呢d 咁嘅觀點，啱哂大公、01
一放上網就俾人鬧爆啦！
吃子文化
如果我仔怨我生佢出嚟，我真係會好傷心好傷心…
希望到我老時安樂死已普遍，我一定會咁揀。
又或者反轉諗，點解會發生咁嘅事
我係諗
就算仔仔幾孝順，照顧有病長者都係辛苦的，又浪費佢青春
佢有埋怨係可以理解
日本以前都有老人上山自殺，點解香港唔得？
更重要嘅係有病長者本身生活質素低，例如要人幫手大小便，要食糊仔嗰啲，何必繼續受苦？
2個讚
果陣我爸雖然係有老人痴呆, 但係成日都話想死.
但係始終佢係失智, 唔可以佢話想死就當佢真係有能力自己咁樣決定. 所以都係繼續餵粥換片. 真係佢又辛苦我又辛苦.
同埋, 反而到最後佢行唔到, 我地幫佢換片都唔係最辛苦.
佢仲行得果陣, 瀨到周圍都係, 真係崩潰. 仲有自己夜晚唔訓, 仲走出外面話要死. 係呀佢係想死呀, 唔通我真係由得佢自己出去咩.
假如長者係有決策能力, 台灣而家開始興起 “斷食善終”, 咁其實佢自己唔食野, 冇人逼到佢.
但我覺得, 我唔生仔就易搞啲, 自己唔食野就可以死.
但係如果有仔女, 啲仔女好難可以眼白白睇住父母餓死. 個文化好似唔容許咁做.
如果"斷食善終"多人接受的話, 其實唔駛安樂死都死得去?
同埋而家住老人院果啲, 正正就係有仔女先會俾人擺去老人院插喉等死. 如果冇仔女自己又唔俾錢入老人院, 又點會入去. 至多咪喺屋企孤獨死瘟臭屋, 但係都死左, 唔在乎間屋臭唔臭啦.
有啲老馮要兄弟姊妹幫佢照顧父母，正一自私精
1個讚
無錢養就唔好生啦，又唔見賭王養一家幾十口要一日打幾份工，窮人生仔正xx
1個讚
香港地、送入老人院都俾人鬧死啦、個個都話請工人照顧、講就輕鬆
1個讚
不過講開，到爸爸過身後一兩年，我開始回想細個爸爸都算對我唔錯
都慶幸自己照顧得爸爸好好，雖然老人痴呆，但照顧到佢冇痛症，都冇褥瘡之類，唔駛住老人院，覺得好安樂
好複雜，我覺得人生好多痛苦，但爸爸生我出黎呢個決定，佢應該冇諗好清楚，始終佢嗰代個個都生，所以我都唔太怪父母，我當父母無知
雖然無知地生左我出黎，但係總算對我幾好
但我覺得呢一代識諗，避孕都普遍，真係唔應該生仔
2個讚
我嗰陣請工人湊，又要俾地方工人住，真係好彩負擔到
而且個工人幫得手，係好好彩
請工人好多都好差
1個讚
其實同長輩同住，就算冇病冇痛都難頂啦，何況仲要請工人照顧
咁要老人家自殺又誇張左。其實工人/護老院我覺得無問題。
又唔係得香港有老人，但唔知點解香港啲老人好似特別辛苦要人照顧咁？係咪因為真係太長壽？
奴隸般生活，就算長壽都五癆七傷
第一，香港好多老人院環境好差，身邊親人朋友入親老人院情況只會比之前差。
第二，我反對末期疾病嘅老人用醫學去久延殘喘，人要活得有尊嚴，咁嘅生命我覺得係無尊嚴。
純粹個人感受，不喜勿插。
1個讚
但自殺要好大勇氣。安樂死就唔同。
同或者真係要移去有好護老院既地方。
錢銀同地方問題，市區大廈樓下一間垃圾護老院都10K起跳一個床位，空間多D既30-40K不等
有幾多人可以俾得起3,4萬一個月去俾老人家住好D既老人院丫
香港又細人又多，同外國或者蛆國既老人院空間完全無得比
1個讚
所以講到尾咪又係錢、想養兒防老、自己又無本事有優質退休生活、香港獨居老人會被渲染到好慘無人理、外國仔女大搬走哂先正常。
1個讚
你有冇去過老人院？ 其實同地獄冇分別。 成日俾阿姐鬧。 成日要求人又會被綁住係張床
邊達地方可以移民到有好嘅老人院，價錢又唔貴嘅？