疫情第一年我就試過wfh, 完全係蠟燭兩頭燒，出面小朋友喊緊vs房入面要好專心做野，專心唔到要衝出去叫佢地唔好喊，收聲，出街，唔好嘈住，講完自己都愧疚，心好煩，所以公司比返去都立即返去。
同時，因為係屋企時間多左，知道照顧者點幫我湊小朋友，有d位實在過唔到自己。我知如果扮聽唔到睇唔見其實無野，只係小朋友曳d, 壞習慣會多d, 嬌縱d, 其實唔理佢地都可以。
但我無辦法扮無野視而不見，過唔到自己個關，所以早早轉換跑道拉高衫袖落場育兒。
呢家，小朋友係好係壞都係我manage 既事，起碼唔後悔，日後有事唔會呻當初、早知、如果等等，因為自己有盡力負上過責任。所以呢家做呀媽真係要醒水及靈活，發覺屋企有一瓣唔掂就跳入去幫手（譬如離開職場轉ftm），之後呢瓣開始settle down 穩定左，已唔代表要一世留守，好可能趁大家仲好安逸時已跳返出去搵自己既世界。所以係ftm 既concept 上我覺得而家既媽媽同上一代媽媽唔一樣，自主性可以強d, 有say d, 如水一d, 始終主婦唔係為老公作生活袖心轉，唔係為小朋友轉，更唔係為孫而轉，但如果佢地有需要，佢地既priority 仍然高過份工的（但我唔希望孫要我湊，我寧願佢地唔好生
）。
相信對於小朋友來講，一個入水能游出水能跳既呀媽（屋企一有需要媽媽豪不猶豫離開職場換跑道，協助屋企重上軌道；到一齊安好後將重心去返自己熱愛所求，再發光發熱），係關鍵時刻有陪伴左右既呀媽（幼兒時期係性格shaping 上作出輔助），到佢地長大後得到既人生啟發都唔少吧。至少我覺得係咁。
5個讚
其實我仲未諗將來會唔會再工作. 我只想喺人生每個階段盡情投入. 做媽媽就盡量享受陪伴小朋友的日子. 到佢少年階段我會再搵其他嘢搞.
其實經歷過ftm階段，我覺得思維唔會再停留係返工or屋企咁limited 既選擇度…
即使返工，都唔會想揀以前累死狗個種mode 入面，可能part time or slash, 主力去旅行個種享受人生mode. 至於成就感個類野，望到親自湊大個bb變成沒有長壞的孩子已經夠成就啦，就ok la.
5個讚
why not both?
我31歲，26歲結婚，而家有2個仔。
講事業先，我細個好勤力讀書，算係靠知識改變命運，公屋綜援家庭出身，但而家喺大學教書，人工叫唔錯兼年年有得加，最緊要係工時flexible，唔洗教書嘅時間多數我都wfh 陪下d 仔同做下家務。
婚姻方面，我老公好錫我亦好顧家，佢都係做公營機構鐵飯碗，年年加人工又日日準時收工，6:30之前一定返到屋企，星期六日佢放假就負責早起湊仔，俾我瞓到自然醒然後一家人出街玩，每1-2個月都會一家人去下酒店過夜staycation咁。
我覺得係最緊要識感恩，個人唔知足就點都唔會覺得自己婚姻幸福，事業有成
我自己覺得自己係兩者兼得好幸福架
不過外人如果係都要雞蛋裏挑骨頭，就會話我「嫁個人工低過自己唔算幸福啦」or 「大學教書最多咪叫穩定，都唔會發達點叫有成呀？」
好睇你自己心態同角度
7個讚
我同意樓上所講，事業有成都無可能同時照顧家人起居飲食，有啲嘢外判咗只不過大家唔重視。
我觀察所謂事業婚姻雙美滿的女強人都有以下特質：
- 屋企月入＄100000以上，＄500000以上嘅都大有人在
- 事事以目標為本，唔鐘意hea（例如一年會出幾多個研究，寫幾多本書等）
- 家務外判（我嘅意思係有工人或家人幫）
- 所謂親子時間全是limited quality time, 例如假日去樂園，放假去旅遊（仲可能係佢去開會順便叫屋企人去旅遊），工作itinerary是第一，家人需要排第二
- 好鐘意multi-tasking，並引以為傲（例如一路開conference call一路同細路仔沖涼，細路仔瞓咗就去準備lecture等等）
如果屋企人接受到個女人事業心咁重，樣樣就晒佢，咁咪ok囉，如果其中一個（可能係個小朋友，或者老公）想過relax一啲嘅生活，呢段婚姻就危危乎。
至如想唔想做呢類型嘅女強人，睇你自己。
PS 我認識一些是老公無做嘢照顧頭家的，所以婚姻幸福 + 事業有成嘅背後其實有另一個人嘅付出。
No offend to 樓上嘅post，我只想帶出做女強人嘅代價，世事無完美。
4個讚
等我又share 下我識既事業有成既女人特徵先，大家勿對號入座，純粹講開就講。
-
做野掂又仔女成才既，老公係外國人長居外國／有婚外情各有各玩／離婚／寡婦／自身健康差（都遇過）,不過自己都堅有錢既。所有仔女野唔好問佢，全部outsourced or forgotten. 位置通常係dept head/ vp
-
無以上問題，本人亦認為事業有成但其實好鍾意玩political, 外人睇做野甩漏，好倚賴個team 去support 佢，但佢一直自我感覺良好，覺得人地做埋佢個份係應份。佢都係大大聲講公司唔炒佢，有人工加就得。位置大約係team head.
