歧視嚟講…可能人地唔係因為種族
係因為本身果個人就係乜野都睇唔順眼…英國的多元種族, 真係多數數唔曬…
1個讚
諗起大媽舞唔比人打波
可能呢面地方大, 真係唔係好需要咁爭
佢個人咁樣, 響香港都比人歧視佢啦, 一出口就搵交嘈咁…
1個讚
補充返
英國唔太差
但有啲野都係差
各有各好喇…
又其實樓主都係講個感覺, 感覺嘅野…邊有對錯丫
忍唔住睇返我第一個回應#78，完全都唔係回應樓主啲乜嘢， 其實我都唔清楚邊個係樓主(好多匿名，一堆數字+字母)。
好耐之前有人曾經講過呢個論壇啦遲早分一班移英，一班留港嘅人。 我原本覺留港又好，移又好，大家都可以好好交流，都係吹水啫。但係發覺好多時移英有啲人成日都單單打打留喺香港嘅人。 我明白佢哋對香港仲有心結，佢哋仲好care香港，但係成日都share啲好差嘅消息，香港發生咩事，大家唔清楚咩？唔需要出街已經俾唔想聽嘅新聞炸，上嚟呢度，想搵一片淨土，又係呢啲新聞。
其實講對香港的感受，對香港嘅唔好嘅嘢出評論，我真係唔介意，亦都冇得介意。但係有時有人評論下英國，話英國有D位做得唔好，就會畀一班人圍，叫人返香港醫病，叫人唔好去英國…至少呢度冇人叫人唔好返香港(留港嘅人，知道遠離屋企or曾經嘅屋企，心情如何)，呢個po都有，滾水淥蛙之類…
呢度，話唔俾評香港嘅人係玻璃心，但係唔俾評英國嘅人係咩心呢？ 其實香港/英國都有好多好嘢，好多唔好嘅嘢，但係我就一面倒見到係咁不停咁po香港唔好嘅嘢， 咁呢啲人又係咩心態呢？ 我唔識，但好想心理學家或者有呢方面知識嘅人， 來解釋下。
13個讚
我不在英國，係其他地方生活得好好，幾年冇返去睇完個post好心痛 ，希望移民港人對留港既人多包容存同理心，佢哋留底既選擇也不容易，為他們送上祝福
6個讚
首選一定係醫療，全英嘅人都同意架啦
第二我排出街野食，真係無乜平靚正選擇（我知有貴靚正嘅，但都唔多）
第三未諗到，或者遲啲返工或經歷下冬天會有更多體會
1個讚
真心，你咁嘅心態同情緒真係不太適宜成日睇forum嘅嘢，睇得咁上心又令自己咁唔開心
Forum就係吹水討論嘅地方，冇可能要求人不share任何會令你唔開心嘅news，你覺得啲人講香港的不是就係冇同理心，咁係咪係forum只談風月先係有同理心的留言
我自問從來冇一味踩香港讚英國，係移英區我都有講過英國唔好嘅地方，亦試過比人圍話我唔應該同香港比較，唔捨得放棄就返香港等等。坦白，我睇完呢啲留言就算，連回應都費事，因為有心同你嘈嘅人只會沒完沒了，況且互不相識，根本不值為呢啲嘢而影響自己
討論區就算唔匿名都唔代表佢講嘅嘢就係真，何必咁認真咁上心
13個讚
我明你所指，亦多謝你嘅意見。
唯一令我咁勞氣嘅，係對呢度嘅人期望高咗，係我唔啱。太認真了。
3個讚
一個乜人都會有嘅地方
好難條條post都合符心意
兩個地方都有好有唔好
各人嘅生活條件又唔一樣
討論區就係咁
點解要上討論區就係減少自己響同溫層接收嘅訊息太單方面
3個讚
講唔同地方有咩優劣無問題，但樓上的確有啲留言幾無禮。當然最後可以話上討論區毋須上心，但就有啲你話人就得，人地問你唔畀批評英國嗰啲係咩心態又唔答嘅感覺。
6個讚
明呀，因為平時成日傾閑計，所以就算係3唔識7既網友，見到網名都會有d 親切感，所以見到有冷嘲熱諷的話都會有些少hard feeling 咁樣？
我最近都上少左呢到，一黎忙去玩唔得閑上
二黎呢到可能多d 移英少d 留港會員，有d 話題可能冇咁啱嘴型都冇所謂既，上黎當kill time，自己心情好最重要！
