咪就係囉, 一日只有女人先有子宮, 就係唔公平㗎啦,
事實上唔避孕(我唔理你用咩方法)=女人蝕底, 除非個女人不孕
4個讚
我認同你前面部份, 性愛唔係女益左男人, 呢方面係應該男女平等,
但避孕就另一樣野, 完全無男女平等, 責任在女方
6個讚
我曾經因婦科問題食過幾年避孕藥，算好彩唔覺有咩副作用（潛在嘅唔知），但據醫生講因為食藥幾年令內在休息左，停藥後重新運行番好似減少左之前嘅問題。所以我自己對避孕藥睇法比較正面。但事後丸朋友食完身體就勁大反應，嘔得好勁。
個 topic 開始偏離咗主題 🫨
其實邊個唔想生就邊個避，係咪？ 比如有個女人好想生但係男人唔想生，咁個男人就會好小心避孕啦~ 如果係女嘅唔想生，咁就女嘅要加倍小心，可以食藥，結紮，直接唔做，要個男人戴咗先入得，叫個男人紮完先做，等等…
2個讚
二百幾個replies都好成功了
1個讚
傻瓜，唔好嬲
大家討論下，如果有唔啱嘅messages就跳咗佢，唔好勞氣
我食過，所以都覺得，始終唔係咁好長期食，上次婦科醫生都咁同我講
1個讚
講得好啱。避孕呢樣嘢男女都有責，點可以將避孕呢樣嘢全部係女方到。
事後丸同避孕丸係2樣嘢嚟
咁正常生育大家都有共識
幾廿歲人亦唔好打算挑戰運氣，一齊搵個大家接受又覺得舒服嘅方式嘅可以
是啊，所以兩樣野嘅副作用程度不一樣
所以唔好混為一談
1個讚
食避孕藥食到陰道乾晒我都比較少聽。咁你最尾係咪轉左其他藥，定係轉左其他方法？我記得呢隻藥都幾貴，一個月要$200。
我食咗Yasmin 幾年，好乾，唔知係對老公無性趣，還是食藥影響性慾，因為我知隻藥有呢個負作用
老公都好快，有時入去幾下就完，以前都唔係咁，唔知係咪我太乾影響呢？提議用潤滑劑佢又唔想
1個讚
我食完健康院嗰隻避孕丸，性慾係恐怖地插水式下降
（當時我餵人奶，得某一隻藥係食得）
食左2個月頂唔住，都係用返套算
嚴重影響夫妻關係呀
2個讚
用潤滑劑舒服好多，唔用你都會痛啦。
1個讚
我轉咗食輕樂偶，就無呢個問題出現。
我係家計會買㗎，平好多，到期日都係年幾之後。
大家要好好善用資源，唔好俾啲大劣人佔有咁多呀！
4個讚
我之前食家計會開的、好平、$60/盒。食頭2-3 個月的第1-5 日有d depressed , 之後冇了。之後越來越想要、尤其period 完後十多日即排卵期個時 哈哈。之後懶得去家計會就食Y,朋友去泰國旅行代買、大約90/ 盒、不時都好想要 哈哈。不過可能係因為年紀問題、以前2x反而冇引、而家3尾反而欲大
2個讚
俗語有云：三十如狼，四十似虎呀
我都聽過咁講，不過自問無狼過，就快虎喇，唔知會唔會夾埋一齊黎
2個讚
我其實係食藥加套，食藥係因為要控制荷爾蒙，但咁多年老公都唔敢唔用套
有時真係好乾好痛，但又唔想掃興。最近停咗藥，唔知會唔會好啲呢？你果間用咗幾耐回復正常？