一樣，奶奶佢地又係丟空10-20年，佢地唔想租，怕攪珧手間屋殘晒！又覺得租金得咁少，管理話話好平喎！所以寧願丟空，其實無人住殘得仲快！當每扣管理費租$1000，20年都20幾萬！
同我媽CASE一樣，俾定心理準備佢啦，
當時唔係疫情，親戚隔兩日幫佢撳定錢，我媽一個月去一次搬錢，期間銀行話UPGRADE系統，密碼無效，要我媽返去一轉密碼又要認過回鄉卡，咁岩果時換左個新證，又要去唔知咩地方做個證明張舊卡轉左新卡，跟住先俾你改密碼，但都要等兩日先俾提款。
依期回鄉卡好多過左期未換，雖然話全部延期，但銀行唔跟你都無符，唔好諗住行埋去就拎到錢，一定有手續要辦。
同意，不過如果可以一筆過移民時搬過去又真係唔洗留條手尾跟既。
唔知樓主99幾多歲，仲要個名仲係62既，有好多手續要搞呀。
大吉利是，諗到最WORST，99在UK有任何不測，所有英文文件都要翻譯中文先辦到事，用多好多時間同手續。
唔好搏，比人當洗黑錢就煩。而家銀行可以因為賣樓，成筆數過香港戶口。國內物業唔係短時間可以放售搞掂手續，移民唔好等。睇吓有無可信嘅人，交比人處理。
1個讚
升就係咋？
我奶奶大約70-72歲左右，間屋係同老爺聯名，但問過都要做繼承，其實唔可以我先生直接繼承，方便上去做文件，我同我先生講，不如先試下放盤，真係有買家先再繼承，因為繼承要幾萬，如果做完，真係賣唔到，touchwood 奶奶有乜事，又要花幾萬再繼承。
長遠計，拎得出繼承既費用，依家快快手手做晒繼承手續去左你老公名會好D。
只係假設你老公係獨子無兄弟姊妹都有遺產繼承權。
雖然依家72唔係好老，不過身體既野好難講，去到賣得出時唔知咩境況。
其二，轉晒去老公名，賣得出時佢自己去中國辦手續就得，唔洗一定要同埋奶奶一齊去舟車勞頓。
大劣D手續唔係律師幫你辦到，又要親身去又盛好麻煩。
我老公還有細佬，佢5月尾自己先過去英國，但唔奶奶唔可以安排只係我老公繼承？
老爺果半份係由配偶，子女繼承，即係你奶奶 老公 叔仔都有份，無可能OVERRIDE左佢喎。
搵個有中國牌既律師問下點處理，就算叔仔放棄繼承都要黑紙白字放棄，唔係就咁口講。
如果D錢唔關你事(即係你無出過無份供)，你做新抱都係唔好俾咁多意見喇，又唔係自己資產，搞到好似指使你老公食左叔仔果份咁。
1個讚
我老爺奶奶之前就係想螞蟻搬家返香港，但佢哋好怕事，成日驚銀行會覺得係洗黑錢，宜家仲未搞但我做身抱唔好意思講咁多。
怕銀行覺得佢地洗黑錢，但又唔怕銀行無錢提 
蛆國既錢o係自己袋先係自己的
其實如果依正法例買賣房屋嘅，係可以依正常途徑將資金滙出大陸。我識幾個人都好順利，有一個係啱啱今年三月，仲要係8位數字中。
要俾手續費
銀行手續費唔會太多掛。
每次上去搬幾萬現金，又有被偷/被搶/遺失嘅風險，返香港又要去銀行入數，仲要限制每人入數額兼張數。
如果可以依合法途徑匯入香港，我一定做。其實每次去大陸，交通/時間都係成本。
只能以我阿媽做例子，賣左53萬人仔，去銀行做匯款要佢老人家10%。
幾萬蚊可能做生意既睇落係少數目，不過對老人家供完樓食左一份就好似咬佢舊肉咁。
交通時間成本對後生返工既就係，對鐘意做下鐘意休息下既老人家就無乜所謂。
我地都有勸過不如一筆過俾錢匯左落黎唔洗上上落落，但親戚話唔抵，又肯幫佢拎定錢出黎，一向都會車出車入既。
疫情前搬過兩三次，親戚黎既時候又有幫佢拎d，依家淨設幾萬咋。
人家幫手既人情，拎住d錢既風險無數計，如果計返上落車費既話，都唔洗5k。
1個讚
如果係舊錢唔多，又要收10%手續費，可能都係螞蟻搬家咁會慳咗。但風險計唔到。
其實，唔係食咗佢！係想快啲攪掂可以快啲移民，係同奶奶一齊過，細佬都直接過英國，佢地其實係唔想再返來攪，但依家物業係奶奶同老爺聯名，即老爺嗰份都要2個仔去分，唔係奶奶已經可以話事？
我有提醒過佢哋但我角色廢事再講太多。畢竟錢都唔係我既，費事講左唔鐘意聽仲尷尬。
你個case同我屋企好似，都係父母共同擁有物業
層樓你奶奶本身就有半個名向度，即係遺產部分只有你老爺一半層樓，呢半層樓係由你奶奶同子女共同繼承，即係你奶奶半身有1/2業權+1/6遺產，你老公同佢細佬就各1/6
如果唔想繼承遺產，可以搵律師做一份放棄繼承遺產聲明，如果你想你老公一個人繼承，就你奶奶同細佬做不繼承聲明，咁最後就會由你老公拎晒遺產果1/2業權
但仲要處理你奶奶果1/2業權，因為唔關遺產事，呢度要額外再轉名比你老公，最後先由你老公一個人擁有全部業權
我屋企比較簡單，我哋仔女全部放棄繼承，遺產果一半直接由我爸爸嘅老婆繼承，咁佢就自己擁有全部業權，之後要賣樓就佢自己一個人簽名就得
2個讚
我明你唔係
不過去到夫家財產時唔好俾咁多意見會好d，
人心隔肚皮，唔知人會點諗。
當程序係要咁佢地唔想返黎一係就放棄當無左，去到奶奶都百年之後先一次過搞。
依家蛆國政策係咁改，到時可能要搞仲耐。
係呀，老爺在生時奶奶都只有一半業權，老爺既業權唔會死左就自動俾晒奶奶。
我唔知中國有無長命契，如果係長命契先會自動過。
奶奶既果一半當然可以自己話事，因為佢仲在生丫嘛。
如果係等果筆錢先移到民既就一定要搞啦，如果唔係就去左settle down先，2025年5月就會review bno visa，到時都唔知仲會唔會有bno visa了
無錯，講過提過就算，廢事以為謀佢d身家。
兄弟姊妹都係父母o係度就一家人，父母走左就兩房人，之前依度都有網友分享遺產分配煩惱。