想問吓咁多位意見。
本身唔識揸車，冇香港車牌。
諗住遲D過加拿大。
但係左右軚唔同。
咁應唔應該喺香港考咗車過去會好D?
定係過到去先由頭學?
黎緊係講緊幾耐。宜家香港學車要排一年，仲未計重考。
1個讚
去到先學
1個讚
香港排咁耐，都係去到先學啦。
我都係移民英國晌英國學車。
1個讚
要排咁耐?
打算年幾2年後先過去
要啊。但你年幾2年先去就快手香港學左先啦。拖拖下你只會越難真係學識揸到出街。唔係有天份既一定要不停練車先唔驚。
我以前都係懶然後無心機學，但係之後有一下覺得揸車係必須技能。我唔想依賴一定要人車我，的起心肝就考到了。
聽朋友講去到學仲容易，亦唔比香港貴，只不過一開始無得用
加拿大唔承認香港車牌了，要考過
2個讚
我建議學，香港唔考都先學，路面經驗比考牌合格緊要，牌一次唔得考多幾次總考到，夠路面經驗保護自己保護其他人。我講自己經驗比妳參考，我超過10年雪藏牌，除咗學車揸過從來冇試過自己冇師傅情況下揸過車，走之前補鐘2堂，一到步買車，自己揸頭1000公里手忙腳亂。要睇路睇gps, 睇車，睇行人(加拿大行人大晒)，加埋小朋友喺後座囉嗦。有啲半highway 3線speed limit 80 車貼車都幾緊張。入後波唔記得入返前，睇前後唔睇旁邊，轉灣上膊，想踩brake踩錯油門，想踩油門踩錯brake全部試過，好在有自知之明慢慢揸未試過意外。1000公里之後開始應付到大部份路面情況同控制自如，2000公里之後揸任何新路都好舒服。好多情況唔係考車學返嚟，要一路揸一路累積，如果有師傅叫佢唔好淨係操考試，揸下唔同路對自己去到新地方揸車好有幫助。
1個讚
唔駛諗啦，過到去先學啦，加拿大規則同香港唔同
識咁諗好好
過到加拿大先學啦，親身經驗，喺香港考完就過黎，真係無乜用，個牌唔可以互換，路況同規則又唔同，真係同未學過無乜大分別… 除左一埋司機位識踩油門腳制
我黎到都係再俾錢重新再學過練過先再去考，當然考完仲要自己實戰揸一輪先會得心應手，所以唔好喺香港嘥錢嘥精神喇
1個讚
感覺上左右軚唔同學左都要重新適應。如果仲唔可以換牌，我會過到去先學。
該主題在最後一個回覆創建後180天后自動關閉。不再允許新的回覆。