隔離 po 講得太多離題添。
教中學英文，唔講邊間邊區
答得嘅一定答，揭開 “校園生活” 嘅另一面 
2個讚
教師係唔係好多內鬥？我個女知邊個 miss 唔 like 另一個 miss. 教師係唔係 prefer 學生家長教育水平較低？
1個讚
憎唔憎啲每事問家長？
中學內鬥不外乎係爭做 panel 爭 SGM
有啲學校好衰，寧願凍幾個位請新人，就係唔升人 (升左就過海神仙，唔升就會繼續搏殺)
我科內鬥已經係我入職之前 N 年前爭坐 panel，宜家移民轉工退休，本身想爭嗰個都 “自然當選”
宜家太平盛世，唔少同事都係 friend 到放假都約出黎玩
3個讚
如果唔係好似記者咁chur人答，其實又 OK
但真係唔好以為我地乜都答到，唔係我負責，我係唔清楚。想每事問嘅話，可以問句 “XXX 呢樣野係邊個老師負責”，我地就會好開心咁彈你俾其他同事
支持~
我又問下先
你番屋企之後除左改簿改卷
仲有無乜野校內工作要做?
通常屋企做校務做到幾點?
似乎崗位同獲派 duty (注意，係獲派，唔一定係我地想做 )
一日 7-8 堂，平均都有 4-5 堂，大約 3 堂空堂，忙嘅話可以 6 堂直踩。
呢 3 堂空堂處理嘅校務先後次序：策劃籌備活動>開會>跟進 SEN/行為問題學生>整教材/卷
負責課外活動要做 quotation、聯絡、出通告、收錢。財務組通常兩個禮拜先開一次會，就係處理 tendering、quotation，我遲左就要等下個月，但活動嗰啲唔遲得，咁所以一定要處理先。如果係課後請補底班導師，負責老師要計埋人工同出合同。
冇一個老師想放學後開會，如果夾到空堂就要開會。開會內容可以係傾教學進度，測考範圍，測驗 marking scheme，有咩答案接受咩唔接受，都起碼講 20 分鐘。如果係高層嘅話，就可能要見校長或者嘅其他小組會議
如果係訓導組就要定期開會傾記大小過，同埋每日更新遲到早退名單。呢個有啲係 office 做，有啲係老師做，視乎校情。
依家又多左情緒問題行為問題，呢個時候有機會要打電話同家長溝通。咁有啲家長當我地係樹洞，咁我就好慘，冇得收線。如果係專門負責 SEN 嘅老師就更加多電話要打。
然後要整工作紙/測考卷。印都有 quota 限制，咁所以要趁工友截稿前要交去油印房。我間學校截稿得 4 個時段，9:00、10:00、13:00、16:00，過鐘就要自己親手印。
測考卷要傳畀所有任教該級嘅老師睇，咁佢忙到唔係位嘅話，就越趕。一般學校兩大測兩大考，呢啲卷要傳畀同事>科主任>校長。咁所以都要 1-2 個月前就開始進行。即係如果 10 月測驗週，9 月尾我就要出卷，1 月大考，我 11 月就出卷，12 月頭就要交畀校長過目。
變相都冇時間備課同改卷。
如果上面嘅事項未處理曬，就帶埋返屋企處理。通常出卷都要屋企出，如果家長電話唔通就要繼續打。最後先係改簿改卷。一般 10 點之後先可以開壇改嘢。
12個讚
多唔多夫妻／情侶關係嘅老師？ 
做神級名校教師係咪好多人爭住做？
Band 1學校收生會重視咩範疇
同校嘅以前有幾個，依家冇，同樣係教書嘅就多啲
@Fufu
最睇重 perm，一般新教師攞 offer 考慮次序：
津校 perm>官津 contract / Band 1 直資高於市價人工>普通 Band 1 直資
