同你一樣, 我4次剝智慧齒經驗都係好好, even有一次要開刀, 麻醉過後真係完全唔痛, 因為剝之前姑娘已比左止痛藥我食, 之後又跟足指示食止痛藥。
所以好多人話麻醉過後痛, 我唔清楚佢地冇跟醫生指示食藥, 定係真係純粹我好彩。
唯一complain就係張開口太耐會好累
呢個我笑咗
不過我有朋友上個月都要剝，佢係無開刀。佢話麻醉過後勁痛即食止痛藥都唔掂。因為已經痛緊
而且好多朋友話面會腫，touchwood我到而家都無
但始終即使唔望，聽到聲都會驚，我尋日全程合埋眼同捉住張櫈2邊
同埋我堅未試過食藥咁乖咁準時
麻醉藥未過之前就要食定啦, 如果2點就過晒, 咁起碼1:30就會食, 不過我唔清楚佢醫生點處方止痛藥。
我仲記得剝之前姑娘比止痛藥我食, 同我講有X小時藥力,
剝完之後, 醫生又會同我講麻醉藥大概幾耐之後就會退,
所以我計好晒時間, 唔會有gap位比D痛發出來 
我都未試過臉腫, 但當時一心只focus唔痛,有冇腫都係其次
我開刀嗰次要將智慧齒界開4件, 所以除左有一般鑽牙聲, 仲會有類似鎚仔揼我D牙(實際我唔知佢做緊乜), 雖然完全唔痛, 但都真係會驚, 不過好彩全程遮住眼, 乜都睇唔到
1個讚
我都係，又抆又揼又鑿又鑽，搞勁耐。
所以我唔明點解鄧醫生可以咁快
1個讚
我尋日都係㗎，聽聲都驚到我痴線
我都用咗成十幾分鐘㗎，仲聽到醫生講隻牙鬆咗㗎喇，未扯到出嚟
聽完仲驚最後當然成功咗完全無事
2個讚
我本身都的起心肝去剝㗎，不過突然之間病咗，要等病完先剝。
剝完冇痛好好呀！你去邊到剝？有冇影響埋前邊隻大牙喔？
我去屋邨牙醫診所咋，個牙醫喺度已超過30年。我隻智慧齒無影響前面大牙的。
希望你快D病好康復剝完智慧齒前後都唔痛，無面腫🫶🏻🫶🏻
多謝你
我會快啲好返㗎啦
希望到我剝嘅時候都唔腫唔痛
智慧齒唔使，係前排隻牙歪左，唔知使唔使剝，剝左就有個空位
請問佢收幾錢啊？
溫馨提示，唔好貪平搵普通牙醫剝打橫生嘅智慧齒
佢哋唔多經驗做呢啲，落嘅麻醉藥份量同平時好唔同㗎，唔識得預份量，你係會feel到成個手術過程痛到 gg
同埋打橫生嘅智慧齒係好近面部嗰兩條神經線，唔小心切斷左，以後成塊面就會痙攣
細個嘅自身經歷，但係好好彩我冇事
1個讚
學術上2講句，普通牙醫都成日會剝打橫生嘅智慧齒。
落嘅麻醉藥份量唔會唔識得預份量，佢地讀書有教，亦有實習，畢業試都要考，如脫牙時痛要舉手通知醫生叫加藥，但有d病人會將feel 到脫牙個力叫「痛」，仲有d都未脫，掂下就叫好痛都遇過，呢d似驚多過痛。
打橫生嘅智慧齒係近面神經線，照x光會見到，近神經線要搵專科脫，但真係未聽過會唔小心切斷左，現實我有見到脫牙時輕微掂到，病人面部感覺受影響，好似麻醉藥未過咁，一般約6個月回復正常。
脫牙後有無腫，視乎脫牙時有無’車’過d牙骨。
脫牙後請多用暖鹽水漱口。
佢最尾嗰段有寫如果拉扯到嗰兩條條神經線，重則可導致永久性損害
至於麻醉藥，我記得嗰陣係一路做一路痛到癲，眼淚係忍唔到，整濕晒遮蓋我塊面張紙
牙醫仲問好痛咩？定係你驚ja?
