由細到大讀書到而家，性格都算開朗但就易緊張。直到今年開始出現好多小病小痛，連帶情緒都越嚟越擔憂焦慮，有時仲會擔心到喊。有腸胃病同最近有膀胱敏感未好番，可能要中醫調理幾個月什至更長，我好鬼衰，食中藥食咗幾日見無效就會好灰心，然後又跌返落去焦慮唔開心嘅循環，搞到個人都無咩精神。我知道積極樂觀嘅話其實病痛都少啲人會快啲好，但唔知成日都要擔心一大輪，驚醫唔好又剩。
其實，點樣先可以在面對病痛時候，樂觀而且放寛心咁面對？ 
比自己做其他嘢分散注意力
我都係估下
有個後生朋友患癌 情況最差時要bed rest 之後好返少少都要坐輪椅
佢好樂觀 話唔係人人都可以坐輪椅 佢坐住輪椅去邊都唔洗排隊 買戲票又一定有位
最後佢戰勝咗 
你都要加油 
6個讚
我身體長期都有痛，有段時期痛到個人好灰，因為做咩都無改善有影響到日常生活，身邊人又唔會理解你幾唔舒服。
唯有盡量諗開心事，做自己鍾意嘅事，如果藥物可以舒緩就食著藥。
舒服時做下運動，做吓腹式呼吸（最少１０分鐘)。
醫院有個痛症科，你可以試下由門診要求申請排，會按你問題需要咩醫生，我係要見物理治療，心理痛症同痛症科，但感覺比較有效係心理痛症，佢會教你呼吸個醫生又會聽你呻下。
如果時間夾可以JOIN活動聽人分享，不過我未參加過因為就唔到時間。
最重要積極面對，與痛做朋友。
1個讚
我覺得一定要搵啲嘢畀自己做，唔可以淨係瞓覺，去曬下太陽， 做下運動，運動當然要量力而為， 但做完運動真係個人好積極樂觀，諗嘢都冇咁負面
揾短期目標 或者一啲節目令自己期待下
原來有個咁嘅科
其實會唔會係有焦慮症?
試下話俾自己聽關關難過關關過.
有冇搵醫生/社工/關心一線etc?
有D病人會同病友團爐, 有同路人心情上會好D, 但亦聽聞過越圍越灰
該主題在最後一個回覆創建後180天后自動關閉。不再允許新的回覆。