我一直都無linkedIn 係因為我既事業唔好, 唔想俾人知做左幾十年都係咁 junior, 而身邊熟與唔熟甚至之前junior 過我好多既都升晒, 只有我毫無進展. 自問有努力工作, handle過唔少大projects, 亦都有繼續進修, 但我知道自己唔係好識做人, 同上司關係一般 (尤其女上司, 但無奈我既工種係女人多過男人), 所以好多年都無得升. 而最令我失望係跟左一個女上司幾年, 佢話佢都升唔到, 所以幫唔到我, 之後佢去左另一間公司, 我轉過另一份工再跟返佢, 跟左幾年, 有次問佢升職問題, 佢竟然發爛話因為我唔擦佢鞋所以唔會有得升, 個下真係覺得自己發雞盲, 竟然咁多年都睇唔出個上司係個乜野人, 浪費時間跟佢… 唔好意思離題, 但對於我呢D職場失意者, linkedIn 就好似放張自己都唔想面對既職場成績表俾全世界去點評, 會難受.
3個讚
又可以理解為如果入唔到呢類大學, 佢地連去到呢個level收入都未必有, 不過亦唔排除讀書唔叻馬死落地行, 反而創出一片天地
1個讚
呢D就係命
1個讚
真人真事,
有人兩年升幾次, 都係會頂撞上司嘅人,
唔講有冇能力, 移民潮佢間公司都走左好多人, 唔升佢唔得,
呢D就係一命二運, 自問冇呢個命水遇到天時地行人和, 就唔好係公司打橫行, 山水有相逢
5個讚
我覺得我小朋友冇名校命. 佢自PN起讀IS, 兩間都唔係名校(我冇帶佢考). 而家連考到都唔去讀
1個讚
我意思係投胎已經係一種命, 父母有得揀帶佢去另一國度, 成個生活模式都同香港唔一樣
2個讚
聽過一個前輩講, 打場仗+文革可以令富豪一Q清袋, 唯一清唔到佢袋嘅就只有知識, 去到合適嘅土壤, 佢就可以東山再起, 雖然亦講際遇
3個讚
其實玩得linkedin嘅人都係事業有返咁上下,
好多人平平無奇打份工, 唔會放上網,
所以先有個錯覺, 覺得人人好似好好際遇咁。
你而家唔駛跟前上司, 已經係好開始
3個讚
就係老生常談道理，賊人可以偷走你錢財，歲月可以偷走容貌，唯獨知識唔會被偷走。
同埋讀書減少畀人呃。
3個讚
所以有話猶太人非常重教育係因為佢哋以前流離失所. 錢呀物業呀隨時一鋪清袋，惟有知識係拎唔走。
3個讚
論讀書論知識, 家長應該做的係自小協助培養良好習慣同學習興趣, 而唔係亞洲式催谷.
好多香港同大陸家長每日功課每次測默都跟到足, 一次都唔敢鬆懈, 唔容許失敗. 甚至跟到中學都仲繼續, 好似一放手就會讀唔成書咁.
所有家長都明白唔係人人讀書叻, 但冇人願意接受讀唔成書係自己嗰個. 所以唔願放手, 盡做希望有大學收佢.
坦白講, 上到中學仍然要家長叫做功課讀書, 甚至同佢溫書的人, 讀書叻極有限(但唔等於事業差).
3個讚
追求知識唔同追求成績，前者係要有好奇心，要觀察，要發問要思考要謙遜等等
你攞起一份報紙，聽人講一句嘢，觀察途人一個小動作，行一趟公園都係學習嘅一部分
1個讚
跟到中學，咁個細路叻極有限
我平時見啲九成十優嘅訪問都話係自己讀書，屋企人唔點理
1個讚
有錢人同窮人細路讀書目的唔一樣. 一個係為識人打關係, 一個係為脫貧.
其實我覺得D家長好奇怪, 放咁多心力去小朋友度, 點解當初唔放多D心力俾自己向上?
6個讚
係呀,我有D舊同學佢地自己都讀唔成書,當年無心向學,但係又會迫自己個仔女要考得好 
同埋佢地都係得30+,與其望子成龍,不如自己而家發奮下先啦
3個讚
因為大人已經唔想努力，想培訓小朋友叻d賺錢養家
3個讚
己所不欲 must 施於人丫嘛，其實小朋友識睇會諗點解要咁做，點解要咁過人生，我細個老豆老母叫我做啲乜，如果佢自己都做唔到，我都會覺得唔使聽佢up
4個讚
我公司d做事馬虎common sense都唔係好得的後生妹妹都有玩, 做事ok過佢地反而無
1個讚
我認為父母想仔女唔好repeat自己條路係無可厚非，但父母應該同子女一齊成長一齊學習
1個讚
你咁醒既、我哋只會被話成身在福中不知福、佢有咁既機會會飛了
1個讚