知99已經睇開晒，話自己對住個仔唔聽話都有情緒想打佢啦，何況係外人(員工)，少少野唔係斷手斷腳，當佢撞親又或者係同學整既都唔定。
去中心有同學仔上下堂有活動，定時定侯車佢地去活動，去NOAH’S ARK 去故宮 去M+ 去香港景點，其實真係好過困屋企。
星期六日叔仔唔洗去中心，真係全日睇電視嫁咋，99懶出街所以唔會同佢行下，平日返中心都係坐，所以對雙無力，但又越食越肥，唉，真係等坐輪椅
4個讚
該主題在最後一個回覆創建後180天后自動關閉。不再允許新的回覆。