對，基本上入職都必定係學位教師。
有四條路揀，最容易係 BEd。
其餘三條係讀其他科畢業然後 PGDE，PGDE 有分三條 stream，full time、part time teaching、part time non teaching。
Full time 門檻就係大學畢業，that’s it。但競爭好大，有啲科少到得一兩個位。我嗰年入讀得 13 個中學英文 full time 位，但年年報名 full time 人數都超過 700 人。
Part time 多好多位，但競爭一樣多。non teaching 通常都係打雜 TA，冇入班教書。冇記錯嘅話，如果收左，大學會俾學生自己揀任職學校教(要同校長傾掂數) or 等大學派學校。
Teaching 就係已經入職入班教書，只係無牌半工讀。
中間如果唔好彩俾人炒左，要自己再搵學校，否則就冇得繼續讀。
我冇大志，我志願係做 old seafood GM 王 
自資意思係私立？
其實就咁嘅，教書只要自己嗰科得就得，要求中英都得嘅話就冇人黎見工。讀書唔叻 (一兩科好好，其他普通) 先教書架！狀元就讀醫讀 law，唔同你湊仔
有啲學校見工要筆試或者改文，in 過某兩女校，份卷難嘅，有 offer 但我冇要。唔少都要試教，但有啲賤到係要求提供埋教案，簡單黎講即係自己唔得閒諗橋，利用求職者，一人一條橋，in 20 個就 20 條橋。有啲更衰係擺明係假 ad 收 CV，估算下自己學校有幾搶手同目前求職者嘅資歷。
其實副校同sgm個人工爭好少, 但啲人咁鍾意拿屎上身做副校, 做頂薪sgm咪好囉. 唔明啲人咁有野心做咩.
聽朋友講，頂薪gm同sgm又係差唔多，所以好多人唔打算升，一世gm就算
都係呀. 比著我都係做gm就算
唔係，副校係 PGM，SGM 頂薪 39 point，PGM 41，差八千幾蚊。
人工之外，權都大啲，同埋如果天時地利人和，可能好快有得做校長，又可以升 point。唔少有屬校嘅都有調校升職。
都唔係，頂薪 GM 33 point，SGM 39，不過工作量多三倍。
但 33 pt 要起碼做 16 年，即係起碼 40 歲先頂薪。
如果係 SGM 就唔同，即刻人工跳幾級。我間學校有 2-3 個科主任係做左幾年野先教書，要起碼 43 歲先可以頂薪，但佢地 35 歲前升到 SGM，人工 double。
而且因為 SGM / 科主任，編教班嗰陣可以公器私用，俾自己教叻班，少啲煩惱又可以做業績。如果係學務組負責排時間表，又可以排靚少少俾自己。
好多 panel 係 SGM 但唔係個個 panel 都係，我自己個 panel 做左 N 年 panel 先有空檔上位。又未頂薪但做 SGM 分量嘅工作，會心理唔平衡。
不過我冇大志 做 panel 千百萬樣野，又高處不勝寒，又要開多 N 個會，我做個開心 GM 就得。(唔排除頂薪左會心理唔平衡)
其實學校果啲要抽嘅活動係咪做馬？啲活動我個女每次都中
其實話抽就唔一定抽，我地驚萬一超額報名但冇寫呢句，家長學生會投訴。係戴頭盔嘅 “如冇抽中，實屬不幸”
通常都估算到人數，大部份活動都年年搞，而且事後要做返問卷睇下有幾多人 drop out 或者想繼續。
當然，唔排除做馬，見到個痴線搞搞震嘅，或者係經常無故遲到缺席，如果要老師自己教活動，當然唔會俾佢參與。有啲活動要計出席率，如果出席率低，老師有機會被照肺。
同出面公司一樣，對方成日已讀不回又甩漏，你都會避開盡量唔同佢合作。
資深朋友話，其實唔一定panel head先sgm，唔少閒位都係sgm，你可以留意下
如果太多野做，好多4字頭老師唔會想上sgm，有位都唔上果隻，想搏都係30歲多
做緊panel head但學校冇sgm位，可以申請津貼，津貼到sgm同價架，我有朋友係做學校大秘書，咩數都知
同埋唔一定sgm升pgm，其實想搏既話，sgm可以去面試校長，唔少人係成功左
我太多朋友係教書，唔只一個sgm，所以都聽埋好多野
記得晉升條件係擔任 panel，咁所以按道理應該係有做過？
內部晉升文件寫係咁樣，所以目前咁多個 SGM 都係做緊/過
不過我係小薯亦冇興趣升 SGM，我做開心快樂人就得
嘩真係賤~
但求職者個心都係想搵到工, 一定會盡力賣橋先, 最後無offer 都唔會估到係假ad
冇計，圈子細而且 in 嘅人數同科目都有限制，好容易知道係邊個，唔可以擺上網唱衰。
Hello同工，
唔一定㗎，除咗panel，
理論上起碼訓、輔、升學、國教各有一個sgm 位，學校大概20-30%嘅同事可以做管理層。
實際操作就交俾學校自行決定。
Panel唔一定係SGM，SGM亦唔一定要做panel，兩者冇直接關係。
做panel會多少少功績落appraisal report，
易啲justify點解升職咁。
數漏左總務，有fd升做呢個位好爽
教務/考試組就超辛苦，有fd選擇唔升
Hi 同工
原來如此，我呢度啲 SGM 全部升嗰陣都係 panel+訓/輔/國。
我其中一個組係 panel，但都係升唔到，升左主科。
講起學術組，我學校幾乎每年要有家長向 EDB 投訴，學術組個負責老師電話講到口水乾 
都常見嘅，每年最多都係兩三個，
呢個組合做嘢多，同事眼中扺佢升，學校角度可以用盡蘿蔔嘅價值。
如果有心想升，呢幾年多流動係個好時機。
越遲升，官方愛乜嘅要求只會有多無少，有啲學校仲會做多啲添。
Hello 老師
而家d學生心理狀態係咪都幾脆弱？成日見到學生墮樓新聞都好心up,又聽過好多神校名津d學生要睇精神科，定其實好多學校都有呢d情況？