-
正常d 做野make sense 既，以上所有野都balance, 但份份工做唔長。
-
老公唔返工在家育兒成就女人事業
-
再數落去都唔叫事業有成，叫有份工，但佢本人都名私校出身，仔女都名私校，老公錫+屋企有錢，所以係風流工。
我覺得係要到CEO/CFO/COO，自己開公司個啲，做科學家研究(不能列出所有) 先可以做呢個婚姻幸福vs事業有成既對比。
否則出一出中環金鐘(頭盔例子)，好多女人都有結婚有份好工。唔足以話要放棄結婚去打份工吧。
好似樓上例子，應該無人為左做老師唔結婚？都無需要？
1個讚
即係自己既快樂要靠家人俾,我自細無家庭溫暖,所以我一早知靠人不如靠自己
咁「幸福婚姻」嘅定義？點樣嘅「幸福婚姻」足以要放棄中環金鐘嘅一份好工？
我覺得係魚與熊掌不可兼得咁先係討論所以我咁講。
我意思係要幸福婚姻唔洗放棄中環金鐘好工。應該真係一人之下 萬人之上先會要放棄家庭？我唔知會唔會講到一舊一舊。
幸福反而係好難界定。我自己會覺得係一個尊一有膊頭既老公，兩人相愛，仔女乖愛錫媽媽。唔會要憂柴憂米啦
維持每一段關係都係用無數嘅選擇+妥協，就算自己對自己，都係一樣。
幸唔幸福，如人飲水，冷暖自知。
我自己由決定生仔時，已放棄事業(成日俾我阿媽話浪費)，知自己一返工做起嘢上來，就太搏命。驚不能兼顧兩者。
我個陣又唔可以話因為結婚生仔放棄，我有8成係因為懶同2成咁啱又結婚，就放棄有多啲錢途既工，啊媽都係話我浪費。我媽事業型過我。不過我都有返工，無做個份工姐。
1個讚
係囉，如果只係要一份白領工，想兼顧兩者或中途轉場跑出跑入，點be water都易好多
而家係講緊事業「有成」呀
1個讚
問題係「一人之下 萬人之上」嘅「事業有成」對於絕大部份人來講係能力做唔到，唔係你有無放棄結婚呀！
係架，但題目都係假設。姐係都唔係你揀想婚姻幸福就會婚姻幸福。揀事業有成既都可能有能力無際遇。
1個讚
其實點為之[有成]都好虛。上面都有人講，有成功感成就感就係有成，有d搵大錢就有成，title 可能求其叫manager ga ja, 朵ji ma.
再講，一人之下萬人之上可以係跨國大企，可以係smc, 程度都好唔同，亦要睇好多際遇。總不能話講唔中你心中既事業有成就無視佢既經營努力。
我同你理解差不多，係因為家庭需要而放棄事業發展，唔係無返工但係唔升職／唔搏殺。
「事業有成」在我理解係一些搏殺嘅人，工作放第一，自願OT出trip，咁點會唔影響家庭。每個人都係得24小時，用咗12小時工作，其他自然會分薄。
能夠同時有「婚姻幸福」嘅好多時係遇上顧家男，富家子弟唔使撈，或者高學歷老人幫手睇住個家，否則都幾難。
4個讚
等等，富家子弟+願意落場湊仔+唔花弗專一+高學歷長老，嘩，個女人係咪上世拯救左銀河系
3個讚
各有選擇 