有無人用緊, 見而家啲日式洗衣機話可以
有快乾既功能, 睇落都唔似會加熱乾, 咁
快乾功乾完係咪都仲係會濕唔可以即刻著.
大部分乾衣機都做唔到即乾即著。
始終有少少濕氣，要掛一陣吹下，吹走嗰少少濕。
更何況你講嘅日式洗衣機，我都未見過。
如果係大眼雞三合一洗衣機，我就用緊，平時多數淨係用洗衣乾衣，除非天氣好差，否則好少用嚟焗乾衫，
如果屋企有地方，都係裝煤氣乾衣寶，我見親戚和街坊都讚佢好。
我係有用開煤氣乾衣機，老實講好多衫都唔乾得，
全棉會變bb 仔衫，就算小量棉都會縮水。
因為新屋個度無位要換洗衣機，只可以放上揭蓋
洗衣機，都係多口問下睇下有無人用過。我都估
只係比較乾但唔會全乾。
唔鍾意用乾衣機
D衫放入去會縮水 M變XS 
毛巾另計 乾完唔會硬掘掘 
2個讚
我一直以為自己著全棉
我年幾前買咗LG 洗衣乾衣機，用電嘅，完全可以洗完乾完即著（要全乾透有少少秘訣：不要超過7成滿、洗完、乾完再行完個 CD （crease decrease ）mode 就儘快攞返D 衫），我通常臨瞓前放衫去洗，瞓醒就收衫（全程約6-7個鐘），唔皺，D 衫可以即刻著。
我有一、兩件全棉係會縮、但有些全棉又唔會，呢個未掌握到。當然恤衫都係有皺要燙下，西褲如果接受無咗條骨都可以唔洗燙。
電費無明顯多咗。
據說而家嘅乾衣機唔係靠熱力焗乾，而係似抽濕機抽乾。
總之，我家下好愛洗衣乾衣機。
3個讚
2合1前置洗衣乾衣機係可以洗完乾完即著, 除非你部機好舊, 節能關係, 好少用乾衣功能, 用時通常都乾至8成
1個讚
係咪大眼雞黎？我用唔到大眼雞，一定係上揭蓋先得。
係大眼雞呀，根據我年前嘅資料，洗衣乾衣二合一係無上揭式
1個讚
其實我都只係八下係點，我見我哥度佢都
係用二合一，但好多時都仲要再晾一晾啲衫。
如果啲衫唔乾我應該都係用番抽濕機乾
啲衫用抽濕機。
用乾衣機乾衫不嬲都多規矩㗎啦！
連有橡筋嘅褲，啲橡根都好快鬆晒，
所以我都好少用嚟乾衫，
唔見意用三合一洗衣機，因為洗完衫 用同一個桶乾衫，桶內已經好濕，必定用更多電力整亁啲衫，
1個讚
我都係用緊LG洗衣乾衣機 10.5kgs洗 / 7 Kgs乾 ，慳位，只係乾cotton嘅衣物已經令生活方便好多
用咗之後，我係好後悔…買得咁遲。
除咗cotton ，我D lululemon 都係照樣咁樣乾 。
而家買新衫其中一個會睇嘅就係是否可以放入乾衣機。而家我所有衫都會直接洗完乾。
必需品
我地唔會晾衫出窗外，而晾室內乾得慢之餘有時覺得D衫有味(唔係嗡味，已經係用部室乾既洗衣液，係類似水臭味)，同埋搞到間屋濕氣好重。
所以我一定一定用乾衣機，屋企用TGC，一機7KG既衫全部放晒入去，SET TIMER 25-30分鐘，D會巢既衫乾左7,8成就拎出黎晾，餘下果D就再開機等佢乾晒佢。
以上方法無試過縮水。
該主題在最後一個回覆創建後180天后自動關閉。不再允許新的回覆。