老師會唔會對成績唔好/跟唔上嘅學生放少d心機?
又會唔會因為學生嘅行為/成績, 對佢地嘅家長會有設定呢?
例如: 成績差學生嘅父母, 單親嘅父母, 一定唔會幫仔女溫習, 成績好嘅學生, 佢嘅父母一定知書識禮
以前都唔係少，只係收收埋埋冇人理唔會畀人知，唔會咁輕易畀外人知道。依家大家願意了解願意公開講，咪感覺越來越多。
科技發達都好影響心理質素，以前冇社交媒體冇個人電話，放學返到屋企就可以“解脫”，可以 isolate 校園生活同個人生活。依家返到屋企都仍然收到好多資訊，冇空間畀自己心靈休息。
另外以前都冇咁多谷讀書谷補習，高中先開始衝刺讀書，依家小一就開始，甚至幼稚園就開始。我相信人好似一個 pie chart 咁，能力就係得咁多，睇下點分配，分配多啲去讀書，處理同調劑壓力嘅能力就冇咁高。
1個讚
成績唔好或者跟唔上嘅，唔少都係態度差不思進取，咁投放咁多心機落去“救” 佢都係倒錢入鹹水海。上堂時間就得咁多，priority 當然係有得救亦想畀人救嘅學生。
我地唔係好理單親雙親有錢冇錢幫唔幫仔女溫書，只要仔女肯努力讀書，家長唔狼戾唔亂投訴，我地就好開心 
1個讚
不愧係老師，答得好詳細
雖則係，但al佢中英文唔合格，得一科pass，雖然佢有經大專再讀自資課程，唔係太知佢點教書
樓主, 你有無試過有同事被校長或膠層勸佢自己辭職?
衰乜野先會咁?
@Fion_Chan 我驚我長氣，老師通病
@Waaa 其實都好多 DSE level 3 嘅人教書，只不過學生家長唔知。呢類人寶校常見 
衰啲講句，唔夠人用就乜垃圾都要，尤其越低 banding 嘅學校，DSE 22222 讀 Asso 然後教書。
有朋友讀小學中文 PGDE part time 嗰陣同班有個係珠海畢業，中文得 level 3，其他 level 2…
雖然算係鐵飯碗，但成績好啲都好少會揀教書，造成好多成績普通甚至差嘅人去教書，除非係金融風暴 / SARS 嗰種級別嘅災難…
@BK_no_more 現校冇。通常係做到心灰意冷自己走，同學生讀官津學校一樣，可以賴死唔走。
有前同事係 “暗示勸退”，本身 perm on probation 燉冬菇佢變 contract。啲同事話佢衰冇禮貌又冇 office etiquette，連校工都唔鍾意佢，而且教學上出現價值觀偏差又死唔認錯。佢當然走左。
2個讚
讀得叻唔代表教得叻，我成日接觸老師，見過會考AL拎住幾條A，結果教到一pat野，被學生狂投訴唔明佢講乜，但個老師又成日話學生蠢無專心，最後無得續約走咗。
識得個都係AL炒，但自己讀上去再出嚟教書，學生大讚講得明，考試技巧又有用。成日接觸唔同老師，就明白一點教得好唔好，同佢成績完全無關係
1個讚
同意
唔係個個都適合教書，要綜合性格同經驗。
隔離班老師想請我班個勁人幫手教一教佢班個留班邊緣人，念在佢地一齊打波有計傾。個叻仔科科都得，基本上冇乜嘢唔識。但佢性格內向又冇乜耐性，所以都唔識教。
後來請班入面另一個冇咁標青嘅學生，呢個仔唔係最叻最醒目，勝在性格溫順有耐性又唔怕醜。佢教到可以吸引埋其他同學一齊聽佢講解，一個 session 已經搞掂考試範圍。
2個讚
因為成日聽人講老師教席好難得，好難轉正，以為好難入
應該係：好嘅學校教席好難得亦好難轉正。
