愈來愈覺得同老公好平淡
平時係屋企食完飯就係望住電視 或者睇電話
有好多下我都會突然驚醒咁望下佢 發現呢d完全唔係我想要既婚後生活。。
平時都係講d無營養既野 返工 放工 食咩 講下公司是非
深入話題好少 我成日都覺得我地關係好表面 交唔到心 無深層溝通
我都有同佢講過呢個問題 佢話成世人流流長係咁嫁啦 邊有日日有咁多話題呀 老夫老妻係咁嫁啦 我地都有好多野講呀
在佢眼中我地一d問題都無 佢好enjoy 亦開心滿足
我內心就覺得好孤獨 覺得食之無味棄之可惜。。不過我本身係一個超負面 勁多野諗既人 相反佢係好樂觀 開朗 在我眼中我地好多問題好唔夾 但佢一d都唔覺得。。
好想知道大家同老公相處係點 到底我地係正常 定我要求太高
我同你相反，我係樂觀積極嘅人，但老公係超負面消極嘅人，長期負能量，佢好多野講，成日怨呢樣嗰樣又黑面，我都唔想回應佢，好煩，我只想平淡是福
我同老公都多野講但我講啲嘢都無咩營養，唔會話好有深度 如果傾訴黎講，我會當佢係姊妹咁咩都同佢分享，eg 是非，八卦。我基本上咩都同老公講。但我會以一個有趣既方式講，我睇開啲台灣綜藝，我覺得有趣啲就會增加佢想聽既意慾。
但我都會睇佢心情好同佢講呢啲，如果佢個日做嘢辛苦，知道佢唔想傾計我就唔會不停講。會搵其他人分享。
我同你相反，我係樂觀，我老公就悲觀啲，但都唔係不停放負個隻。同我好嗲，如果我不滿老公唔陪我，攬住嗲下佢佢就知自己要俾啲注意力我。
你係想傾啲咩深層溝通啊？但正常日日生活都係個啲吹水野，好少咁多深層topic喎。
食完飯我同老公都勁鐘意玩電話同睇電視，但睇到搞笑就會分享一齊睇，佢有時打機我都由佢打機。有時又會出去行下超市咁。
由拍拖到結婚咁多年都唔多嘢傾
我每日同網友吹水嘅話題&時間仲多
兩個份工都成日要用whatsapp，所以返工都會whatsapp對方講膠野，不論whatsapp定直接對話，無營養對話佔9成，淨返既1成心底話極級沉重。
我好怕佢果1成出黎，只要去到果個位佢就成個人負到爆，等巴士要等15分鐘車都有得嬲自己廢，身邊人真係要極強忍耐力同胸襟去關懷同要扶返佢起身。
我同老公都係大部分時間平平淡沙咁，放工玩電話話睇電視，食飯都無乜傾計，一係就㩒電話/講生活返工無聊嘢。
不過有時都會傾吓深入啲嘅計，frequency唔高可能一個月一兩次講吓深入啲嘅嘢，例如睇完某齣戲嘅感受/生活嘅睇法，傾完如果有相同嘅睇法都會好impressed
我自己覺得平時返工返工生活都好攰，有個人一齊hea吓喺旁邊陪住都幾好
好多野講，不過都要睇mood
有時講膠野，有時講生活反思
可能大家既世界唔一樣，所以互相交流時都會覺得對方既世界咁都得，同時覺得對方可以頂咁耐真係勁。要睇佢有無留心聽書好簡單，佢識問問題或會表達一d睇法就當有專心聽。
我都係咁呀 都一齊10年了
但你唔會覺得好lonely 嗎？
有時會有d （都廢事同佢講）的感覺
我地都係無間斷wts 同埋佢食飯放工都會打我 不過多數都係講無聊野啦 見到你地既回覆 發現都好似幾正常 安心左少少
生活模式同你相似 但我會成日覺得淨係陪hea唔滿足我雙魚座 好多幻想 以為結左婚會好多野講 生活好sweet 好多驚喜
你哋有冇小朋友？
無
我同老公大家好多野分享 有時就算佢痾緊大我都照企喺佢隔離講
不過有時我講自己感受野 唔開心呀
佢都唔識安慰 或者男人始終唔明女人點解會咁樣
講真人在外地 唔同佢講都冇其他人講到
佢對住我先多嘢講，都係講日常生活、工作、無聊嘢，同佢講deep d 佢會叉開話題或者唔識點應。
Soulmate 唔係咁易有
我同老公好多野都好夾，但思想上佢係非常簡單，如果工作家庭健康冇問題，佢可以個腦空白一片，冇煩惱。即使有時有事，佢都好快過到，冇心事咁滯。我思想上複雜一d，好多深入既野講完佢都唔係好明，但佢會攬攬安慰我。
平時溝通就係偏簡單偏片面，始終佢都係一個好伴侶，湊仔家務賺錢樣樣做到足，所以唯有降低自己要求，始終冇人完全一樣。
我成日都係咁
我都係，有時見到啲時事有意見都會同佢講下，或者講下未來計劃，但唔係成日有世界大事講
不過我幾鍾意教我老公做嘢 當然唔係訓導主任mode, 有時會幫佢分析下佢屋企啲嘢。
多，乜都講，唔係對住幾十年點過？
其實係咪唔可以幻想老公可以好似d 8婆fd咁好傾
完完全全一樣囉。。。但我有時感覺好lonely 你會嗎？
原來要降低要求。。我要試試了