可能我講得比較直接，其實你擔心影響到自己，多過擔心佢小朋友
既然你左右唔到佢移英決定，不如同佢攤開講你唔想受影響/牽連，你條底線係邊，比佢知道佢得到幫助嘅程度，咁咪仲實際
8個讚
謝謝你嘅直接。我當然都會擔心影晌到我自己，我唔會否認，因我自己都有小朋友，我都要考慮埋我小朋友。佢小朋友我都擔心，因小朋友在香港讀書好大壓力，試過喊到崩潰話想死。我唔想見到小朋友去英國後一陣又回港，到時仲大壓力。
又唔想同佢傾，又阻止唔到長老供佢哋走，其實話事權唔喺你到，佢個結局好與壞你都控制唔到。
人哋小朋友關你咩事？
1個讚
你講得無錯，話事權唔晌我度。所以我想聽大家多d意見，touchwood到時有咩事，我唔幫佢地，都要幫我家人。
嗯…不如咁講，人地小朋友的確唔係我生，但都有感情。小朋友唔係外人，唔係無關痛養嘅人，你可能會覺得我多事，但我想聽多d大家意見，有咩野上黎，我都可以幫到小朋友，幫到我家人。謝謝。
如果佢係藍c又無乜錢嘅，咁希望佢快啲回流。你開呢個topic好怪，移民梗係個個都唔同㗎啦，人哋適應到又唔等於你識嗰家人適應到，你咁問無意思㗎喎
2個讚
可能我有d詞不達意，真係唔好意思
正正因為那家人在香港唔憂米，雖然唔算有錢，但夠吃喝玩樂。但一去到英國，可能人工已經無左一半，又無得任意去吃喝玩樂去打卡，我主觀會覺得個大人會唔慣。當初佢地話係為左小朋友，咁我諗，為左小朋友，做父母嘅總會捱過去；但原來小朋友只係藉口，咁個「捱」嘅動力就會少左。（唔好意思，我為人父母，我會為左我小朋友去涯，我知道未必個個父母都會咁諗。）我就係明白個個人唔同，適應力都會唔同，所以想聽下多d大家嘅意見和見閒。可能我都係諗太多，擔心人地太多鑽左牛角尖，多謝比意見我嘅大家。
幫你家人d 咩呢？
你唔想同移民嘅大人傾，咪同留港嘅家人傾，佢哋第日有咩事點安排囉，雖然我唔知人哋回流又關咩事？因為錢？
你由佢囉，如果佢唔係問你借，或者迫你一齊去
兄弟姐妹卦
都係果句，講到就講，有時忠言逆耳
自己唔踩過都唔知痛
言詞間感覺你同移民家人都唔熟，或因為感情問題無乜兩句啦，人哋點解移民、咩心態都係聽你家人講，你自己率先已覺得人哋唔慣，唔想捱。
其實做得父母都係成人啦，就算佢人走我走，都要為自己、自己家庭負責，使咩你外人操心。你擔心佢小朋友都好，都唔到你出聲，除非父母好仆街㗎啫，如果唔係走與留，佢無理由唔考慮埋小朋友。
如果係需要你家人support，除非家人聽你講㗎啫，如果唔係你都無say，唯一可以做嘅就係管好自己嘅錢，講明唔會經濟支持移民一家。我又諗唔到，佢哋走對你有咩影響？
3個讚
其實又唔算唔熟，但又唔係成日見，但見親或聽到（由佢地小朋友、佢地傭人姐姐、甚至佢本人講）都會知佢係咩人。
你講得好啱，我點擔心小朋友都好，都唔到我出聽，正正因為咁，我好痛心（我知自己犯賤）。你話除非父母好x街，講真x唔x街好主觀。佢地平時唔多教小朋友，一放工就主要自己休息，家務有姐姐做。到小朋友學業開始追唔上，佢地要煩心幫小朋友溫書時，就大鬧小朋友，叫小朋友去死！
你又提到佢地走對我有什麼影晌，其實唔多唔少係有。因為人地咩都要有佢地份，仲要大大份又唔感恩，覺得佢地應得。但家人責任佢地又唔會幫手，只識攞著數，我作為子女，家人有問題唔通唔幫，變相野有份我做，福就佢地享。長老知發生咩事，但為左小朋友，佢地都唔想話唔幫佢地。
原來錢作怪
1個讚
除左錢，當然還有責任。過去十幾年，家人責任我負，著數就佢地攞。佢地有小朋友，有自己野忙，我明，但我都有小朋友，我都有我嘅野忙，既然大家都有自己嘅家庭，點解責任就要expect係我？
我都有寫：佢地都要我幫忙，雖然唔係咩大錢，但精神時間我都要付出。平時一個電話都唔會打黎，次次打黎就係有野要我幫。都係果句，為小朋友，我一定幫，但到時有咩事影晌到家人，又要我幫手（唔通我唔幫我家人），但佢地就unun腳。Sorry我講到一舊舊，望見諒
我估你同你口中嘅人關係：
叔仔/姑仔/自己兄弟姊妹。
如果係叔仔/姑仔，你只可以通過你老公出聲來表達自己嘅立場。
如果係自己兄弟姊妹，就直接話自己嘅責任去到邊，不過有時事先聲明都冇咩用。
可能你擔心佢哋移民，需要長老資助，日後可能造成你經濟上嘅負擔。
5個讚
係喇，聽落似係父母金錢上資助仔女移民，樓主係其他兄弟姊妹，覺得錢又俾佢地，但第日留港出力有咩事既又係自己。
其實如果父母要資助咁你都冇辦法，或者可能佢地對你第日都會咁分配財產。
至於講出力，真係要比較咁係唔公平架喇，但世界冇咩絕對公平。重點係人地移民你都控制唔到，而家愁都冇用，第日真係發生好不忿既嘢就再執生囉。
7個讚
我覺得你已經比佢影響左
佢令你擔心左啲你本來就唔洗擔心既野
唔好再理佢，佢都係大人，為自己為子女負責
你可以係到同大家傾下，當8掛，但唔好上心
人地衰左唔代表你會衰
你吸取人地既經驗，自己留意就得
預祝你將來係英國生活開心順利
謝謝你意見。
錢，我已經睇化左，長輩比邊個就邊個，唔到我話事。我最煩心嘅係到時果家人有咩事，有咩要幫，就會要我家人去幫（sorry原來我無提過，我家人都在外國），但要人幫又奉旨咁，比氣我家人受。我自認我都考順
，我都為我家人煩心，如到時有咩，又可能我都要幫手埋一份。
謝謝你的了解和體諒。
對，我真係比佢地影晌左，明明應該唔關我事，但偏偏我就掛心佢地小朋友同我家人。我真係要嘗試你咁講，唔好太上心，我會試下。謝謝你關心
1個讚