4個讚
討論區要求「同理心」係冇可能的
討論區乜人都有，點可能所有topic, 留言, share news都會令所有人看後沒有不快
舉個例子，出面有個post講香港人為樓死為樓亡，睇到呢個post嘅人可能有：為層樓而走唔到嘅人；為層樓同親人反面嘅人；甚至可能有呢單新聞嘅家人朋友。莫非出呢個post同留言嘅人就係冇同理心，唔顧人感受，係人傷口上灑鹽？
如果forum留言都咁多道德枷鎖同自我審查，呢度最後只會剩低一種聲音 ，絕對唔係好事！
8個讚
看晒大家的留言, 我回應一下我自己對香港感受, 我一直在港生活, 暫時無打算移民。
如果話多了唔純正粵語的人, 我覺得和疫症前差不多, 拉喼的人返而好像少了。當然, 我平日要返工, 星期六, 日要帶小朋友去興趣班等, 不是經常去很多地方, 所以這只是我的感覺。
反而因為疫症過後, 經濟未回復, 感覺很多地方無以前咁熱鬧 (對比3年前) 很多店舖也早收了。
至於講政策, 我試過等巴士(前後有其他人) 或在街同我老公講政苦唔好, 比卡超的問題, 都無比人拉 
, 因為生活在香港, 很多生活問題要處理, 總不會日日講政治, 但我不怕講, 除了在警察或高官面前, 因這是挑機 
, 不過現在香港真有角安法, 網上 facebook 或轉寄真係小心咗。
我見這 post 有人留言溫水煮蛙等, 我真係對號入座, 有些唔開心(只是我的感受, 希望留言者不要介意) 不過我知這是移英的感受, 所以我一直也只是看, 沒回覆。
其實香港仍有一班堅持黃店的人; 為真香港人入獄的人; 也有為在囚人仕付出的人…, 可能力量很少, 但沒有放棄。
19個讚
呢樣嘢，由97 已經開始有人講，漁港、大刀會呢d名大把仲喺香港嘅香港人都會諷刺。
有時覺得好悲哀，留港嘅人連721 都唔可以share，國安前仲係洗版式，依家得返走咗嘅人去講，我知好多人記得，離開嘅人亦唔係要灑鹽，只係想用離港後嘅言論自由繼續話俾世人知，呢個政府係幾咁不堪。
4個讚
1x年前已經試過一早係 tst 返工比個自由行拖匧碌過我對鞋
近十年因為怕迫，已經少出 mk, tst, cwb
呢廿幾三十年都好多內地人到爆，完全唔係今日先發生嘅事。
啱呀，等於係外國，唔好對住黑人講 black
我記得2003, 2004年個陣未有好多自由行。香港米重靜，連廣東道中午都冇乜人
多人少人，有冇人，真係呢3x, 4x年生活係香港嘅人有乜未經歷過？
批評冇乜所謂，但好多帶有貶意。有人就特登 "了"其他人講香港嘅衰嘢，自己閃。
其實唔鍾意香港米唔好返，反正人都走咗。
過幾年入藉拎埋其他國家passport，可以話直接自己係 X國人就得，連自己係香港人都可以唔提
6個讚
應該唔係唔可以share? whatsapp, signal都有人提
留底嘅重有人講，走左嘅亦有好多唔講
fk, tg 都有好多唔同主題嘅 forum，有好多啱嘴型嘅人可以講
1個讚
可以 share 下去玩，shopping同食嘢，我成日上 youtube揾呢啲睇.
唔會唔啱嘴型。香港人都知香港人嘅生活模式
3個讚
我係樓主，我係呢個post應該有留言9-10次，希望你呢句唔係講我啦
我睇返我開post的第一個留言，都依然唔覺得有踩香港或”了”人講香港衰野，我話我個心情係由期待>陌生>唏噓
唔掛念香港我點會期待，唔對香港有感情我點會覺得陌生，唔對香港感覺痛心我點會唏噓
11個讚