你哥已經算好 好多人係要靠父母接濟等比錢先走到
重要話唔返香港呢樣個樣 要父母過去英國睇佢地
呢類人最冇資格出聲
平時阿哥係咪咁嘅人先
我覺得重點講人響邊度
走同唔走都有難處~ 你阿哥唔係特登唔理父母走左去的, 依家個社會搞到咁大家都唔想 。老人家太多野跟…定係搵看護幫手？太貼身既野其實好難一個人跟晒, 除非唔駛番工就話姐。同你阿哥傾下可否夾錢請看護, 佢都係人地個仔佢都有責任。
你咁講咩意思 有野咪發表囉 怕咩講
明，如果父母有人照顧，我都會想走。呀哥講到過左去經濟好憫水要慳錢，我唔知係扮窮定真係咁，平時睇呢到大家好似都輕鬆。佢連正常家用都冇俾了，我諗更加唔會夾錢請看護，而家屋企嘢基本上係我俾哂。我自己都有小朋友，又養細又養大，出錢出力身心俱疲。今個暑假佢地番黎一家4口慳酒店錢住我媽到，亦冇提陪覆診，住左3星期亦冇留低生活費，我父母面皮薄，我亦唔想多事變成鬧交，大家都冇出聲講。
5個讚
平時冇我咁上心，可能係男仔，屋企嘢主要係我負責，但係我以前會分俾佢，可能我7佢3或者我6佢4。家用以前佢有俾，但今年開始冇俾，佢自己同我媽傾，咁我加左d家用。都知冇咩辦法改善現狀，我都係呻下算。
2個讚
感情ok就出聲啦
睇得出你好孝順又好兩難，好明白你
父母方面，佢地有無申請額外生果金？我父母話佢地每人約4千一個月，兩個就8千，又加上住公屋（已供好，得管理費要俾）所以佢地話我去左英國後唔洗我俾家用。不過我諗到佢地再老啲，醫療會係一筆大洗費，所以我預左一筆錢到時要用上場
另外，同你阿哥講清楚你嘅難處啦。無理由你一個揹晒，你唔出聲佢就會當你無乜所謂架啦
3個讚
同你阿哥商量下, 睇下佢出到幾多都好, 始終父母年紀越黎越大, 如果你父母本身有買醫療保險就好些。你當你阿哥喺英國幫你開路, 之後多一個選擇都好。
呢啲話題真係無限loop…
我有一刻諗過兩夫婦太空人，留一個在港照顧年老父母，但真係唔捨得對方…
所以無限膠著
我同我老公講我唔要超過80歲，唔想做人負累，佢即刻話我痴線＞.＜
其實真係要好感謝仲留港的兄弟姊妹照顧埋移左民果份囉
3個讚
我老公平時負能量寶寶又反社會人格，好多時已經講人過左退休就對社會無貢獻，應該要 
資源留返俾對社會有貢獻既人力身上。
無左養長輩既壓力就可以集中造下一代造新人礦。
只要無感情羈絆/人性去睇，我都認同
一定出聲喎，移左民大哂呀。老豆老母佢都有份。
知唔知阿哥阿嫂係英國做邊種工作 要唔要供屋交租
當關心下 心裡有數知真窮定扮窮
1個讚
理智上我知留低既嬲咩、但情感上有時會內疚、有時都會嬲點解要俾面色我睇、而家又唔係去享福、新生活幾多挑戰無人關心過、怪走果個不如怪長老、生仔女就係為左養老？我哋一話走已經俾人鬧丟低佢哋、家用用積蓄頂、比之前少但真係盡咗力同唔知頂得幾耐、諷刺係出聲既唔見鬧以外做過咩、衣食住行都係受照顧、羨慕其他家庭都咁支持、有能力又自立既長老兄弟姊妹先融洽和諧
1個讚
你家庭好理想長老都受教、更多係恃老賣老、一句老就唔學、仔女一出身就退休覺得自己係收成期了
認同！一直都很羨慕可以話走就走唔理老豆老母個班人，完全視孝道、責任如無物
1個讚
道德綁架。照顧自己唔係每個人自己責任？點解將自己責任加係人哋身上？
孝順係一定要隨時候命？咁外國人無一個人係孝順。
8個讚
當年屙完你出嚟你唔自己照顧自己？
當你係做留港照顧者的身份，你就唔係咁講，拍下個囉柚走咗去，係好容易