精神科醫生先可以開藥
我諗第一件事你要接受 喊 係一件好事。
華人既問題就係男人唔可以喊，男人唔可以軟弱。
其實真係要拋棄依個定型，男人都係人，人就有情緒，正常情緒無地方宣洩就會轉變為另一種情緒，例如嬲怒。
佢鐘意嗌，試下搵佢去唱k，搵個合適場合俾佢嗌。
可能我都暗黑系，所以佢負既時侯我都仲頂得住。
佢本身都好鐘意攬事上身搞到自己好大壓力，覺得D壞事情就係關佢事，有少少野就聯想到最壞既位。
例如，頭痛佢會諗到係有tumor隨時會死，叫定我佢有咩事就返阿媽度唔好留起度照顧佢父母。
腳痛，佢會話第時屋企要預闊d位，可能要坐輪椅嫁喇，叫定我到時唔好為左責任留起度照顧個廢人。
無計劃要生小朋友，我地就係最後一代。
保持距離都係好事，依個時候佢地未必接受到改變。
簡單講就dying city令佢覺得前境無望。
我地係結左婚返黎香港，之前O係LA佢未試過有情緒病出現，係2020開始慢慢變差，到依家依段時間佢都自己努力壓抑住，雖然中間都有少少爆，不過都無去到23年年初果一下爆係最勁。
佢想24年去UK，但收埋起心入面唔講，到爆既時候佢確實左我都係有移民既意慾佢就開始慢慢好返，大家向同一目標前進。
1個讚
真係唔諗放棄?
學愛人之前學左愛自己先，你一廂情願付出好多為佢諗好多，遷就晒佢，到頭來佢一句一開始我已經係咁，已經END GAME。
都幾明顯你唔係佢個MRS.RIGHT，勉強無幸福呀。
或者佢係諗通左唔想繼續但又唔想做提出分手果個，等你慢慢放低。
難聽講，你送上門俾佢食佢一定食。
ANYWAY，如果佢真係抑鬱症而佢自己唔去正視又唔去睇醫生，你可以做既野真係唔多。
你越講佢就越反感，唔好提唔好講，自己講說話時避忌D，注意用詞語氣態度，當佢係個VIP客咁湊。
1個讚
咁佢意願真係唔睇醫生, 其實我都迫唔到佢, 上網睇過啲文章, 都話唔可以迫佢哋睇醫生, 最多用其他方法畀佢知道, 可以有咩方向去尋求幫助, 我知道其實都好多數抑鬱症既人都唔願意睇醫生, 佢唔係唔想睇, 而係佢唔想一世靠食藥先會覺得開心, 幸福, 佢覺得咁樣佢已經唔係一個人。我只可以尊重佢, 亦都無可能捉到佢去睇醫生, 佢暫時喺我面前都仲控制到, 我諗到最後佢自己都放棄既時候, 佢可能真係寧願死都唔想食藥
冒昧問一下，你同佢一齊幾耐？佢太太走咗幾耐？
佢未走出太太過身嘅傷痛，會唔會只當你係水泡？
我識一個人，由細識到大，佢一直都係負面嗰種，開解極都冇用，陪伴佢仲會令自己都灰埋，近年先睇過醫生，但嗰種性格已經根深蒂固，改唔到。有時唔係唔想幫唔想陪伴，而係當時人自己都唔想走出現況，或者佢甚至有啲enjoy 係呢個狀況，因為身邊啲人會特別關心佢，我諗原因係自細就缺乏別人嘅關心。
佢太太走嗰年我哋就識咗, 一齊咗2 年多啲, 係既, 旁人黎睇, 會覺得佢未放低就同我一齊, 但係我相信一個人又未必淨係可以只愛一個人, 而我哋自己都有傾過佢ready or not 呢個問題, 暫時黎睇, 佢愛太太亦都愛我, 無話我就係代替品, 人腦真係好複雜, 佢知道太太已離開, 亦都接受, 就係走唔出個關口, 我諗佢自己都無諗過會去到而家咁。
初初佢都以為有傷心, 痛苦係好正常既反應, 我諗佢自己都估唔到會有抑鬱
即係咁，網上世界就想點講就點講，唔洗就住，
你覺得唔岩聽就SKIP
你相信，同事實上係咪發生緊係兩回事。
邊有人會同水泡講你係水泡
佢唔想你上佢屋企，果個屋企係咪佢同太太本身住既地方?
