Link入面有片
大埔人大埔谷
地點：大埔運頭塘逸雅苑
日期：2023年8月9日
時間：下午3點45分至4點40分
事關小弟屋苑治安一般，屋企大門有裝閉路電視，點都估唔到今日大派用場！
事緣今日下午三點幾，有兩個形跡可疑嘅男人喺屋企對出走廊徘徊，我同屋企人從未見過呢兩個人。佢哋不停打量我屋企同附近單位，我當時已經有不祥預感，似係爆格。我估計佢地利用單位近防煙門嘅特點，方便匿埋同逃走。
回歸正傳，兩名專才唔知係咪第一次落手，睇落唔係好專業。佢哋不但唔戴口罩、啲衫咁易認，仲要睇唔到我屋企裝咗cam，施施然用咗半個鐘研究道鐵閘，真係R哂頭！
最終，我屋企人報咗保安，保安巡邏時同兩個賊相遇，繼而開展後樓梯追逐戰。可惜嘅係捉唔到賊。可幸嘅係，鄰居單位無被闖入，確實係不幸中之大幸。現時警察調查緊，希望捉到賊啦！er….希望啦…….
可能係同鄉 
我唔明事主屋企人點解係報保安而唔係報警。
其實我都會報保安先。除非發生超大單事。
片中個保安算後生係咁, 肯追兩個賊
難得後生當值，我住個條邨，勁多大媽阿叔做保安，唔係老就係肥，根本無可能追賊。
一般都係呢班人做保安, 最多expect佢幫你報警, 為有靠自救 
我小人之心，知道D保安牌好流所以對D保安一向都無乜好感，
有人入黎得黎踩線已經失職，仲通知佢地 
(我小人之心覺得係佢地通水)。
最近發生，我打落去投訴，接電話個保安話個電話壞咗呀，我聽唔到你講嘢。就收咗我線。真係DIU一聲。
唔係流，係又廢又懶又卸膊。
有時係門口收到私煙傳單都已經接受唔到。
踩線己經失職，真係可以打去主任投訴。
真係on9
有咩重要事搵佢哋就死硬
無錯，我門口都成日見有私煙傳單，當佢由平台入口入，算。
兜口兜面管理處既信箱都有依D廢物。
同埋好怕D查家宅既保安，我阿媽又好鬼乖咁答，做得耐果D就傾下計叫做多少少信任，新黎果D/頂更果D就咪講咁多，幾時出入都講晒俾人知。
該主題在最後一個回覆創建後180天后自動關閉。不再允許新的回覆。