咁真心：settle well極都唔會去得返19年/14年前嘅香港，如果咁計就永遠唔係settle well，我個心永遠有個大缺失
不過我覺得唔需要咁比較，逆境波有逆境波嘅打法
我之前有講過
可能呢度比較合自己
又或者可能係因為香港搬左舊錢過嚟settle啦
1個讚
我就一半半，未到好適合自己，不過現階段係舒適嘅
1個讚
點都舒適過而家香港生理同心理都…
3個讚
未發生就係會諗咁多架啦。人有我有係一個原因，因為小朋友都係原因，都係一句啫。兩個原因唔係唔可以並存。你覺得佢地生活習慣玩多，冇負屋企責任， 諗自己多過小朋友?可能佢地去到一樣咁enjoy一樣玩得咁開心呢。
真係唔好意思，因為對方大人都成日上網，我唔知佢地有無睇依度，我唔想比佢們知我為左佢地咁煩惱。
其實我初頭都唔打算講我同佢地嘅關系，因為我想吸收下大家嘅所見所聞，想知唔同人唔同嘅反應和適應。因如我開始已講對方係little pinky嘅話，大家比我個答案就未必相同。只不過樓上有朋友問「人地嘅野關你咩事」，我唯有輕輕帶出其實都有少少關我事。
我明白大家所講嘅「你都做唔到任何野」。係啱嘅，我的確晌而家做唔到任何野，但我都想聽多d大家嘅見聞,嘗試同長老講，佢地要好好保護下自己，唔好比人良心當狗肺。而且我都有提過，事情如果發展不順利，有可能都要我出手幫少少。我想聽大家嘅唔同嘅例子，去分析去預備。樓上又有朋友講過「杞人憂天」，其實佢又有少少啱，不過正正過去好多野turn out都要我幫手，而樓上有朋友睇出我係要去睇醫生嘅，我自己係好需要一段時間和心理上嘅準備去做一d唔應該係我責任但我又要去幫嘅事。
唔好意見，我好似又講到一舊舊，望見諒。
謝謝回覆。
我當然想佢地開心enjoy,但佢地平時晌香港嘅玩樂態度，令我擔心最後會要家人善後。
不如咁講，晌香港，「住」係用最多錢嘅part, 兩公婆在港都有返工，而「住」佢地從來唔需要比錢。咁其實應該儲到唔少錢，有志向嘅，十幾年黎應該儲到首期買樓，但佢地無。
而我有一個朋友，一個月萬幾家用，但屋租水電煤唔駛佢比，只用晌小朋友、姐姐（包括姐姐人工）和日常用品上，其實如果我朋友正常咁用，係完全儲唔到錢，但我朋友都好慳，咁多年儲落嘅錢多過有工返果兩公婆。
大家都知英國人工比香港少一節，到時錢有可能少一半，又無姐姐用，又無功課補習班比小朋友，小朋友功課唔識點算？又要長老教？定係兩公婆又大鬧小朋友無腦去死？
我就係睇到佢地平時嘅生活處事態度，去外國一定有適應難度（我主觀認為），但我又見到依度唔少朋友都難適應，但為左小朋友和其它因素，佢地會去捱，我好respect。但如果佢地唔係主要為左小朋友，又唔係因為環境因素,只不過想人有我有，想威威。人地去外地可能係靠自己，但佢地都有大部份靠長老，我真係唔知佢地究竟有無研究過晌英國生活真真正正要適應嘅問題。
謝謝你。
英國學校無香港咁大功課壓力，如果唔係想谷小朋友讀名校，唔會發生上述問題。
唔洗幫佢地諗咁多藉口，唔洗諗其他朋友點點點，洗乜你咁多事咁多心諗咁多，佢係洗老人家錢，吹咩，佢做真小人。
不過你係偽君子，把口講擔心小朋友乜乜乜，擔心最後要家人善後，擔心長老點點點，全部都係偽名題。
其實心果句係『嘟你老嘟，依個咁既親人有咩唔掂就搵長老，長老搞唔掂就搞著我。無錢又廢啃老垃圾一家，無能力學人地人有我有，睇死最後咪又係死返黎靠我。』
5個讚
謝謝回覆。
我不太明白為什麼你認為我是偽君子呢？請指教。
十幾年黎，人地有事就識搵我，無事就電話都無個，但佢地有野要我幫，我次次都幫，因為主要係佢地個小朋友。我從未唔覺我好偉大，我只係做我覺得應做嘅事。
我著緊佢地小朋友，但唔等於我唔理我小朋友，我都有小朋友，我都同一時間著緊我小朋友和家人就唔啱？我唔明。點解我唔可以愛我自己，愛我小朋友，愛我父母，又同時去愛我想去愛或值得愛嘅人？
要做到真君子，係未要因我好著緊人地個小朋友，所以明知會影晌到長老同我一家人，我就只能為人地個小朋友而犧牲我身邊嘅人？
謝謝你。
我講既小朋友係講打算移民果個家庭既小朋友。
你本身小朋友果d無見你提過，無啦啦我點會講佢呢。
黎黎去去你煩既都係擔心佢地搞唔掂返黎又係搞著你，無論錢，心血付出??
