之前唔知山竹定天鴿, 我已經暈樓浪成日
而家我估佢轉緊位, 我feel到坐樓搖緊, 高層, 所以我唔開
我反而覺得山竹勁d，上次我影 video影到我住的大廈係搖的，今次可能係夜晚，影唔到！不過真係搖到好驚！
山竹勁d，我個露台打風會落帆布擋住，咁多年黎淨係得山竹會吹得甩，今晚都無事。
可能真係好勁，果啲分體式係釘喺外牆上就危啲
感覺上天鴿勁啲。
起碼我出面未有樹木倒塌，天鴿嗰次周圍都有樹木倒塌，垃圾捲到龍捲風咁，路牌都吹到跨區。
樓下大馬路兩個劉江華唔見咗，有1個分咗體四散唔同地方，巴士van仔站路牌瞓低晒，屋頂啲波浪簷篷，地盤啲木鐵板吹晒落街，最勁風9點到11點，街燈吹到狂搖
香港係用鋼鐵混凝土構成既城市，根本唔洗怕D 咩颱風，最多都係斷下樹，阻下區內道路，主要幹道一D事都無。。。果D 跌冷氣，爆玻璃個別到唔個別，似安裝缺憾或者瑕疵多D。日出康城幢樓打埋主力牆，過左所謂10號風球，有無變危樓？
有邊次風，D 氣象L 唔話個風勁。到頭來，味又係無料到
無料到係真心好彩，永遠唔好掉以輕心
我同意你開頭講嘅嘢。建築物條例本身好好，係執行上，建築手工有瑕疵。豆腐渣工程例外。
但係颱風嘅威力唔可以睇小，山竹係一個例子。
我哋啱啱經歷咗 全個県40% 戶大停電，只要經歷過，就會明白。
唔係好明啲人點解會因為山竹而睇少蘇拉
即係天文台信號最高就係去到 10 號，幾勁都係 10，蘇拉係符合 10 號風球嘅門檻
只係山竹破壞力太高，封左頂 10 號。
姚明 2 米高唔代表 193 係矮
都係唔好掉以輕心，可以吹到啲燈柱搖都唔係少野。
你哋沖繩同香港係城市規模分別太大，香港唔可能出現因天災，大面積停電。兩間電力公司因為利潤管制玩法下，D 電力設施redundancy 高到唔正常。
係香港，我指係香港正常生活習慣下，颱風威脅有限。要驚既話，驚 醉駕，衝燈，行街冧石屎 或 者斬人多D
我隔離屋露台枝晾衫竹吹到插咗落我露台
仲要唔知係咪冇人向屋企，好似完全唔知個露台啲嘢吹到冧晒咁
明知打風都唔收好露台啲嘢，仲要晾被向出面，成塊被連晾衫竹扯咗過嚟我果邊，好crazy
好彩冇插爆露台玻璃門咋
叫管理處上來拍照，留低記錄。
山竹定天鴿時特登走出街睇風，點知行到出門口無幾步已經跑返入屋
真係好彩冇撞埋玻璃度
其實今次都係勁，只係上次經歷左山竹，而
兩個前天文台長都講到出口，正苦先至正視
問題又咁啱 9月1號開學所以先至提早準備，
如果遲掛到時咪又比人閙爆。
今日睇新聞先至有個專家講蘇拉因為環流比山
竹細又咁啱黎到香港個時咩兩個風眼重置減弱
左先至無咁勁，如果唔係重置左先到港到時就
個風就好勁。
我住市區噚日五六點先開始有雨到晚上十點開
始黎料個風轉向啲風係好勁打埋黎，但因為高
同空礦我住個度都叫做好小小有隔離座擋左啲
但啲風雨打埋黎都彭彭聲。
唔好意思，你好想有料到咩？
我唔想喎！
因為冧樹、水浸、爛窗都唔係好事，冇料到有冇料到嘅好，大家安全啲嘛！