係啦 環境會令人變 另外有異性都會令唔少人變得無人性 
… 變得最多(或"睇得最清楚")就呢兩三年啦 唔左又唔右既都唔多想睬佢地
2個讚
其實好小事，只係個朋友唔幫樓主買嗰件貨啫，樓主好似諗得太多，其實樓主想支持件貨設計者都可以有好多方法（直接課金唔要貨／或者買嚟送俾其他香港朋友都得）。
如果有朋友喺外國叫我幫手買嘢我都未必肯買
講真，又要幫你keep唔知幾耐（講真，剛移民嘅朋友又未必會咁快再返香港，即係點都要好好保管一大段時間），買咗自己又要負責任保管，但原來唔買又好似背負咗唔夠朋友依個罪名好似道德綁架咁。
1個讚
但我最friend嘅朋友都係大個先識
細個識嘅朋友都有聯絡，但年紀大咗就會發現價值觀有分歧，唔係好似細路仔咁冇咩考量
大咗識嘅朋友，大家都心智成熟，識得分邊啲係值得做朋友嘅人，唔值得嘅人，識幾多年都唔想再同佢聯絡
就好似我有個由幼稚園開始識，由細玩到大嘅朋友，年輕時都仲好friend，到大家有家庭有小朋友，就發現價值觀好唔一樣，再加上原來勁藍，真係識幾多年都同佢講88
2個讚
我初初仲諗係咪自己問題，諗唔明點解佢變左咁多，最接受唔到點解可以咁假咁離地。
最尾被一個共同朋友一句點醒。宜家我對佢都係傾表面野。
1個讚
thanks for your reply and advice
唔係想討論應唔應該買/怪責朋友唔買
我唔鍾意 keep，寧願自己比運費，早 d 寄比對方
初初到埗，可能會同香港比較，試吓唔同香港比較，會更快習慣英國生活，無收入係有壓力，唔敢隨便用錢，搵到工，慢慢會順，祝福你 ~
2個讚
試過書展幫谷友買盒限量版，結果擺係我到成年先黎拎。中間我地搬過屋，又要保管埋佢個盒，又要鏡錫住（我自己個盒反而個盒已爛），成件事就係好阻頂
3個讚
冇追哂，如果真係 friend 就冇所謂
我都有叫我香港嘅 friend 幫我買書，報紙，雜誌。
個陣只係話放住先，因為冇歸期。
佢儲左兩年幾，之後帶埋來 uk 比我。揾個 fit size 嘅盒入好比我，重要唔肯收返我錢
2個讚