娘家個鄰居隻狗狗有皮膚病定唔知咩(主人講話係D藥味)，真係好臭。
一方面欣賞佢地對狗狗不離不棄，另一方面部𨋢停過我地果層都會儲左果陣味 
2個讚
駛唔駛用到咁盡呀
4個讚
唔止咁, 我親眼目擊好多過份要求, 每晚佢哋到屋企前5-10分鐘, 會打電話叫工人落停車場攞嘢, 無論工人當時做緊咩都好, 放低晒, 即刻落停車場… 無論多嘢定少嘢, 都一律係工人拎, 可以分兩次攞, 上去放低再落去攞, 但佢兩公婆一定要係兩手fing fing上樓囉…
2個讚
其實呢啲又係有一小部份人玩爛哂個制度。明明有工人幫輕屋企係好。但部分人又勁無良，好心咁多野做就請兩個工人。根本有兩個小朋友，有啲都已經請兩個工人。一係就加人工。佢仲要搞到動物園咁。
3個讚
呢段片俾我位親戚見到, 可能今晚工人姐姐要咁做架啦… 
1個讚
吓，做老細好心買部old嬋啦。
1個讚
屋企連露台around 1200呎, 有張豪華版O嬋架啦… 不過, 老婆話人手按直接D到位D, 舒服D…兩公婆嘅心態就係俾咗錢請人工, 就要用盡, 唔係就蝕…
1個讚
嘩雖然人地係工人, 都唔使咁大支野呀?
痴線, 希望佢地快d 俾人blacklist
連登仔cap 圖, 呢件事個事主安排左窗台床俾工人訓, 嘩窄到咁成年人點訓呀
2個讚
出面揼半小時都要百令二百蚊，日日揼已經超額仲未計做家務搬搬抬抬。真係 呢家啲人知唔知姐姐工作性質係做咩？真係唔難怪點解要爭取加人工。
1個讚
佢老公係已完, 佢兩公婆成日都覺得自己係尊貴人士, 有時做節出街食飯, 如果去酒樓, D人認唔出呢位已完, 就覺得人哋係井底之蛙, 我心諗我被迫識你咋, 你邊位呀? … 係我眼中, 只係兩個癈柴…好彩無生仔咋…
CLS, 良知真係唔係人人有…
2個讚
按摩真心痴線喎，初生BB便秘要按摩肚仔，就可以算係工作一部分啫，正常成年人，點會叫工人按摩
1個讚
正仆街
1個讚
之前一路睇到話瞓窗台床，我都諗而家窗台加張床都好common呀
頂，睇到呢張相，原來唔係窗台床，只係窗台上面加張床褥，連延伸床台都冇
窄到咁點瞓，叫個太向度瞓返幾晚先講啦
4個讚
阿太仲講「覺得很無奈，由之前炒工人姐姐以及請新姐姐嘅錢，包括買床鋪和被單，一共用了兩萬幾。」
炒前一個既錢又要撈埋黎講，我唔覺得依類人會新姐姐就買新床鋪被蓆，分分鐘叫新姐姐自己洗返上手d床單枕袋。
4個讚
阿太宜家先知原來上東張西望會俾人起底喎……根本起底係因為你刻薄仲要扮晒慘law
佢口中所講既"常識", 除左叫工人小心鸚鵡有精神問題, 連登仔發現淨係煮飯要求都最少寫左一張紙。
Sat, Sun or Holidays - We prefer to have something special on every weekend. You may cook some western or Filipino food to let us try.
1個讚
旁邊張BB 床仲闊過佢。。。
4個讚
果d用工人法仲以為係億萬富豪
真係好多僱主好乞人憎
2個讚
好恐怖，真心我自己小朋友返全日，工人得閒啲，食都唔會咁多要求。早餐浸燕麥我會自己整，小朋友前排帶飯返學食，都係自己早起身整俾佢哋。
工人接送兩個小朋友再加日日家務買餸同早晚餐都夠多野做。
見FB留言好搞笑，笑個女人自己主動公佈天下話係無良僱主
3個讚
條友終於關閉左個post 既回應
應該終於feel 到太多人入黎串佢
1個讚