小朋友初學鋼琴疑問

[Ummm]

因家中冇人識樂器，輔助唔到，只能外判

小朋友6歲，跟社區中心資深導師初學鋼琴已約7個月，每星期一堂30分鐘，資質ok, 都聽話學得快手，而家程度大概可簡單雙手彈，可自行睇譜唔洗寫簡譜，但數拍子仍然好弱

對老師教法有疑問，想知係咪正常初學教法

1. 每堂教3-4首3行短歌，老師唔會示範彈新歌，學生試彈到有錯先會執，然後返去自己練，冇提及幾時開始教grade 1歌，定係通常要學左一段時間上左手先會教考級歌？

2. 好少教數拍子，唔俾用拍子機，佢話唔可以依賴，只要求小朋友一邊彈一邊自己數1-2-3-4，但小朋友完全數唔準，由其半拍，搵得岩音來又數慢左。搞到佢失敗感好重，唔中意彈，老師只話一定
   要自己數。我可以點幫到佢？1n2n3n4n 呢種數法係我自己上網自學先知係咁數，老師冇教，我都要自學埋一份再教佢

3. 欣賞老師唔教睇速成簡譜，一開始就要求要識睇豆豉

4. 心裡好多疑問，覺得教得好慢，又唔教佢點正確數拍子，唔知導師咁教法係咪正常？ 聽到其他人可以好快就考級，自己個就好似原地踏步。但又唔知點幫到小朋友，唔想佢因此怕左琴

5. 想轉老師，但唔知有咩渠道可搵適合人選，想搵去老師家私教，有咩方法搵？琴行試過堂又覺得d老師好隨便，責任心唔夠。

6. 想學琴係想佢可以更好訓練左右腦協調，專心做好一個目標，打好基礎之後再發展其他樂器。唔需要以快速考級為本

有音樂人士可俾些意見嗎？謝謝

[aw21]

1，2. 佢哋用緊咩書？有D書係0-3級喎！要唔要換老師好難答你，不過我同意唔好靠拍子機，因為拍子機應該響自己心入面，考試都唔可以用拍子機啦！同埋學拍子、節奏哩D好靠個人領悟能力，好有D小朋友真係一點就明，但如果連拍子都未數掂，豆豉又未睇得掂，可能需要花D時間。

3. 正式學西方音樂當然係要學識睇五線譜啦，考試都唔會用簡譜

[Andrea]

我之前係Edu Kingdom 找教琴老師、上老師門的、我只是隨意搵、想小孩學得開心+訓練佢左右腦

[Tigermum]

其實先學左7個月
學音樂急唔黎
要浸
我覺得你小朋友老師係教學理念上無問題
係可能教法上差少少

你同仔仔練個陣一定要慢練
數住拍子 搵音慢左唔緊要，照去，咪最多1、2—、3、4— 咁去，最緊要係慢練，練岩音練熟手指位先，岩哂音唔使再搵音先加拍子
小朋友好快就練熟
可能首歌彈5-6 次已經熟
數拍子好多種嘅
咪1234，1n2n3n4n，唔得咪士多啤梨蘋果橙咁數

[Tigermum]

不過題外話
以前我地一般唔會搵社區中心啲老師學琴
因為個個年代感覺教社區中心啲老師都係無經驗/馬虎，不過都總有好老師
睇你遇唔遇到