唔單只呀，仲有人洗埋碗添
1個讚
高小啦
我當大約10歲啦，嘩，佢d細路behavior 分分鐘定晒型無得改，無家教行為又cheap 呀媽又畏首畏尾，你唔呢一刻疏遠都好快無fd做，分歧太大啦，而且佢仲成日expect 有你carry 佢tim
樓主好脾氣，比著我會疏遠佢，所以，我無乜朋友。
君子之交，淡如水同有距離，咁大家先做到朋友。
我做學生時試過，有個同學面皮唔簿但好唔客氣，成日同佢男朋友講唔好擔心我，話上我屋企煮麵，但我事前唔知，我煮埋仲要洗埋，我覺得佢搵緊我笨，講聲唔該就駛人，佢男友有正職，有比錢佢駛加佢屋企政府養，唔係講到無錢買包同飯盒，最後，我重讀完轉校就去另一間學校時就立刻疏遠埋佢。
易請難送，幾熟都要有基本尊重啦，何況佢d仔女都咁無家教，平時都應該學曬佢阿媽d野，下次千祈要約法三章先可以再上黎
1個讚
呢d朋友淨係識搵人笨
佢地係自我中心到爆，點講都唔會改架，盡早遠離係最好
我都有個朋友會經常搵我黎攝時間，一開始冇野，但幾次之後就會覺得好反感
1個讚
有啲人唔去到出聲鬧都唔醒覺，根住自己小器又話人地做乜嘢嬲，呢種人堅多
1個讚
我睇晒樓主同A相處，感覺樓主當A是朋友，A當樓主是水魚。
朋友會為對方著想，唔係立心攞對方著數，
即使朋友有無錢，大家都可以平等地做啲令對方開心的事，但A完全無理樓主感受。
我估樓主經濟環境和教育小朋友的能力都應該好過A，但樓主無義務照顧 A的缺欠，樓主不是慈善機構，而樓主做咗咁多野，我都唔覺A有感激之心，而係繼續不斷發出無理的要求。
如果樓主在無壓力下同朋友互相幫助，扶持是美好的，但現在只看到樓主是單方面付出，而且是影響到自己生活。
所以真係要坦白向A反映問題，拒絕她的自私的行為。
8個讚
其實如果有生厭嘅感覺就已經好明顯你覺得唔妥，就算你唔上forum 問，其實你應該知點做！
都高小啦，點會湊唔掂吖，佢想休息都要理下其他人感受。
唯一的就是疏遠佢！
2個讚
真係唔覺佢會驚，唔走仲叫人煮飯比佢一家食都講得出
「佢啲細路話未飽，朋友A話簡單食啲嘢當晚餐就得」
我自問同我姑奶感情好（我地小朋友會互相過夜），都唔會好意思叫佢煮野比自己食。
1個讚
我都好認同要相信自己感覺，FEEL到唔開心唔對路就要疏遠！年紀愈大愈要忠於自己。
6個讚
已經高小帶出街都話辛苦，咁唔捱得生三個根本係自製困境（諗起張太雯雯）
呢啲辛苦應該父母自己諗辦法解決，而唔係揾朋友笨囉
3個讚
樓主形容朋友怕出街，見人都要樓主傍住，所以話佢畏首畏尾。但對住樓主就似熟賣熟食住上。
2個讚
就係佢平時冇其他朋友 （或者熟嘅都怕左佢）所以死痴樓主
冇朋友就梗係有原因
係樓主咁好先容忍佢咁耐
1個讚
睇左大部分，感覺你朋友應該係婚姻唔愉快，又咩都同你講晒，知道你好明白佢、支持佢所以就咩都更加唔客氣，當你屋企係避風塘
佢對其他人唔係而只對你係咁，即你都可能俾左錯誤訊息佢。既然你同佢咁熟，坦白啲同佢講你感受啦。
1個讚
你個friend 當你水魚喎，你仲唔走？
1個讚
佢就係持住你同佢好熟／你唔好意思做醜人。
依種人，要喺佢第一下lur你就應該決絕咁直接落閘stop佢，唔好俾佢用N個借口延伸落去。
同埋要話定俾自己小朋友知，佢啲小朋友可能會扭點點點，叫自己小朋友唔駛理佢地，等媽媽頂就得。
3個讚
我有幾個所謂朋友識左幾十年都係吾會改， 妳越縱佢就越當妳傻仔， 勸妳盡快疏遠。
我覺得係有心搵著數, 第一次我話OK, 就有第二次,
佢地唔會唔識做啦, 想你幫手做野, 必定會讚左你先,
中同係細世女, 細個個時見唔少
唉, 如果去到幾家人又係頭痛
我出席親戚飲茶, 有D一個人黎, 有D 2個人黎, 有D 3個人,
其實我都好樂意比晒, 因為都係自己人, 而且黎既都係長輩 (4-5個家庭, 不過下一代多數都係得我, 有時多個表妹, 其他表兄弟姐妹都唔出現) 小小錢我比得起請晒
但舅父們覺得分家庭好D, 均真D, 但人數有多人有少人
但呢D情況唔到我話事, 佢地想比就比
2個讚