唔好諗啦, 年年都成村人唔合格
我教書，語文能力評核 (LPAT) 嘅英文同普通話我都考過
兩份卷都唔係人咁品
相比起來，舊制中七會考份 UE 簡直係簡單到不得了。
1 到 10 級，DSE 係 3，AL UE 係 5，呢份卷起碼係 8。
如果比較埋 IELTS，IELTS 頂多只係 6。
LPAT 一向都係作文同說話合格率好低，呢個係 2004 年嘅表現：
可以見到，其實唔係個個考都係教緊書。
作文卷分開三個部份：改錯，解錯，作文。
改錯處就唔難，解錯處係難好多，要識寫返啲專業名詞，例如 absolute clause、expletive。如果本身大學冇讀英文，或者係補習都冇做過，呢 part 死得會好透徹。
作文題目通常都係關於教學或者建議活動，冇教過書，會寫得冇咁好。零錯 grammar mistakes 都唔代表合格，要用字精簡同多元化，亦要用得其所，亂拋書包死硬。
口試都死得人多，要標準 RP 或者 General American，讀錯少少都係錯，仲要做埋抑揚頓挫，篇文會出現 2-3 個唔常見嘅字眼，而呢啲字眼冇見過嘅話都要諗一諗點讀，例如 vagrant、decrepit、escritoire。食螺絲回帶讀又扣分。
考英文嘅唔一定係英文科畢業，有幾類人都會出現：
- 想教勁嘅英小同英中，尤其係中學 AL/DSE 考得唔算靚。佢地唔一定教英文，可以教 Science 或者 Maths。
- 未大學畢業，想投身教育，考定先。18-19 歲考，同 22-23 歲考，都差好遠。
- 單純想考挑戰自我
- 做補習
普通話份卷都係好痴線，有一部份係辨認正規普通話，佢會讀曬咁多個，但讀完你都唔會清楚到底係咪正規。如果唔係本身 background 係內地人，會分唔到。例如一題：
A. 這家公司是搞什甚麼的？
B. 近年他們主力做手機遊戲。
C. 難怪年輕擁躉那麼多呢。
D. 年輕人嘛，超喜歡打遊戲了。
歡迎大家估下到底邊個唔係普通話規範嘅句子。 
不過我同意，依家教書越來越艱難。新入職要考基本法國安法，又要參加內地遊學團。做左幾年想轉工嘅話，都要考基本法國安法。
係唔係類似linguistic咁樣, 要將句子分為主謂賓定狀補? 呢D就算金庸仲在世, 我估佢都會答錯, 因為呢D同你係唔係native speaker無關, 要專登去學先會識
多謝您咁好心機透徹地解釋。
LPAT有啲位係有少少主觀成份。
一位中學朗誦節常攞獎、IELTS oral 8-8.5分，AL Oral A，主修英文教育嘅考生，理論上都英文唔太差吧，
但都可以肥左口語朗讀部分。
多數係用字或者好微細嘅句式問題，例如 “這些錢夠我們花了” VS “這些錢我們夠花了”。普通話讀得通而且冇錯，只係唔係 “Standard Chinese”。
如果係英文嘅話，就係類似問 “I am correct, aren’t I?” 定係 “I am correct, am I not?”
