「通常」嘅Sample size係幾大？
都有人由開始唸走、到揀落腳地點、住屋間隔都有同長老商量，
齊齊旅行短住試水溫，
盡量做足心理同生理準備。
1個讚
同我父母一樣
佢地聽到孫仔話黎左英國開心好多，又聽到我話佢主動左讀書做家務練波識朋友，個人活潑左唔似係香港時咁呆，都話早知道早一兩年黎
6個讚
但其他兄弟姊妹唔會有說話怨言咩？
我情況就係咁
1個讚
我好好彩冇，因為阿妹一向都同阿媽住，我阿媽身體健康，可以自己照顧自己。
2個讚
我媽爸無大病
但一個月都要番一次醫院覆診
佢地touch wood傷風感冒、其他問題又要指定睇私家
年年要入院 body check
喺香港處理claim form保險問題嘅兄弟姊妹就會有怨言 
我識一個人講同你一樣嘅說話，佢情況係，自己嘅兄弟姊妹plan同走得快過佢，跟住佢就咁講喇…（但佢都plan緊，只係未實行得到）
2個讚
我四大長老屬於唔聽話，唔識照顧自己仲要成日做埋令人擔心既事。就算請咗工人姐姐但姐姐傻下傻下都唔太幫得手。搵過幾次移左民（佢吔好多年前就走）幫手勸下佢哋，當然冇下文。
走咗唔好諗咁多，幫到幾多得幾多，無需要覺得自己孝順定唔孝順。但亦唔好依賴留係到既人。
2個讚
兩邊家人都有經濟能力同可以照顧自己
到真係年紀太大先再算
對，互相依賴靠
唔好俾家人情緒勒索到，堅持自己做啱嘅嘢就得，加油
6個讚
係香港我係主要照顧者。
其他兄弟姊妹一向主張長老要活到老學到老，不能因為「老」而變得很依賴，一向都係必要時才出手。
離港後，可以遙距處理的，我都盡量電話/ 網上處理。
不能處理的，就寫好對答比長老自己處理，不能作主的就推說要回家和子女商量。
托賴，情況還好，起碼沒有在我面前有怨言。
長老們清楚子女脾性，所以又真係可以慢慢學習。
最近阿媽返港後很積極搵種植youtube片，然後係露台做實驗，話為下次黎後院種野做準備。
對我而言，長老有了新興趣、能自主學習，係幾驚喜。
12個讚
每個人出生後都係獨立個體，仔女成家後當然以自己仔女為先，香港咩環境走得嘅好清楚，衰d 講句，小朋友人生先啱啱起步，無理由因為長老十幾廿年而攬埋一齊喺香港。
就算同你瞓足幾十年嘅伴侶，都可以話走就走，人一定要學識獨立，邊有人100% 承諾會陪你一生一世。
12個讚
有時迫到埋嚟可能發揮到小宇宙
2個讚
老左就乜野都寄托晒落d後生 孫兒度 成日話好掛住d孫 後生果陣就屋企乜q都唔理 把口話要去搵食 老左就要靠人？佢應該要搵下自己節目 興趣 充實人生. 後生冇野比佢煩咪算 比咁大壓力大家何必！如果覺得移左民就唔理長老 移左民既人本身冇外國戶藉 又可唔可以話長老不負責任 當年冇同d後生諗移民？其實父母仔女係相向的 咩原因要移民 父母自己心照.
2個讚
Deleted
有種人廢到禁個制求人，乜春求人旨意人，生兒育女靠痴長老湊食，以為自己高高在上大晒
乜年紀都有咁嘅人，唔好講到一定係後生問題，何況，無人俾佢痴又會有得痴咩？呢d 廢人都係自己一手湊大，自己寵壞怪得邊個？
我識得幾家朋友走，本身都父母關係唔好，但d 老人家又有冇檢討過自己嘅問題？天下無不是的父母呢d 情緒勒索已經唔入流。好多人走咗，但同香港家人感情一樣好，有d 住埋同一間屋都如同仇人。
喺子女需要你時，好好建立關係，而唔係一句嗰時人人都係咁湊就過去，到子女唔需要你時，反問自己有冇做好父母角色。有時子女同父母無緣份都無辦法，世界好大，唔好淨係圍住子女轉。
2個讚
崩口人得罪後生
霎戇
我就係留係香港照顧父母個個，呀哥過左去自己都未搞店俾唔到家用，所以今年我要俾埋佢個份。覆診睇醫生提食藥全部都係我，更加唔好講咩填form消費卷長生津平時雜7雜8一堆生活鎖碎事全部都係我。上面有人話走左通常唔理老人家，我覺得係難聽得黎又部分正確，基本上就算想理都理唔到。我知又會有人話養兒防老唔啱，係我父母唔啱唔係我哥唔啱，我都想有父幹，希望佢地精明醒目唔好俾仔女家累，但現實就係冇，而我做唔出唔理佢地自己走左去，所以我都知係我自己攞黎，我要硬食冇計。今年呀哥暑假番黎，理智上知唔好怪佢，情感上完全唔想見到佢。
8個讚