樓主，經驗之談，千祈千祈唔好同一個有情緒病嘅人結婚，婚後一定好痛苦，襯未結婚分手揾過個吧
7個讚
我只係朋友有情緒病唔係成日對住已經覺得好難頂，你趁未結婚都真係要諗清楚係咪想成世都就住佢
4個讚
同意，run before it is too late
不過，都要有強大心理狀態面對後面會出現既事，包括佢自殘自殺。
我果個平時都無做運動，所以我都係搵佢去行下商場去下supermarket入貨，同佢去遠d食下飯。
成人情節黎講，我地試過一個半月先會做一次。一來佢都係低肉慾二來佢depressing更加唔會想要。
至於平時係攬攬錫錫佢都係無咁多，而我會主動多d攬佢，擁抱有力量，可以令人安心。
好多次佢放工返黎一見到我攬住我佢就爆喊或者不停深吸呼，我知道當刻佢攬住既係個避風港佢可以做自己可以表現真實情緒既人。
其實無得擔心，佢唔想自救無人救到佢，另一方面…
你講上去佢屋企既意思係放假就去過夜?
淨係上去坐下唔會改變佢屋企人數喎
3個讚
真係唔容易，任何事佢都聯想到自己好廢，生存無意義，玻璃心，少少野都代入覺得話緊佢。
巴士APPS出埋D鬼車，明明1分鐘就有車，一跳就變10分鐘都會話因為自己廢。
有時覺得佢有少少想爆，我會突登開套爆喊戲一齊睇，等佢有位爆，當然要自己都會喊既戲。
失眠嘅人係容易有情緒病，定係情緒問題容易引致失眠，
我真係唔知，
不如叫佢做外啲運動，運動能夠產生多巴胺，多巴胺會令人感到開心，
1個讚
佢而家已經係無動力返工, 無返工一段時間了, 而且佢係爸爸黎既, 其實仲有個中學既仔要照顧, 但係仔仔都成為唔到佢既動力。佢唔想畀屋企任何一個人知道佢有問題。我知道係咁既情況下, 其實大多數人都會叫我諗清楚, 而佢亦都有講過呢啲說話, 叫我放棄佢, 但係話我聖人又好, 咩都好啦!! 佢而家係獨撐緊, 如果連我都放棄佢, 佢就真係玩完。而我都清楚知道, 我都唔想放棄佢…無論將來我哋會唔會結婚都好, 我而家都係想幫佢。
不過始終我哋唔係一齊住, 我接觸到佢情緒失控既機會係唔多既, 我話上去陪佢, 係過夜, 因為佢瞓唔到, 多數都係半夜先好低落, 諗住我係度可以陪吓佢, 攬吓佢, 畀佢知道我喺佢身邊~
努力叫緊佢一齊做運動, 而家輕鬆啲, 見面食飽飯就散吓步先, 慢慢再增加運動
1個讚
千祈唔好咁做，教友無經過陪訓，輔導唔到之餘仲可能加多兩錢重，罪咎感會更加重
我自身經驗抑鬱復發果吓會搵返之前同我做婚前輔導的教會同工，佢係一名輔導員嚟，可能因為相識咗一段時間，傾咗一傾就好返好多
唔洗努力叫佢，越迫佢越熱切咁叫佢做佢地會覺得你認為佢做得唔好。
叫佢陪你散步，係你想散步而唔係佢需要散步。
加句，要同佢放慢腳步，無野急，做到就做唔做就罷，少少事就讚下佢。唔好提"我都係為你好…" “你唔可以…”
將行動責任用自己做主導，想佢出去行下，你要話你想去邊邊邊想佢陪，想食間餐廳，同佢講果間餐廳有你想食既乜乜乜之後先講你又想試佢既乜乜乜，等佢覺得你有諗佢之餘又好似只係佢陪你。
無經濟問題的話又無所謂既，BTW，佢有無太太同住?
小朋友去到中學已經好多野想自立，單親爸爸覺得無左被需要?
只會講一句，加油
唔係一齊住無乜野可以做，做個隨時STANDBY既女朋友，你世界只可以為佢轉，只要佢主動一件事而你唔做得到佢就會即時發作(例如本身已經約左人佢突然先話想同你食飯)，做定心理準備佢隨時失聯，失聯果晚你周圍睇下D即時新聞有無自殺危坐之類既新聞，失聯期間定時CALL佢，有VOICE MSG既就留VOICE MSG，要不停WHATSAPP佢，但又唔可以直接話擔心佢去自殺，淨係問下食左飯未? 係咪做野好忙? 係咪老細捉住你唔俾走?之類既緊張佢既說話。
7個讚
你好厲害，內心好強大
可唔可以分享吓你嘅故事
點解會選擇留低？
而家情況有好啲嗎？
祝福你🫶🏻
你好高eq, 我嗰個好鍾意喊同大叫，長期負能量 我都頂唔順佢但又有小朋友。你哋有冇生小朋友？
佢太太已經過咗生, 佢係因為走唔出痛苦而抑鬱, 原本都無咩特別, 瞓得唔好, 都仲係正常生活, 有返工, 三餐定時…但因為疫情, 佢無打針無工開, 就開始無咩點返工。 原本一直都唔覺得佢有咩問題, 係完成正常架, 直到佢話畀我知有問題, 我回想返, 又真係呢2 個月, 佢突然收埋自己, 少左主動約我, 對我無咁熱情, 但我哋日日都有傾計。
有無辦法同佢同居？咁樣支援佢會好返少少
試吓去沙灘或者泳池曬太陽，等佢睇吓其他女人泳衣，留意佢有冇興趣睇呢啲野。
最簡單 行出街曬太陽已經有幫助
1個讚
樓主唔係呢方面專家, 千祈唔好,
我怕樓主未幫到對方之餘, 搞到自己都唔開心
2個讚
一定要睇醫生食藥
1個讚
個人經驗，一定要睇醫生食藥。
當時我係連續半年冇一晚瞓得好，無時無刻都想喊，放工去公園喊到攰先敢返屋企，最後有朋友覺得我唔妥叫我睇醫生。記得醫生診斷話我有抑鬱嗰吓，我無名火起，話自己唔係痴線做乜話我要食藥。
第一晚食完藥即時瞓到天光，第二朝心情真係好咗好多，到藥力真係kick in，我先知咩叫真正"愉悅"嘅感覺，唔係hyper，係搵得返內心恬靜嘅感覺。
樓主男友有幻聽，係一定要食藥。
5個讚
睇心理醫生？貴唔貴？
會唔會唔只抑鬱症咁簡單？
我好衰，我都想叫樓主走人，我自己身邊都圍住啲情緒病朋友，真係自己要心臟夠強大先容易面對。
不過見到樓主唔諗住走，咁唯有你可以做嘅係陪佢去睇醫生，不過最難係的到佢出門，或者退而求其次見下心理學家／社工之類，有時啲社褔機構都有啲身心靈活動，趁佢仲肯搵你，話你想去，叫佢陪你去，希望透過依啲活動，而接觸到專業人仕，可能容易接受過一嚟叫佢睇醫生。
你自己唯有盡量吸收多啲依方面資訊，市面上應該有啲精神健康急救課程唔知幫唔幫到你。
3個讚