想問其實你有冇坐過月生過bb? 你好似完全係狀況外，一個外人嘅角度去睇，啲處理方法你真係講得輕鬆容易，完全係「何不食肉糜？」嘅表表者
你睇返啦，我係寫係我奶奶自己去諗日頭佢湊夜晚我阿媽湊，事實係佢得頭幾日日頭嚟兩三個鐘玩bb，我阿媽係隔日日頭上我屋企幫手，一個星期後唔對路我就已經即刻請佢唔使再嚟，人手如何充足？你究竟知唔知湊一個nb係冇乜時間瞓冇乜時間抖㗎？
講返開門單嘢，我哋講好咗啲奶樽奶奶洗，點知嗰日奶奶嚟到一個奶樽都唔洗，淨係抱住bb玩bb，啲奶樽已經堆到bb下一餐冇奶樽用，咁我咪忍住開刀傷口痛自己去洗奶樽囉，點知仲要我去開門。唔知你有冇開過刀生仔啦，嗰種痛連我老公見到都唔忍心要我起身，止痛藥藥效一過係痛到成個阿婆咁彎埋一舊。不過對你呢啲人嚟講可能is an easy job，仍然可以健步如飛啦
仲有，都話咗奶奶自己孭咗飛講到實牙實齒佢湊，佢又生咗兩個，正常人都唔會估到佢原來識湊仔掛？我冇話我哋冇責任喎，我咪講咗我哋最錯嘅喺信咗奶奶囉。
上面嗰幾單嘢全部發生喺一個禮拜內，仲有啲我都冇講出嚟，你就鄧我奶奶慘喇，哎我哋呢啲人真係唔知足，坐月坐到成pat屎咁都係自己攞嚟
所有嘢都係人哋衰、人哋責任，我完全係受害者，世界對我不公成件事我最慘，生個仔係人哋責任幫我湊，就算老人家出乜狀況引致湊唔到、唔岩我心水都好，總之係佢對我唔住，所有責任在男/奶方，我係一丁點
責任都冇，係完全受害者，明白嗎
講到尾生仔係兩公婆決定，自己諗定點湊唔洗下下依賴人最好。
我女係姐姐湊大，但我間中都要請幾日至一星期假，執下姐姐手勢。有時姐姐病、返鄉下，我都係自己兩公婆請假頂，或交阿女比同學仔父母湊到放工（我真係好好彩有幾個岩傾嘅媽媽友可以做支援）。
阿媽住得遠，奶奶又有其他孫要照顧（公道啲講奶奶響初生嘅時候有過嚟幫手），所以day 1 我都諗過ftm, BB時期都試過做過幾個月添，咁當然中間冇停過姐姐，因為有佢我先有得選擇隨時返工丫嘛（我又要感恩請過三個姐姐都非常好）。兩公婆互相支持下咁又過咗最難湊嘅BB時間（爸爸被訓練到湊B手勢好過好多人），依家上小學就更唔洗擔心，反而有時去買餸阿女會幫手做翻譯。
唔係老奉，由家庭成長經驗都係，一家人你幫下我，我幫你咁。
就算老人家有咩頭暈身㷫要幫手，都會幫下啦。唔通講一句條命係你嘅，自己負返責任啦。
你情我願vs 老奉
互相幫助係建立響雙方有意願嘅情況下，同覺得幫手湊孫係應分、責任係兩回事。而且幫人要求對方要回報幫返你，咪就有老奉心態囉，我幫咗你，你唔係唔幫我嘛。
基於本來都關係好及一齊傾完（我例子：自己出錢置業地區嘅考慮原因），長輩答應左，我接受，就叫老奉？若果 其實心入面唔太想，一早拒絕左，新手父母就會有多兩手準備。
其實我本來唔係回覆你個case （事實上我冇詳睇），所以唔洗對號入座。你可以繼續覺得件事係長輩有負於你，亦唔需要得到其他人認同。我個人好現實，唔好講長老，其他人應承嘅嘢都可以甩底。重大事情嘅決定我一定有後備方案，唔會depend on 一兩個人嘅口頭承諾。所以出任何突發情況我都好少怪人，而會自己搵plan B解決。
其實真係兩睇
認同信錯奶奶這點。生B太多事情難以估計，例如媽媽嘅康復，BB嘅健康狀況，即使有工人/陪月/長老是但一樣會幫手湊都好，都要諗定佢哋湊唔掂咁點攪，我覺得要做定多點危險管理，做好後備方案
該主題在最後一個回覆創建後180天后自動關閉。不再允許新的回覆。