結左婚就兩家人，邊d人排先邊d人排後自己衡量。
2個讚
香港人就係咁樣睇做有志向
都係果句啦，大家成年人
呢個世界仲有好多嘢值得關心
有時或者唔係咁呢
既然阻止唔到，咪let it go 囉
人地嘅仔女亦控制唔到，佢問到咪比啲意見囉
某年某兄弟姐妹話有個機會，問我老公借錢，感覺有伏唔借，叫佢自己攪
最後幾年咸水海咗，但有時啲嘢，你feel到我feel到，伏味。但當時人覺得機會＞危機，就算另一半，唔係傾家蕩產，都要自己瀨嘢先會醒，或者瀨完都覺得自己唔係瀨架
1個讚
咁你自己呢？點解又唔學識保護自己？
佢哋出發前就好講明咁大個人自己負責，到時回流就自己計好數，長老幫唔幫手一件事，唔好要你去承擔，你自己都有家庭都有小朋友，佢生個仔出嚟自己負責，就係咁簡單。如果你做唔到咁狠心，次次有人幫佢執屎，嗰對父母會成長咩？寵成佢哋咁，你父母同你都有責任。
瀨完有人幫手執手尾未必會醒，好似有人爭卡數，屋企會幫佢還嘅，佢鬼知自己大使。最簡單直接，Cut 水喉，樓主又做唔出，又話同人哋小朋友都有感情剩，唔止移民嗰家人、長老鬧唔醒，佢自己都唔醒，呢d 人繼續聽佢呻都覺得佢煩。
2個讚
你也可以先小人
你講句你都有小朋友，有咩事幫唔到，你都手頭緊，唔好心軟，無人逼到你去提款。
至於佢地洗晒老人家錢，老人家要你揹晒，當報答老人家養育之恩等佢地過埋人生最後旅程，都無謂追究如果唔係邊個邊個老人家有錢就唔搞到自己。
因為無此親戚也有機會老人家炒樓炒股賭錢被騙無晒錢，你盡左孝就得。如果你覺得俾既家用是貼人唔抵既，咪開聲話自己壓力太大俾唔到咁多。
有時煩惱都因呈強，你一直唔表達自己困難，人地唔會覺得你辛苦。有時人地可咁慷慨敗家仔都可能是有責任感既其他子女縱成。有些人是愚孝，有些是要面子，怕一唔幫被人唱。但其實你覺得佢地不仁，你何需有義？
反而成日強調自己無錢扮弱勢既親戚長老又心甘情願幫佢。有些事你唔出聲人地當你無野當你接受同支持。勇地講出來佢地敗晒老人家錢，你無力維持長老舒適生活，只會叫佢地搵社工同政府。
分析得好好！
識人可以瀨完仲覺得對方真朋友
人地有拖無欠，或者對方都有苦衷之類
咁…由佢
有咁嘅諗法都好正常啦，樓主既擔心自己第時被人搞著，又擔心小朋友，兩者都擔心，唔得嘅？咁就要叫偽君子？！
同埋，佢都話擔心對方有上網睇到，一定會修飾下詞彙，我明喎～～
我會用偽君子既原因係，佢用d偽命題等睇落好似係以關心為出發點，其實講到尾都係驚搞到自己。
如果佢一開始係話，
啃老親抱住人有我有心態想移民英國，明明o係香港對小朋友又唔係好，兩公婆返工又請到工人仲好多野要靠屋企。
個老人家又聽佢老點，錢財上又靠我，無計啦，偏心丫嘛，果一家人有咩事就搞著我。
依d垃圾學咩人移民。
我一定like佢