大陸人會分到嘅，就好似我地一聽就聽得出廣州廣東話同香港廣東話嘅分別，但我地香港人就真係要特等去研究同浸，咁所以考到 pass 嘅，大半都係大陸落黎教中文嘅老師。
ABCD 你覺得邊個先係答案，我望完個答案都唔知個句子錯咩，marking scheme 冇寫
LPAT 好麻煩，我從來都未試過咁怕一個英文試而且係咁冇信心攞高分。
雖然最後都有 merit，但來得不易，畀錢我再考我都唔濟！
多謝你… 我對呢方面無咩概念, 睇完你寫, 明白多好多… 不過, 依家做老師, 唔講考試, D學生都唔易應付…
分分鐘小學雞啲英語仲勁過英文老師。
記得之前聽學校啲講座，有個老師分享講有個同學仔英文比佢還要好。 
唔洗多謝，我都想搵渠道發洩反駁下，圈子細好容易被起底。成日俾人話教書唔值得咁高人工，話我地放暑假白逗人工，4 點放工。
我地成日笑「前世殺左人，今世教語文」，本身已經過五關斬六將去讀書。呢行好睇重出身，大學同中學都睇，有啲小學都睇，而且唔係頭一份工係咁，係每份工都會睇大學同中學，有啲學校甚至擺埋老師母校名上網。補習都有家長嫌棄導師唔係 Band 1 學校畢業，更何況係日日返學對住嘅老師！
有啲現象係其他行冇，教師要面對：
- 我地冇得請假，行行都可以用 annual leave、調 shift 或者清假去旅行去散心。我地除非係生嫁病死，否則都冇得唔返工。暑假唔一定係放假，校隊、遊學團、補底增潤班、制服團隊、升中/DSE放榜、迎新同銜接班、輔導，仲未計高中衝刺嘅額外補課。星期六日都可能要返工，但返工係冇補假冇 OT 錢！
- 食無定時。忙起上黎，廁所都冇得去，水都唔得閒飲。學校同家長都要求有午膳活動，變相剝奪左放飯時間。12:30 放飯，01:00 就要睇活動。中間得 10-15 分鐘食飯，如果遲落堂就更加冇得食。我同其他同事唔止一次係放飯前後有堂，又要睇午膳活動，要等到幾乎 03:00 甚至放學先可以食飯。
- 唔一定 4 點放工，如果有負責活動，可能要 5、6 點，未計開會或者清場呢啲要留守到更後。未計我地經常要屋企 OT，改簿改文改卷啊！本身冇補水冇花紅已經慘，仲要我地無員工福利！
- 做老師要學埋急救、社工輔導、數據分析、整網站、VBA、營銷。學校日日話要關注學生壓力同情緒，但冇人關心老師壓力同情緒。
- 怪獸家長同學生真係好恐怖，尤其佢地投訴。發生過嘅投訴：老師/ AI 發音唔標準導致默書串錯、作弊/講粗口但話唔應該記過、考得差但拒絕留班、同成績差嘅同學坐、坐冷氣位凍親…
唔係講笑，試過有怪獸家長向 EDB 投訴，當然係佢理虧，但搞好耐。 - 有啲好衰格嘅學生，明明唔係 SEN，但自暴自棄唔交功課唔讀書。我地 appraisal 要查功課，少一份都可能被照肺！
- 跳草裙舞唔一定有人工加，教 Band 1 同 教 Band 3 係一樣價，除非做直資私立可以高於市價。
- 我地放工放假都唔可以亂黎，講粗口、著得少布、社交網站留言…通通都可以係投訴位。投訴我地「教壞小朋友」。未計家長學生「野生捕獲」，偷偷影相拍片甚至係攔截傾計。
- 轉工唔係想轉就轉，每年要等農曆新年之後先可以搵工，一到左 7 月就塵埃落定，如果仲請緊人，你都唔夠膽去。
要呻嘅位太多，離曬題添！
今時今日，想做個好老師，做到死都未做到
但立心做個hea的老海鮮，真心無得輸
加油
我明呀… 我有朋友都係中學教師, 有次係家長群組俾人講, 原因佢同朋友去行山, 佢位朋友染金髮同有紋身, 家長群就話佢識D咁嘅朋友, 老師自己本身都可能係壞, 甚至有黑社會背景… 
真係匪夷所思… 另外, 投訢編座位對正風口位, 無對正風口位, 坐個角or坐中間, 坐考第一名/包尾學生隔離都聽過有投訴…
呻啦…面對以上咁荒謬嘅情境, 唔呻會變態架…呻啦… 
坐包尾隔離都能理解，咁坐第一隔離投訴係…?
隔離太叻, 阿仔無佢咁叻, 自卑囉… 令阿仔覺得自己無用囉… 考第一個同學又唔借功課俾佢抄… bilibala bilibala bilibala…梗有一堆原因…
敝班有，話好大壓力，個考第一又唔肯/識教同學仔
班房得咁大，高矮又會有阻擋。我擺得邊個！
我地教書成日講笑話要立志做 old seafood
冇計，學校係一個好困身嘅環境，日日面對啲爛泥學生同痴線家長，見得多又唔可以隨意轉工，麻痹曬。
嘩，考第一要教人架，拍爛手掌。
我見有d小學初小都坐一人位，但我諗無分別，要投訴都會照投訴
你地留言好長，未睇哂，選擇題就撞下先：A 或C ，最後我可能揀C
A 同 C 都唔係。
答案係 B。
點解？marking scheme 冇解
我問過 ChatGPT，都揀錯曬。
我估係 “主力“ 呢個詞語，應該係寫 ”主要“ 掛～
但我最估唔，擁躉居然係正規…
