咁似我嘅….
我每晚都會覺得要個老公做乜，反正只係一個幫下我做家務嘅人
試過好多次唔開心同佢講，佢就「人大咗係咁架啦睇開D」
我喊都會等佢瞓咗匿埋廁所喊，真係心如止水
日日對住佢就普通朋友咁
其實都傾過好多次不過改變唔到
有時真係好嬲 會掉哂同佢拍拖個D紀念品
反正佢都唔會記得我掉咗…
成日好想佢識第二個飛咗我放過我….
成日話love you 其實係因為我做哂家務幫佢填好表或者幫佢做嘢買嘢……
唔知呢個世界有冇其他人好似我咁處境
唔使講咩婚姻輔導了佢係唔會同我去因為佢會講「冇9用㗎哂9氣」…
我好想離婚但影響到小朋友….
睇到打飛機 笑左
個個男人都夜一夜先打
2個讚
而家傾多數係小朋友+大家工作上既事, 有時上網見到d好笑野都會講下
但我反而好enjoy同佢各自既私人時間,
通常個仔訓左後, 佢就出廳同fd連線傾計打機
我就攤係sofa㩒手機睇youtube
大家係同一空間但各自做唔同野
有時佢會扭轉頭望下我, 我又用隻腳踢下佢
無傾計, 但無形中又好似交流緊唔識講
我同老公好多野傾，老公會講今日工作嘅嘢，網上睇到嘅嘢 etc
我會同佢講返小朋友嘅嘢，同佢講吓新聞，興趣，電影 etc
係唔深入架，要深入時咪直接講，「我想傾吓關於…etc」
坐喺度碌電話當然會有，大家都要me time嘛
我想香港地好多人都係咁。心淡就梗架啦。我只希望唔好吓吓串七七，由得我做自己想做嘅嘢。發脾氣唔好搞到我個小朋友就得。從冇因為咁喊過，只怪自己有眼無珠。希望個小朋友十八歲後可以離開
1個讚
反而我最多同老公講嘢，新聞政治經濟天氣體育名人花生嘢，好似冇乜嘢唔講
1個讚
我識我老公個陣佢d屋企人已經同我講我老公喺屋企係唔講嘢
而家佢同我講下公司嘢、網上見到嘅嘢、小朋友嘅生活鎖事同間中講下佢d朋友，都叫有d嘢講下
雖然佢好似有嘢講下，但好似好多嘢都同我冇乜關係，有時我扮聽
反而要同佢傾正經嘢，佢會避
D男人多數都係咁
其實一齊咗咁耐真係乜都傾過晒
我係對住熟人乜都可以傾
對住其他人會收埋自己齋吹水
我老公就直情唔鍾意講嘢
人地同佢傾耐啲都話耳仔痛要停
間唔時我會叫搵啲話題啦
傾一陣滿足又各自各 me time
我心聲
都算多嘢傾 上至天文下至地理 動漫明星八卦哲學科學之類 我尤其鍾意科學同哲學嘢 我諗得佢先明我講咩
1個讚
該主題在最後一個回覆創建後180天后自動關閉。不再允許新的回覆。