我話，我 feel到你每一下落刀，每一下聯針
佢先話無可能，再加麻醉藥，先唔痛。
我媽之後都好內疚。佢帶我去另一個牙醫 follow up 傷口，我地先知有專科，個牙醫話普通牙醫唔應該接，太大風險。專科嘅存在係因為人地真係 well trained 做呢d case。
所以如果智慧齒橫生，真係唔好去普通街坊牙醫。
1個讚
無追哂post, 唔知樓主解決咗未，我之前上面隻智慧牙都係打橫生，蛀埋勁痛，以為係其他大牙蛀咗，去咗由我老公細細個就睇開嘅牙醫，其實我老爺奶奶全家都係睇佢，老牙醫，睇完先知原來菲律賓讀牙醫係好出名
，第一次去都驚驚哋，因為佢診所係喺旺角唐樓，對面單位係一樓一嚟，奶奶仲問洗唔洗陪我去
由於我老爺奶奶同老公都算大客仔（種牙加上識咗幾十年），收平咗我少少，兩隻大牙杜牙根，包牙套，收咗$72000，前後搞咗一個月，本身我係十級驚睇牙醫（細個蛀牙啲牙醫唔落麻醉補牙實在太大心理陰影）亦無諗住剝牙，check完老牙醫講解咗杜牙根啲細節，然後佢見到兩隻智慧齒話順手剝埋佢啦，反正遲早都蛀，唔洗另外加錢
老牙醫手勢好好，同埋勁快手，反而係杜牙根時有幾下係有啲痛，但忍到嘅唔係大痛，剝牙時我個心都未準備好已經打咗麻煩針，再浪口瞓低就剝，每隻都30秒內（我知好痴線但真係勁快手），剝完睇返隻牙先睇到原來蛀哂所以勁痛
最後我keep咗隻爛牙，警戒我個仔唔好好保護牙齒就會蛀牙好Q痛
$72000
好貴啊
好似專科都唔駛咁貴
？
1個讚
陰公
1個讚
16歲剝左3隻智慧齒加一隻多生齒
未生出黎已經剝左 （係牙肉入面）
因為箍左牙 唔可以比d智慧齒生出黎整亂棚牙
2隻打橫生 另外一隻痴住隻多生齒
醫生建議愈早解決愈好
因為人愈大、 智慧齒牙根愈長
愈貼神經線愈難剝
打左9枝麻醉針（一盤針） （每個位3枝）
我個陣見到一盤針 都係硬住頭皮訓上張床
但醫生手勢ok唔算痛 （速度好快）
醫生又鋸開形肉又撬又劈開d牙一半
前後9個字出番黎
食雪糕 成個雪糕都係血
麻醉過左都唔算痛
廿幾歲再剝埋剩低個隻
因為下面隻智慧齒已經剝左
搞到剩低上面個隻愈生愈長
成日牙肉腫痛
今次係普通醫生剝
手勢麻麻、 打枝針都痛過人
1個讚
咁我又無格過價，杜兩隻牙加牙套加剝兩隻智慧齒應該都差唔多啩
嗰次之後我變到好忍得痛
急速成長
見有留言 share 每邊打左3枝麻醉針，我而家咁多年後先知到底發生過什麼事
1個讚
永久性損害，其實好少，但風險一定有。
牙醫仲問好痛咩？定係你驚ja?-------通常都會咁問，同埋係經常發生，驚都叫痛，真係摸到塊面就叫好痛呀，救命呀都見過。
不過我自已都試過脫牙唔夠麻醉藥，個牙醫仲笑我咁快吸收曬？我記得佢切果下我feel到，我叫加藥，到聯針果下又要補藥，脫完即餵我食止痛藥 
。
不過下一個醫生肯跟進傷口，好少見，一般都叫回舊診所，唔會接呢d case。
專科，一般處理高難道脫牙，智慧齒好近神經就會轉介專科，佢地仲會做切骨( Orthognathic surgery)手術。
去專科脫智慧齒橫生，講緊成皮野 。