有無朋友試過airline唔見咗件行李? 個procedure係點同搞咗幾耐? claim唔claim得足? ps.我無買保險
上網睇佢delay baggage只可以claim USD100 買急用日用品，但到今日第5日都仲未搵到。USD100已經差不多用晒，都唔知點算。打去hotline問話唔關佢哋事，叫我自己上網check status, email又無人覆。
冇買保險我估賠盡都係咁，可能比人拎左
去旅行唔買旅遊保？？
公司定咗賠償金額，唔夠都無計，要自付，而件行李幾時有，好難講
我都估到實有人走出嚟blame the victim 話做咩唔買保險。
咁返漁港探親我"個人"覺得唔算旅行囉 ［不過實有人唔認同］，如果無親身經歷share info就無需多言，其實受害者已經好煩。
又咁問，你又有咩高見可以分享吓我點同airline negotiate? 或者next step應該點做?
我都估咁多日搵唔到都應該俾人攞咗。
不過都多謝你善心留言
1個讚
邊間航空公司？
你當時有無喺機場的報失櫃位交涉？
Swiss airline.
有即刻搵counter報失攞埋張file reference recipt.
Compensation and Reimbursement: If your baggage is not found within 21 days, you can proceed to file a claim for compensation for the lost items. Swiss Airlines typically reimburses passengers based on the Montreal Convention guidelines.
多謝你資訊，我全部資料有睇。只係想問吓呢度有無朋友試過分享吓procedure同有咩要留意。
題外話，我見依家有啲人係擺 AirTag 入行李，萬一被人攞左，只要附近有人用 apple 產品 就 ping 到去左邊。
我都有諗過以後試下呢個方法…
1個讚
我都留意到有呢啲產品，但我用三叔無用蘋果，所以用唔到呢個功能
我都試過俾呢間公司寄失行李
果次我每日都打兩次電話去追
應該追左幾日先寄返件行李俾我
我係喺蘇黎世轉機時件行李俾佢唔知丟左去邊
我估我都係zurich轉機時俾佢整唔見，我打佢網站個電話，但cs話唔關佢哋事，叫我自己上網check status, email去又無人覆。佢auto email 話搵緊叫我唔使打去佢公司問lost baggage 喎。
咁你最後攞得返件行李，係咪claim咗delay baggage USD100?
Thankssss 
我最後拎得返件行李，無claim佢錢了
唔使咁聽話，佢叫你唔打就唔打
佢哋既工作態度頗為鬆散，一定要成日煩住佢先會有效果
記住呢招對全個歐洲都好有用
之後我怕左佢，轉搭返emirates, 阿聯猶就唔使催，第二日就寄返件行李俾我
佢話搵緊果啲你要問搵到幾時，有晒barcode都搵唔到既咩
2個讚
我就係打咗去香港Hotline, 個條女完全唔幫手仲話個system一樣叫我自己上網睇，仲話lost baggage唔關佢事，完全一幅事不關己嘅態度，仲要串77咁，我完全問唔到嘢。
請問你個陣係咪打+852 28466310? 我都知道你未必記得，如果有印象麻煩你告知，謝謝。
我出年返漁村買左呢間的機票呀
我唔是打去香港，因為我目的地是歐洲，所以我打左去歐洲既cs
若果cs都唔負責，你問佢邊個負責叫佢俾聯絡電話你
佢寸77，你要惡過佢先得
其實唔同航空公司都會發生呢類意外
Emirates 我咪一樣遇上
一定要追得緊啲，等佢知你緊張件行李
我自己會盡可能睇下有無機會睇到上行李情況，我會用啲鮮艷易認既喼/或者笠個易認既行李套，咁佢哋多數會喺停左check in後就用車運啲喼上機，若果早少少去登機閘都有機會睇到件行李上唔上到機
首先，呢個唔係blame 唔blame 問題，好多人都對旅遊保有錯誤理解，新聞都出過去到外地出事，無保險情下需要負擔嘅費用可以好大，但香港人嘅心態係因為對方唔好彩，自己唔會有事嘅心態，所以唔會重視保險，旅遊保唔係一定話個客人原意係旅行先買或保，只要離開本身居住地（經海關）嘅地方已經算旅行手，無論你個原意係咩
每件行李都有barcode, 基本上航空公司可以查到件行李去向手，即係話佢地會知件行李有無上機，上啱機手，轉機，落機，但如果因係輸送帶上俾人拎走，除非對方主動連絡返航空公司，否則多數石沉大海
而航空公司本身都有定明賠償上限，就算唔夠用都無計，你現時只可以做嘅係不停問佢地情況，希望搵得返件行李
我諗佢已經知下次出國要買保險掛