有啲學校依家都未請到老師…
同埋教 electives 嘅老師會再難啲搵工，始終唔係間間學校都有某啲科目。4 班官津學校，electives 老師都係 1-2 個。
如果係主科就多好多選擇，有啲老師有考急救/童軍/導遊 去增加自己競爭力，“豬頭骨” 功能都好重要。
仲有另一個開掛，就係“宗教”。有啲學校係一定要教友行先，或者係教會介紹。
咁有無老師為job offer扮有信仰？
佛教徒老師去耶校會不會受到歧視？
識個校長會比較容易有offer？以前有D老師教學能力差到，同學仔都懷疑係校長親戚
如果成績好但唔乖呢？
成績差，資質低，教極都唔明，但好勤力又態度好呢？
@6101
扮就冇，因為 first in 要留 hardcopy 畀校方同填個人資料。立志信主就好多。
唔係間間耶教都歧視非教徒，聖公會所有學校都一視同仁。X密全部學校都係非教徒就一定冇得 in。
識校長一定有著書，直資唔洗經校董請人，校長自己出 offer 然後等校監簽名。
津校要經校董，咁所以通常都 in 見校董。校董唔 like 嘅話，校長科主任 buy 都唔會請。
之前德望某任校長就係用人唯親，佢依家仲係教育界，一打佢個名就知道佢去左邊。
成績好又唔乖嗰啲死仔包，我忍…我忍
成績資質差但勤力嘅，我地一定對佢好，知道佢盡力我地就開心。我地唔會要求佢 5** 嘛！
2個讚
想問，啲學生性格，例如馬騮年啲學生係咪偏向活躍唔停？ 某啲生肖個年啲學生多數偏向靜啲？
好問題，真係冇諗過，又似乎冇呢樣嘢。
開學初期，齋睇樣會唔會都已經大概估到同學仔係咪精靈同醒目㗎？
您地點分邊個有資質？邊個冇？
除非新老師，否則都經常聽到邊個叻邊個垃圾邊個搞搞震。
如果係中一入學，中英數老師要改 Pre-S1，有啲其差嘅我地會記得，叻嘅都一定記得。
不過 Pre S1 唔係準，始終份卷淺而且考核嘅嘢唔算多，有啲係操卷操返黎，一教書就知道佢真係好普通。
中一都係讀返啲基本嘢，中一二嘅菁英班都係假菁英班。到中二下學期大考就會開始分到邊啲讀得書邊啲唔得，然後中三就係男仔跑出嘅時候，一來知驚怕選科讀歷史文學，二來啲理科成績拉返語文科成績。
睇樣就通常邊個眼仔碌碌/清秀讀書樣，咁多年咁多學生，都睇到啲。
2個讚
咁您地都好識睇「相」
想問多少少，小學階段都仲可以靠谷同死背，但升中後嘅課程好多都要分析、理解、講邏輯，點先可以幫啲小學雞適應/掌握中學課程？
衰啲講，谷就唔係佢真實能力，咁所以唔適應或者分數大跌係正常。
掌握中學課程必須英文掂，好多連拼音同串字都未搞得掂，又唔肯睇下書識多幾隻生字，難讀得好。separate 寫 seperate，equipment 次次都加 s，principle/principal 傻傻分不清。呢啲字年年用年年見呢！
初中都係背書同考小心，考邏輯理解實際上冇想像中咁多亦冇坊間講到咁多。我地亦唔敢考佢咁多。明知好多都 on 居居自己名、學號都寫錯，抄又抄錯，考分析佢地實死曬。
肯交齊功課聽下書溫兩嘢，要考頭一半很容易。養好呢個習慣，唔會考得差。
同小學一樣，要 keep 好啲工作紙，老師唔會無緣無故出 worksheet，特登整份咁嘅嘢真係好得閒咩！肯定係 “考試貓紙”。
高中 DSE 課程都係背誦多，肯背書墊底有 40% 分數。
4個讚