我自己就盡量少出夜街，屋企人平時愛穿深色衫，都會叫佢著返淺色啲，同埋盡量早啲瞓（平時會me time下）。
試過有一年夜晚11點幾，臨時有啲事要開電腦處理，本身部機喺睡房，但唔想嘈到同房屋企人，就拎咗部機出客廳自己一個做嘢，做做下突然聽到有人在我耳邊“喂”咗一聲（好清楚，但肯定只得自己一個），眼尾望下個鐘剛好淩晨12點，先醒起今日農曆7月1日，於是即刻熄機執嘢入房睡，好彩只係一下，而且感覺無乜惡意。
2個讚
唔好出咁多夜街？唔好游水？
盡量少做姐，好難完全唔做
冇乜特別呀，平時都冇乜高危活動，又少出夜街，所以都係正常生活
1個讚
啲人成日話游水多出事
但明明放緊暑假，多人游水就機會大啦
唔通11月會多人游水出事咩
百無禁忌
不過我都係早睡早起嘅
我覺得唔諗住就唔會有特別事，係疑神疑鬼就會特別恐怖。
啊媽以前會叫我唔好咁夜返屋企，但宜家夜生活已經離我而去 
2個讚
仲有十幾日先至到農曆七月，
百無禁忌，已經幾十歲人，都就嚟⋯⋯
我記得只係 唔好游夜水，去啲有救生員當值嘅泳池，同埋朋友家人去互相照顧，
某啲高危險嘅地方係唔好去。
3個讚
農曆7月唔會去沙灘游水，夜晚唔好喺窗邊晾衫。
啲衫晾去邊？
講唔好游夜水，話鬼會搵替身。
1個讚
我地都會繼續去泳池游水（小朋友學游水中），沙灘就唔敢去，個感覺恐怖啲
1個讚
可能我自己平時有少少感應，所以都有啲介懷。
本身無特別去睇月曆，早排有日無意中睇下啲宿營預約，平時旺季係好full，點知見到有2日有好多位，好開心去問啲親友去唔去，跟住突然覺得唔對路，望一望月曆，原來嗰兩日係農曆14同15
唔怪得無乜人去。
1個讚
我都百無禁忌
故事既話…… 只記得有個中大女教授話食得唔好嘥, 執人地祭品番去食 
2個讚
日頭冇問題，只係夜晚唔好，所以天黑前要收衫。
1個讚
講開又記得，上年book船釣魚，船家都幾好生意，難得有船期+朋友都一齊有假，於是乎就book咗先。
到臨去之前一個星期，先至發現係七月十四，唯有唔出聲啦，繼續如期出發，
嗰日個海真係好靜，冇乜船係海。
2個讚
我都試過有一年農曆7月14號，
朝早全部人出咗街，
得我一個係屋企禁手機，
無拉拉聽到後面有人唉一聲，
我望下後面咩人都無，
即刻打左個冷震。
該主題在最後一個回覆創建後180天后自動關閉。不再允許新的回覆。