Stephen 屋企有錢嗎？
唔清楚呀，只係眼見好多人唔發奮都因為有屋企人背後支持
Steven同老婆雯雯喺2019年奉子成婚，其後化身「離婚界KOL」，四年間，二人季節性地傳出6874212409次離婚消息，不過喺佢地嘅世界，感情問題一律建議交配！佢地每次都會「懷孕救愛」，分訊傳出後，二人重修舊好，之後再生仔，繁殖方式擁有獨特週期性pattern。
近幾個月，雯雯暗示同Steven不斷嗌交，鬧佢係垃圾，又懶又廢，果然係懷孕嘅徵兆，準過把脈。雯雯今日喺社交網大爆又再得到上天嘅禮物：「既然上天再一次俾咁樣嘅安排我，我就應該好好計劃，靠自己去照顧好上天比嘅每一份禮物，再一次負起呢個責任，迎接呢份禮物同安排。無謂再去浪費氣力同時間喺度發洩同埋鬧。」由於雯雯全篇千字文以「上天俾嘅禮物」形容前三胎，所以佢話今次又再得到禮物，估計雯雯應該將會迎接第四胎，恭喜定先，香港出生率有救喇！
by King Jer
3個讚
嘩~ 當時人認左, 就快出世wo~ 第4胎
感情唔好都生到四個
真係咁鐘意細路定唔做足安全操施？
我唔記得有冇記錯、之前新聞佢嘈話冇錢買b車定點、之後有好心網友送比佢
遲啲會唔會公開籌款揾網民幫佢養仔
個女嘅嗌離婚好似密過我嚟M 咁
4個讚
佢家姐係咪都有啲錢….
其實係咪排緊未排到
嘥氣、內容不外乎係鬧老公廢、嗌離婚、跟住又有咗… 我睇新聞報都嫌費事
2個讚
點止無錢買車，仲話無錢開飯啲仔無飯食無奶飲。搭車錢都無返唔到學喎
呢個女人真係痴L線，我係女人都唔想咁話佢，但無錢仲成日出post鬧個老公廢柴，但又keep住生仔，邊有人會可憐佢
8個讚
我記得之前有個kol好似上網鬧個男話佢借人錢唔還但請工人又盛，不過唔知有冇記錯同宜家仲有冇工人就唔知。但當時有幾個人都出嚟話佢借錢唔還。
1個讚
料事如神
佢上個月租金都係網友幫佢俾，仲好意思講懷孕係天賜嘅禮物？難聽過粗口
3個讚
點解咁多有錢又好心嘅網友……
講真、呢啲幫佢其實害咗佢同啲細路
諗住見佢有幾個細路幫輕下、佢地係唔識量入為出、仲會覺得返正一定有人幫、好放心整多幾件出嚟
1個讚
我都覺幫呢家人嘅網友好傻，幫到佢一個月又點呢，兩個都無決心做對負責任嘅父母
3個讚
其實個女點可以咁冇計劃㗎，個男人已經唔生性
點會唔知架生左3個