有啲直資係出高於市價請人，據我所知/見就唔止係神校先有，Band 2 直資都有。
有啲想切靚 CV 或者係有仔女就會去。有仔女又現職嘅話，成績係 Band 1 就 100% 入讀機會，而且有學費減免或者半學費。
不過同出面公司道理，收得高人工就抵得住壓力同期望。神校都好睇重出身（中學大學）同英文能力，咁所以已經過濾左好多老師。神校學生好處係讀書叻啲醒目啲，唔好處係一樣都有態度差又串嘴，教得好唔好學生睇得通透。冇返咁上下料都唔敢去。
@manmanha
呈分成績。
每間學校都會用 excel 計分，每 part 加加埋埋最後出一個 ranking。
坊間啲 “XX 學校玩 YY 好出色，咁你玩開就有優勢”，其實係冇優勢，玩任何活動都係加活動分，而且好多活動或者學會都係到時候開學先揀學生。面試老師都係畀面試分。
除非你咁啱面試撞正負責老師，而且個負責老師係高層，咁佢可能 remarks 寫返句 comment，到時候如果係 tier-breaker，就用呢個揀人。
另外就好睇口語表達能力，唔係講笑，就算係 Band 1 成績都唔一定中英口語好。
讀英小或者直私 Band 1 生嘅真係會呢方面醒好多，不過最終都係睇返呈分成績，唔會因為你係英小就加分。
亦有試過係表達到，但價值觀唔正確，咁老師一定會寫返 comment 唔建議錄取。
5個讚
多謝您回覆，好詳細
1個讚
好多嘢做好辛苦
想同你講句：辛苦晒！
問：係乜動力令你繼續落去，而又點平衡家庭，生活同工作
1個讚
好現實嘅，我唔係高分，得英文一科好，讀英文畢業，如果要 match CV，唔係入政府做就係做老師。
初初都係抱住搏嘅精神考 PGDE (唔係 BEd 嘅教師牌)，考唔到就放棄，搵到咩工就咩工。
堅持落去嘅動力就係騎虎難下，啲年資出面公司都唔當係年資。 起薪點高又係穩陣飯碗都係吸引嘅，幾衰都好，唔會突然炒人，起碼都要等一年。
Work Balance 從來都沒有 ，我地英文科咁多個老師，得 3 個係已經結婚有細路，1 個新婚，其他全部單身，拖都冇。我都諗緊點平衡。
5個讚
請問係唔係真係鐵飯碗唔會炒人？
即使收到無數投訴 etc…
請問校務處職員好唔好做? 會唔會係穩定工?
唔係
只不過係唔可以幾個月就兜走個老師，始終計好曬啲堂，走左會影響好大，分分鐘請唔到代課，要其他老師食埋佢份職務。呢兩年我都有科組同事未夠一年就走左 (唔關學校事，一個係不幸，一個係衰格)，臨時請唔到人，我要做埋佢嗰份，我做唔黎嘅就科主任做埋。
所以就算個老師犯眾憎，佢唔願走就要忍佢一年。
如果係官津校老 pat pat 要收三封 warning 先可以炒。除非嚴重遲到、公然爆粗，或者老細痴線亂出信，否則冇咁容易收信。
投訴唔一定收 warning，要睇下個投訴成唔成立同埋有冇改善。有改善唔會出信。
咁所以聽好多咩 “XX 老師教得好差/出錯卷要投訴”，其實係近乎冇用，除非係新入職而且係合約。
但如果學校想整死你，同出面公司一樣，係可以其他方法迫走。不過麻煩在我地搵工有時限，八月前搵唔到就等乞米。
直私長約最長都係五年。校長同高層想整死你，真係可以未到約就炒。
2個讚
一半半，我學校嗰啲係做得長嘅。
有啲我地叫 “校墓處”，請唔到 office，要 TA 做埋，甚至校工都要聽電話。
係咪全港老師都要交功課話自己嗰科點樣符合角安法？因為我身邊識一d老師要交，佢哋覺得好荒謬移民了