係呀，精神科醫生一向少，而家話唔定再少幾個
真係要拿刀斬人先有機會報警送入青山醫治，但一般一個月後穩定又送返出來。好靠家人係屋企睇住
而且以前可能d人重忍到，而家個社會咁高壓
又成日輸入埋咁多唔知乜人
火山爆發係遲早嘅事
1個讚
佢追住個男人春袋嚟揸,算唔算非禮?
唔少留言話呢個阿姐好麻煩
有時d人買餸行過都比佢鬧
政府精神科覆診好流，根本只係去攞藥。
我經常陪家人去覆診，有heart 嗰啲醫生走左幾個，轉新醫生就入房兩分鐘，只係問你隻藥岩唔岩食？下次覆診係幾時，依家開幾多藥俾你，啲藥點樣食！好啦，下次覆診見，拜拜！
一句虛寒問暖都無，對比之下，之前個醫生來來去去都關心嗰幾句，原來都已經好有heart。
咁樣見醫生又點會醫得好。
大家出街自求多福，病人肯覆診又未必肯食藥。
5個讚
一念無明睇醫生嗰part描繪得好好
差唔多咁樣，無互動ga，醫生喺房稱呼左病人一句就自己顧自己講嘢，佢單方面俾資訊俾你就next，你可以走得。
1個讚
多數係拎刀斬屋企人，屋企人報警，先可以送入例如葵涌醫院住一排
早 1x年屋企人試過，入面 d姑娘幾好。住完係精神正常同平靜左，因為定時有 training運動做。
唔斬人冇人理
無發生大單野，係無人會care病人有冇好轉，只要佢對社會無傷害就得。
我家人最後減藥，之後好返都係靠自己。
社會上好多計時炸彈
嗰兩個女仔遇上咁凶狠真係死得好慘
1個讚
希望佢哋安息
我今日返工，見到男人行埋啲都有啲驚
打９９９一定做到。
我相信個一刻個女仔一定都好想有人幫，無人幫個吓會好無助，唯有硬住去頂。（不過明白個一刻路人甲乙丙都唔會走埋去啲咁危險嘅環境，唔係個個都好似拎住兩張櫈嗰男人咁勇唔顧自己生命)
其實唔一定自己要發生類似斬人事件，有時平時發生一啲事需要人幫而無人幫個個都自顧自己就會有我呢種想法。
4個讚
糾正返：阿家超係有發言嘅：
兩位死者都係住龍尾村
2個讚
呢單未必幫到，有啲可能可以幫到，例如虐兒。有時係街見啲細路有啲唔妥，應該出聲
自從霖霖單案，我多左留意街邊啲細路
有次見個一二年級細路係街行來行去，我帶佢返去學校揾老師
8個讚
我屋企人去左老人院。
就算係家人都會怕同未必識 /有時間照顧
Next man up UK - news and more
Link: 殺人必定係錯，不論佢有冇精神病。但患上精神病，呢件事... - Next Man Up HK - News and more | Facebook
殺人必定係錯，不論佢有冇精神病。但患上精神病，呢件事必然唔係佢嘅錯，不論佢有冇失控行兇。簡單嘅道理，依然要分清楚記清楚。
所以兇手必定會受到法律制裁。即使佢被判入嘅係小欖而非赤柱，但咁不代表佢所受嘅代價比其他人少，只係佢需要去一個最幫到佢改過，最能減少案件重演嘅地方。
風頭火勢中，呢一刻大家會義憤會恐懼好正常，但聽日大家一樣要諗，點樣幫助社會上有需要嘅人。患病絕非患者嘅錯，佢地所受嘅煎熬遠非我地一般人所能想像，佢地既然存在係呢個社會，我地要做嘅就係對弱勢無援者伸出援手，建立一個包容接納，鼓勵佢地求助嘅社會氛圍。
根據外國大型研究（可惜香港本地缺乏相關謀殺案大型數據），九成謀殺案並非由精神病患犯下。的確，小部份未得到足夠醫治或協助嘅病人可能會犯下罪行，但就算冇病嘅人一樣可以作惡，係香港屢見不鮮。既然如此，我地更加冇原因排斥抗拒同污名化精神病人。
反之，好多人忽略嘅，係精神病患面對嘅艱鉅生活，面對他人不理解不接納嘅慘況。另一研究顯示，精神病患淪為兇殺案受害人嘅風險，比其他人高出五倍。再者，絕大部份自殺離世者，都係精神病患。
患者需要嘅，係支持、理解、同協助；而唔係歧視、排拆、同抗拒。城巿傷痛處處，希望今日過後，我地繼續努力令香港變成一個更美好嘅地方。
資料來源:
Crump et al. 2013 (DOI: 10.1136/bmj.f557)
Flynn et al. 2020 (DOI: 10.1192/bjp.2020.94)
1個讚
呢段同講廢話無咩分別，如果死嘅係筆者親人，佢會唔會一樣咁講？
1個讚
真係睇人，如果行兇者真係無行為控制能力，而我係受害者/受害者家屬，我會原諒行兇者，真係意外，好似冧樹/山泥傾瀉，只不過今次係用刀桶人咁解
長髮女本身可以走，但返轉頭救朋友，好令人動容，願安息。
4個讚
唔通見過D唔應該見既野? 估架詐
係用所有資源保障少數人安全。
1個讚