呢個又係搞笑d, 戶外活動去咁多日, 就算唔係大熱天時去都會曬黑啦
係啦, 真係誇張到……
唔知真係以為要移民去左唔返黎果隻
2個讚
我覺得純粹係果刻咁多支咪隊埋去
個阿媽諗到講乜就講乜遮
唔知喺邊度睇到啲留言
話係熱到飲用水曬到變熱水
要唔知第四定第五日先有部冷氣旅遊巴士比佢地上去抖下
我自問比一般人相對唔怕熱
聽到都覺得辛苦
2個讚
有啲人明我講乜，唔明嘅應該無參加過／無屋企人參加過童軍～
我媽當年都無阻止我去，但我後悔架，因為曬黑咗真係難識男仔（咁啱去完就入U），女仔做童軍亦唔特別吃香。我本人AYP，Girl Guides乜都玩齊，純粹個人感受者。
我只想指出母親有咁嘅反應背後嘅原因，當然未必個個阿媽一樣啦。
如果我有個女，佢堅持要去呢啲童軍露營，我唔會阻止佢嘅；如果佢係問我意見先決定報唔報名，我會同佢分析利弊然後叫佢三思！
5個讚
我覺得有冇得著、有時係睇個領袖係點
有啲惡得嚟、係push到個細路做到一啲同家長一齊做唔到嘅野
有啲係冇point 咁鬧、又唔知鬧乜、總之乜都喝一餐、啲細路只會覺得呢個人係short 嘅
其實小朋友有時好簡單、有朋友一齊就乜都想玩…
其實睇領袖亦睇小朋友性格
我有個中同中學時文靜內向，去咗一次AYP已經頂唔順，佢有勉強完成銅章，但一啲都唔enjoy。佢去到大學變咗山友，宜家勁過我。
所以事情無絕對，會曬黑未必代表個camp一文不值，不過喺中女嘅角度，本能反應當然係唔鐘意啦 
1個讚
同我睇法一樣，如果我女問我意見一定叫佢三思再三思，佢堅持去我唔會阻止但肯定會擔心
呢啲大型集體營，衛生安全都有好大隱憂，學自立、群體、抗逆能力仲有好多途徑
3個讚
我當年暑假日日去泳池游水又行山，曬到黑忟忟，皮膚粗晒，要搞好耐先白滑返啲，不知幾後悔
我best friend中學操水，練到背肌又厚又橫，著衫唔好睇，佢都後悔㗎
2個讚
True 有啲剩係識鬧，跟佢地學唔到乜嘢仲影響情緒
我後生係星馬住過一年，成個人曬到黑曬，返嚟香港阿媽接機個驚訝心痛樣寫晒出嚟，我當時都覺得佢誇張㗎
但宜家做咗人阿媽又有個女就好明白，女仔白淨啲好
1個讚
我好唔鍾意同童軍嗰類紀律同團體服從性，完全唔buy呢啲
反而AYP 嘗試吓自己同同輩喺野外 camp ，一齊合作一齊”捱下”同時享受吓山景，我反而覺得係好值得好難忘嘅體驗。
嗰陣我阿媽完全唔識護膚，冇教我要搽防曬，我曬到甩晒皮，超恐怖
好彩仲未到識男仔嘅年紀
根本平日都聽唔到。
1個讚
路過。
唔好話女仔，我生嗰個係仔，一出世好白淨（次次帶番公司啲同事就話好白），我都唔捨得佢曬太陽
不過講番正題，睇咗唔同嘅報導，其實大會今次安排真係好差。英美等國一早退出，都唔代表等於佢哋「唔捱得苦」，個camp之前已經有舉辦過，參與方一定係覺得安排唔妥當先退出嘅。呢個camp只准14-18歲童軍參加，對細路仔嚟講係一生只可參與一次嘅盛事，嬲到退出一定係有原因。
3個讚
打破嬌生慣養美德
該主題在最後一個回覆創建後180天后自動關閉。不再允許新的回覆。