假設係，佢唔係唔想改變，而係唔想你出現O係依個屋企既畫面有你既身影。
我會大膽假設你存在就係佢抑鬱既原因，因為佢兩難，你又咁體諒，愛妻過左身。佢會覺得唔俾返回應你係負左你。
只係推斷，你可以試下同佢TAKE A BREAK，一個星期都唔好2,3次出街，就咁WHATSAPP下，淡淡地交流，睇下佢有咩反應先。
6個讚
睇下嚴重既情況影唔影響生活，如果影響到食唔到野，訓覺，唔想返工做野，想死
咁真係睇醫生食藥
如果是較輕微，情緒上可以找輔導服務
Free 的可以去各區ICCMW 精神健康中心
或者自行找輔導員，有需要可介紹俾你
我有上過佢屋企瞓既, 佢屋企都仲係有太太既嘢係度, 咁而家佢唔想我上去, 我相信都有原因既, 不過佢話唔想既時候, 係佢失控既時候, 我無理由追問, 到佢無事既時候, 我又唔想無啦啦提起, 所以真實原因係咩, 我唔知…只係照事情去推測。
其實我同佢一直都唔係成日見面架, 最近一個月, 我返工忙, 放工都好攰, 真係2 星期先見一次, 佢見我無約佢, 佢就會主動約我見面, 咁睇佢反應都睇唔到啲咩…
hahaha…當然佢唔會同我講佢當我水泡, 只係想畀大家知道, 如果唔相信你愛既人, 其實真係無必要再一齊
選擇相信同盲目相信係兩樣野
既然工作都忙，再分神照顧情緒病患者都好攰，咪借依段時間大家休息下，有足夠既愛，有緣有份，自然會繼續得到。
1個讚
一直都係呢啲既相處模式, 每星期見1-3 次不定, 而家都係呢個模式, 我無話日日都專登去搵佢, 佢唔會鍾意我將重心放係佢身上太多, 咁樣佢又會覺得自己好廢。我都有我工作, 屋企, 壓力, 所以都唔會瞓晒身乜都唔理去幫佢, 我都要維持我既生活, 上黎只係想睇吓, 有無人可以分享點樣同抑鬱症病人相處
我覺得好多野似係你單方面想改變，但當事人並無想改變，同都唔想你介入佢生活入面。
我覺得你唔好將你既精力放係佢身上面會好啲。宜家問題唔係你應該點同佢相處。
岩呀，唔好將重心放在自己以外既任何人身上，
加油
強壯自己心臟，自己保持正念
1個讚
雖然兩件事唔關事
但咁多人建議樓主走
我諗起近期加蔥同阿晶果單
可能加蔥都係知繼續行落去唔妥，所以早走早著
不過唔諗住結婚又中出，加蔥係仆街走唔甩
1個讚
唔係想打擊你，只係睇到上面你有提過男朋友唔想屋企多個人，屋企係咁多人就咁多人。
如果係咁，你哋將來會點？長遠落去點算？
都要為自己打算下
但加蔥case同樓主掉轉，樓主係有抑鬱個個人唔俾佢介入佢生活入面。咁佢都唔想你進入佢生活就無謂浪費自己時間。
建議你揾自然療法療師傾下，其實某d營養品或花藥都幫到手，但當然就唔會太快見到啦~
營養品，b雜+niacin (可能要較高劑量)，鎂，都有幫助，不過都係見一見療師會比較好
參考：doctoryourself 書或網站
1個讚
加油，佢都好好，好尊重你諗法
我朋友都係移民返返加拿大之後，心情好咗好多
2個讚
佢完全唔想返工，唔想出門口，都係有人搵佢，佢免為其難就出去
之前我哋係打算結婚，同居，所以我都唔知佢失控講嘅嘢，究竟係真心話定係控制唔到而亂講。我諗佢自己都未必知道內心感受，所以先會有抑鬱，佢一直都壓抑自己，要迫自己接受事實，但可能佢心底裡根本唔想變。