我上星期4開始唔舒服,果陣醫生開左抗生素同止痛藥,去到今日,啲藥就快食完,耳仔仲係塞住,聽野好似有野隔住左,耳仔入面會有啲聲,鼻塞都未好,我諗住聽日去睇專科,有冇人試過類似情況… 
你有無試過blow-your-nose? 用手攝住個鼻之後試下谷氣, 可以幫助打開耳仔個氣孔梳氣。
我早排感冒都係咁塞咗，只食感冒藥，冇睇專科。當鼻唔再塞時，耳仔就會慢慢通返。
哩招好有用，我坐飛機/ 搭𨋢成日都用
1個讚
咁通咗之後，又會唔會再塞返嫁
係呀, 好有用, 不過記住唔好一次過太大力, 唔係的話反谷耳內氣壓又會好痛。
我細個有好嚴重鼻敏感, 童年時和tissue係好朋友, 久而久之自學識的自己打開耳仔個孔, 不過唔識教人。
唔會即刻, 但有可能過一陣又塞, 咁鼻塞通左之後都有機會再塞返啦, 舒服一陣先囉。
之前試過耳仔塞+耳鳴。
後尾發現原來太多耳屎。
先食抗敏感藥試下有無好轉，有時係過敏症狀但我地唔知
傷風感冒引起嘅耳塞用呢個方法係未必得
游水，坐飛機塞耳仔呢招就work
我老公都係咁,睇過幾次醫生都唔得, 成日話耳仔好似有嘢隔住塞左, 搞咗好耐都未好 , 我叫佢搵個耳鼻喉專科睇啦 ,佢又唔理 ,拖咗幾個月之後,終於肯聽去睇耳鼻喉專科睇咗一次就好番啦, 專科醫生有幫佢吸耳仔,但係只吸到D皮屑出嚟
我之前都係咁，係要「撩」的，因為耳屎積住。只係「撩」下就冇左六百，因為我搵專科。
我試過，但當時係先感冒，後來就耳塞，睇左好多次西醫都唔得，最後睇中醫搞掂。
試過，真係要睇專科。當年睇仲要俾錢去做個唔知咩嘢嘅聽力測驗（諗番覺得有呃錢成份）我耳鳴，做完測驗先開藥俾我食。冇滴耳冇剩。齋食藥，幾日後好番。
其實聽力測試好必需。除左塞耳屎醫生即刻睇到，耳咽管閉塞同突發性失聰（同樣可以有d耳仔塞住感覺）個用藥唔同，結果都可以好唔一樣（突發性失聰過左黃金期就神仙都救唔到）
應該聽野都有困難
我老公都係咁,鼻塞耳又塞,睇左專科CHECK左聽力,俾左噴鼻藥都無咩用
該主題在最後一個回覆創建後180天后自動關閉。不再允許新的回覆。