其實佢自己大把錢，一啲都唔需要痴嗰仔，只不過佢老伴走咗，一個人有點孤單啫。新抱本身就係大6人，文化等各方面都唔同一個層次，所以我都叫佢無謂諗了。
1個讚
咁都明白，你開導下佢：有錢又自由不知幾幸福，唔使靠個仔同新抱，好好享受人生
到佢分身家時個仔同新抱就自然出現㗎喇，喺嗰時之前洗晒啲錢去
2個讚
好仔不如好新抱。
唔好話大陸婆啦，呢度啲香港女人聽到老爺奶奶嚟住吓都嘈到拆天。
三個月真係死得人，但一晚都唔肯，唉～
以前多數係
香港女人 唔鍾意 奶奶，
香港奶奶 唔鍾意 大陸新婦，
好少見 大陸新婦 唔鍾意 奶奶，
見過係 外國嘅 大陸新婦 （碧）香港奶奶 賣咗外國間屋，啲錢俾佢哋係外國買屋，當然奶奶唔肯，返咗香港，以後唔再返過去。
隔離post 咪有話99要住一個月都好辛苦啦，更何況3個月！咁我又欣賞啊新抱肯反對而啊老公又聽佢話
（當然在於你朋友角度就衰仔吖，住一晚都唔得，真心淡）
不過呢D情況（移咗民後，99會每年同住幾個月或申請埋過來一齊住）會更加多
一晚都唔畀喎、即係叫佢以後都唔好諗住有乜接觸啦
錯重點:
記得提你老友立定遺囑，一個仙都唔好留畀呢個仔&「新抱」….
3個讚
佢去英國咪重孤單、香港起碼有其他朋友、出外都方便吧
一晚都唔比又係絕咗啲
事實證明呢啲人喺連嗰天都唔會撐佢嘅, 當晚嗰仔車住佢周圍搵酒店, 貴到170鎊一晚都仲要喺無房, 兜到半夜12點, 足之都係要車佢返屋企瞓沙發, 一晚無覺好瞓.我諗佢都好心涼.
我唔知內情，唔敢話幫邊個，例如個老人家做得好離譜，個新抱一晚都唔比佢瞓又有機會；個新抱純粹衰連老人家平時冇乜嘢都唔肯收留一晚又有機會
我只係希望你朋友唔好奢望旨意個仔，難得佢有錢，叫佢好好生活安享晚年，唔使為下一代諗咁多，祝福佢
1個讚
可能佢心抱知佢住開第1晚就唔會咁易走，你都話佢係咁想痴埋去佢哋到
所以唔會輕易俾佢入屋