我未呀
會唔會唔歡迎我
但我見好多sen小朋友 而家社會環境又唔好
無意欲想生
非常歡迎
未生真係唔好生
我想請教吓，津貼小一收生，係咪唔駛理校網，邊間都報得? 同埋係咪都有面試㗎??
感激
第一階段自行收生，冇分區，可任選
想請教，我女而家小一，有輕微讀寫障礙，她好抗拒睇書。其實我而家同佢一齊睇書，應該書面語照讀一次，之後有需要時先用囗語解釋，定其實純囗語講故事，提高興趣呢？
小一既寫作要求係完整既四素句，我覺得興趣為先好啲，咁細個既小朋友抗拒睇書都常見，因為太多唔識既生字，通常講故事我見小朋友都聽得好入神 
多啲係日常生活示範四素句，例如「夜晚，媽媽係廚房裏面煮飯」
讀寫障礙我個人用緊圖像法幫小朋友記，例如「高興」既興就好似雙手捧住上面蛋糕咁～我見小朋友長大，輕微既讀寫往往可以透過唔同方法改善，反而佢哋會因為默書考試成績唔好而失去信心，家長要比多啲鼓勵
想問下老師，對於粵教中學校但課本用普教中教授，對學習中文有無影響? 另外，對於有學校放棄使用課本，改用圖書繪本形式教授中文，老師有咩睇法?
點樣教小三搵到段落的中心句，因為我都唔識，都唔知點教
據我觀察，普教中課本同粵教中課本嘅分別係課文上面會有拼音標示，如果照用粵語教中文應該係冇影響，因為內容係完全一樣。反而要留意一下書附帶嘅光碟（有啲有有啲冇）會唔會課文錄音係普通話，如果係嘅話我建議家長可以選用同一個版本粵語教中文嘅課本。
至於繪本教學的確比較能引起學生興趣，我學校嘅做法係每個學期加入一次繪本教學，繪本比較能引起學生興趣，我學校嘅做法係每個學期加入一次繪本教學，但係完全取代教科書感覺上會影響分段、主旨、段旨、語基既教學，因為繪本比較少呢方面嘅知識
1個讚
呢個有排講 
通常係一個段落嘅開頭/結尾/重複嘅關鍵字詞，中心句往往同嗰一段嘅段落大意有關
例如呢一段中心句就係開頭：
我愛小草，深深佩服它堅忍不懈的鬥志。 哪怕是在荒蕪的土地上，或是懸崖亂石的隙縫間，你都可以發現小草的蹤影。它不要求人們像呵護嬌花般對它施肥灌溉，只要一點水分、一片泥土、一絲陽光，小草就能茁壯成長。
文章取自（唔係賣廣告！）：
http://pl.popularworldhk.com/file/file/public/JumpStart_Publishers/JS_Read/JS_C_ReadingStrategy/JS_Chi%20Reading%20Strategy_P3.pdf
小一應該未寫到完整日記，到小三先比較有用
感謝你既意見, 因為以前未試過用繪本取代教科書上堂, 所以好擔心小朋友學習進度
唔使太擔心，先觀察學校會唔會有補充練習或者工作紙補充關於語基嘅知識 
問過話會有自製既工作紙同功課, 學生唔駛額外買補充功課
想請教下小三D細路點教，上堂話要諗作文覺得好悶 
初小同高小係咪好唔同…
依家仲有沒有人唸唐詩三百首？
個人認為普教中冇用。普通話只係一個技能，同學術扯唔上關係。中小學中文課程都係d基本野，學下現代漢語、文言文、分析下文章內容、主旨，小學就學下詞語、造句，了解下句子結構，又會學下唔同類型嘅作文。我大學先正式去語文中心學普通話拼音，但學之前咪又係識同人用普通話溝通。可以用Credit讀，但Professor話會嘥左d Credit。
要作文好，係要多睇書，睇下人地點寫文章。作文時可以同句子化下妝，玩下明喻、暗喻、用多d形容詞修飾下。學語文冇捷徑，係要慢慢吸收。
閱讀理解差得很，尤其搵詞語填句子一定攞唔到分，點算好？
記憶中北區小學粵教中比率反而係全港頭幾區
跨境想搵普教又冇
本地想搵粵教又冇
可唔可以掉轉返…