唔好勞氣…移民同不孝唔係對立的，even成家齊人喺香港都唔會平均分配到照顧長老責任，本身照顧要付出精神，時間，金錢，呢啲已經秤唔到點先公平公道
4個讚
見得外國人家庭相處多，我反而覺得佢哋處理得比成日用孝字掛喺口邊嘅中國人好。
1個讚
一個成年人同bb可以相提並論咩。仲要無人迫人生仔，咁同養兒防老有咩分別？
2個讚
我係留港，我妹讀完書無返港。長老都唔洗要我照顧。講真我嫲個代都唔會話大安旨意要人照顧。但都有俾錢我嫲既。我嫲啲仔女個代都已經有人移民。
點解後生既時候會唔為自己退休打算？
5個讚
咪係，就算日本人都係年輕人出巿區做嘢，老人家係鄉下，兩公婆搞掂自己。even大陸人都係咁。
係，我都同仔女講，第時邊到有你專長個行嘅發展機會就去邊到，唔洗死守係英國或香港架。得閒video call我同爸爸講幾句就夠。但有咩事，屋企會永遠預留張床俾你。
3個讚
咁咩大陸都好多人好不孝，留低d父母係農村？定係只有香港人唔可以留低父母向外闖？就算安排好晒都唔得
1個讚
安排好晒你移去火星都得，但係大多數人都唔係咁囉
你以為你安排好哂啫、本來養兒防老就有問題、而家仲有埋其他兄弟姊妹幫口、一係就係你俾既錢夠多到塞晒所有人把口、大家心悅誠服咁出埋你份力、一係就長老好似賭王咁咪多人搶住照顧囉、唔好諗住本來感情好會無問題、而家係少個人做嘢唔係少隻香爐少隻鬼
點為之安排好哂？
老人家一日唔學識自己照顧自己，都唔會安排好。
我屋企黎講, 我係留低果個. 我大哥同家姐都走左.
我仲要照顧老人痴呆既爸爸.
我係冇怨哥家姐走, 反而覺得佢地有得走係好事.
我媽有時呻哥家姐走左去, 我話阿媽添, 我話做乜人地要為左父母留低. 一開始佢地都冇求你生佢出黎, 父母生得仔女出就有責任養大仔女. 但係仔女係冇責任照顧父母.
至於我, 純粹係冇結婚冇生仔, 都有能力請工人照顧爸爸, 所以就幫忙照顧. (而家家父已經過身)
純假設, 如果我係有結婚生仔的話, 就唯有送佢入老人院.
其實果陣湊爸爸係真係好辛苦, 我怨爸爸媽咪生我出黎, 但係冇怨哥家姐走左去
雖然係怨爸爸生我出黎, 但係又唔忍心送爸爸去老人院, 唔忍心睇住佢受苦. 所以都係自己照顧返.
利申, 所以我好討厭人地生仔, 因為生仔會令下一代落入呢個兩難, 照顧又辛苦下一代, 唔照顧的話, 下一代又內疚.
如果下一代唔照顧又唔覺得內疚, 又覺得佢不孝.
唯有唔生仔, 先可以安樂咁自己離世.
7個讚
回覆緊上面嗰位
正如要建設社會，一定係個上代人/上代管理者做好自己(Basic)，再創造一啲可以繼續發展既野(Bonus)，咁下一代人先會可以生活得更好。
對應返屋企層面，上一代照顧到自己係基本，再好啲就係可以留財富資源俾下一代，咁家族咪興旺。可以一代傳一代。如果上一代要透支下一代去照顧，咁可以想像到家族會點。
1個讚
如果父母可以令仔女生活更好，咁生仔無問題。
下, 我好苦喎. 我都要陪覆診架喎.
唔止覆診, 陪老豆睇急症, 排通宵.
冇家庭就老奉要照顧父母? 放假即使我冇家庭, 我都想出去玩, 但係為左老豆就要留喺屋企睇住佢.
你有冇睇我全篇,
我唔怨家姐哥, 因為覺得佢地冇責任照顧父母.
但係我怨父母生我出黎. 罪魁禍首係父母自己. 唔係兄弟姐妹
2個讚
我唔認為人有照顧雙親既責任.
一開始子女都冇求父母生佢出黎, 父母生得仔女出就有責任養大仔女. 但係仔女係冇責任照顧父母.
咁我quote 過呢一part.
我唔怨我家姐哥, 個原因唔係因為我冇家庭. 請你唔好曲解我.
即使我冇家庭, 我都想出去玩而唔係困喺屋企照顧父母.
我唔認為人有照顧雙親既責任.
一開始子女都冇求父母生佢出黎, 父母生得仔女出就有責任養大仔女. 但係仔女係冇責任照顧父母.
但係我怨父母, 令我跌入一個兩難, 照顧佢我又辛苦, 唔照顧佢我又唔忍心睇住佢痛苦.
明白. 我唔識講野 唔再回應了 免得越描越黑
令你不快唔好意思
1個讚
哈哈，都說好說歹左十幾年，又真係逼到埋身佢冇得揀先學。之前都係十萬個藉口同歪理。
佢哋都係傳統人，老來靠子/新抱觀念個啲，同一位兄弟吵架，另外個幾位會做和事佬。
我哋又用翻細個佢哋教個啲說話話返佢，佢哋嬲多幾次都冇咩好講。
仔女大咗，係可以俾家用、跟進醫療日常生活、帶佢去旅行啲人，唔係啲講風涼話同番廣東嘅三姑六婆。
另外，我哋都會離間佢同啲三姑六婆，鼓勵佢多接近正常嘅朋友。
加上兄弟係no nonsense 嘅人，佢都冇乜可以揀。
我對in laws 都係咁嘅態度，咁當然溫和好多，宜家唸番，長老們冇初初咁多無理要求，同客氣左。
其實我都明
仲有申請長者八達窿
好多野電子化
唔係打個電話番香港遙距教就識