係呀
香港800蚊一餐飯面不改容
黎到就$100 都好似唔捨得咁
我就費事麻煩親友喇
一來都唔知幾時返去
如果返去我自己買都可以
同埋人地都唔想擺舊野喺屋企咁耐 又唔知會唔會繼續幫你買
過到黎 就會認清所有野
2個讚
過到外國就真係你有你生活 佢有佢忙碌
大家得閒一句問候已經好好
3個讚
有時真係要睇餸食飯，財政ok支持下當然無問題，但如果資金唔多有時真係無辦法，等自己settle down好先再繼續支持
2個讚
係呀, 大家需要、要求唔同. 你覺得冇所謂ge嘢, 可能我好在意/有要求/日日都會用.
tube真係好貴, 如果自己zone買到, 都唔會特登出zone 1
HKD 60 (來回3磅) 講緊尖沙咀去美孚既距離, 又點會同香港一樣呢.
對呀. 人工減咗, 睇洗費都唔再用香港標準去睇
你咁講都可能係喎^_^
都係既, 應該假設別人係善意.
多謝你, so far一切都好好, 你都係呀^_^
1個讚
呢樣都係我過咗黎先明白
喺香港我係搞手, 成日搞活動, 主動約唔同既朋友行山、唔同主題既聚會. 我走時佢地都有farewell我、唔捨得過我.
過咗黎, 就好感受到佢地好忙. 所以基乎冇主動搵佢地了.
你有你生活, 佢有佢忙錄~~
你講得啱, 有一句問候已經好~~ 再返香港再見吧~~
慢慢會發覺
唔主動搵人
就真係冇人搵
5個讚
無錯
慢慢我都摺埋自己，唔再太上心什麼友誼
夾到時間就見個面，唔會再專登就佢地時間地點
1個讚
就佢地時間地點?
你意香港定當地朋友?
係XD
同埋發現, 香港朋友係冇咗我一個friend, 但佢仲有其它fd其它聚會
而我係冇晒所有fd XDDDDDDD
冇嘢嘅, 再識過囉~
4個讚
又唔得咁去諗既，唔通你走左成班朋友唔聚會?
你老幾?
朋友去到邊識到邊，無話無左邊個唔得既
2個讚
唔好話朋友、親人都唔會明白、總之條路係自己揀、感激會體諒你的人、我連叫親人買嘢都唔會、立場唔同本身都反對、反正沒什麼不能找取代、就算同立場都覺得你走左就係丟低佢哋都唔關你事啦、各自安好吧！
1個讚
唔必要,都要麻煩人,當然唔想幫你,好有完沒了feel, 人情都係必要先好碌, 走又係你自己選擇, 自己負責任啦
3個讚
樓主似乎諗嘢好負面，好似諗得通，但說話有怨氣。
移民感到不安、寂寞正常嘅，但不能夠怪責香港嘅朋友。
哈? 我諗你誤會咗我意思, 以為我好自大, 冇咗我佢地就唔再聚. 我意思係, 佢地會有「其它」朋友, 而自己係全新由零開始. (咁當然啦, 但我係移民後靜下來才發現)
我老幾? 我諗你誤會咗我意思.
當然玩開嗰啲, 例如一班中學同學, 我走咗, 佢地當然繼續會聚. 我點會覺得, 冇咗我, 佢地就唔再聚?!
1個讚
哈? 我呢句冇怪責喎. 我只係話, 原來咁咁咁, 原來移咗民會咁
我緊係不是怪責佢地有聚會
你覺得我呢句怪責佢地乜嘢?
1個讚
你嘅文字好易令人誤會，我又唔係你朋友都感覺到。
小心言詞，唔係靠message 聯絡嘅朋友都無埋，
誤會你唔好意思。
我係自嘲(XDDD) 自己冇晒fd. 係笑緊自己. (講笑)
多謝提醒!
真係廣東話都lost in translation呀!
你都講得啱呀